Cockroach Milk ఇదెక్కడి చోద్యం? బొద్దింక పాలు ఆవు పాలకన్నా మిన్న అంట!

బొద్దింక పాలు:  బొద్దింకను చూడగానే చాలామందికి అసహ్యం వేస్తుంది. కొంతమందికైతే బొద్దింకలైతే చచ్చేతం భయం. కానీ బొద్దింక పాలు ఆవు, మేక, గేదె పాల బలవర్థకం అనే కొత్త విషయం బయటికొచ్చింది. వీటిలో పోషకాలు పుష్కలంగా ఉంటాయట. ఈ విషయంపై అప్పడే పెద్దఎత్తున చర్చలు మొదలయ్యాయి.

సూపర్ ఫుడ్

ఆరోగ్యం విషయంలో సూపర్ ఫుడ్ అంటే పాలు, గుడ్లు, ఆకుకూరలు, పండ్లు, నెయ్యి. వీటిలో విటమిన్లు, ఖనిజాలు, యాంటీ ఆక్సిడెంట్లు ఉంటాయి. ఇన్నాళ్లూ సూపర్ ఫుడ్ అంటే ఇవే  అనుకునేవాళ్లం. పాలల్లో ఆవు, మేక, గేదె పాలు ఉండేవి. ఇప్పుడు బొద్దింక పాలు కూడా ఆ జాబితాలో చేరాయి.

మూడు రెట్లు ఎక్కువ

బొద్దింక పాలు ఆవు పాలకన్నా మూడు రెట్లు ఎక్కువ పోషకాలు ఉంటాయని సైంటిస్టులు అంటున్నారు. ప్రోటీన్లు, ఖనిజాలు, యాంటీ ఆక్సిడెంట్లు ఈ పాలలో ఫుల్లుగా ఉంటాయంటున్నారు.

బొద్దింక

బొద్దింక వంటగదిలో, జిడ్డుగా ఉండే చోట, అపరిశుభ్రంగా ఉండేచోట ఎక్కువగా ఉంటుంది. చూడటానికి అసహ్యంగా ఉంటుంది. అలాంటి బొద్దింక పాలు ఆవు పాలకన్నా పోషకాలా అని అందరూ మాట్లాడుకుంటున్నారు.

బొద్దింక పాలలో ఏమున్నాయి

బొద్దింక పాలలో ప్రోటీన్లు, కొవ్వు, చక్కెర ఉంటాయని సైంటిస్టులు అంటున్నారు. ఇవి పోషకాలని పెంచుతాయి. 2016లో జర్నల్ ఆఫ్ ది ఇంటర్నేషనల్ యూనియన్ ఆఫ్ క్రిస్టల్లోగ్రఫీలో ఈ పాల గురించి చెప్పారు. బొద్దింక పిల్లలు తీసుకున్నప్పుడు, అది కడుపులో స్ఫటికంలా మారుతుంది.

సైంటిస్టుల ప్రకటన

బొద్దింక పాలలో గేదె పాలకన్నా మూడు రెట్లు ఎక్కువ క్యాలరీలు ఉంటాయ్. గేదె పాలలోనే ఎక్కువ క్యాలరీలు ఉంటాయని అనుకునేవాళ్లం. ప్రోటీన్లు, అమైనో యాసిడ్లు, మంచి చక్కెరలు కూడా ఉన్నాయి. ఇవి కణాల రిపేర్, ఎదుగుదలకి చాలా ముఖ్యం.

మనుషులు తాగొచ్చా?

పోషకాలు ఉన్నా, బొద్దింక పాలు ఇంకా మనుషులకి అందుబాటులో లేవు. వాటిని సేకరించడం చాలా కష్టం అని సైంటిస్టులు అంటున్నారు. బొద్దింక పాలని ఒక సప్లిమెంట్ లా చూడాలి. ఈ పాలను సేకరించడం భవిష్యత్తులో తప్పకుండా సాధ్యం అవుతుంది. అప్పుడు బొద్దింక పాలు మంచి పోషకాహారం అవుతుందని సైంటిస్టులు అంటున్నారు.