Cholesterol Symptoms: శరీరంలో ఈ 3 భాగాల్తో నొప్పి ఉంటే.. మీ ఒంట్లో కొలెస్ట్రాల్ పెరిగిందని అర్థం..

Cholesterol Symptoms: శరీరంలో  పెరుగుతున్న చెడు కొలెస్ట్రాల్ ను గుర్తించడం అంత సులువు కాదు. కానీ మీ శరీరంలో కొలెస్ట్రాల్ పెరిగిందని కొన్ని భాగాలే చెప్తాయి. అంటే మూడు భాగాల్లో విపరీతమైన నొప్పి ఉంటుంది. 

high cholesterol

Cholesterol Symptoms: ప్రస్తుత కాలంలో.. చాలా మంది వ్యక్తుల జీవనశైలి కారణంగా వారిలో కొలెస్ట్రాల్ (Cholesterol) పెరగడం సర్వ సాధారణమైంది. సాంకేతికత అభివృద్ధి కారణంగా మనం మునుపటి కంటే మరింత సోమరులుగా మారిపోతున్నాం. శారీరక శ్రమ లేకపోవడం, ఆయిల్ ఫుడ్ (Oil food)ను తీసుకోవడం వల్ల శరీరంలో కొవ్వు విపరీతంగా పేరుకుపోతుంది. ఒంట్లో కొలెస్ట్రాల్ ఎక్కువైతే.. అది అధిక రక్తపోటుకు దారితీస్తుంది. ఒత్తిడి, మధుమేహం, హార్ట్ ఎటాక్, కరోనరీ ఆర్టరీ డిసీజ్, ట్రిపుల్ వెసెల్ వంటి వ్యాధులకు కూడా దారితీస్తుంది. 

cholesterol

కొలెస్ట్రాల్ అంటుకునే పదార్థం. మన శరీరంలో రెండు రకాల కొలెస్ట్రాల్ ఉంటుంది. ఒకటి మంచిది. రెండోది చెడు కొలెస్ట్రాల్. మంచి కొలెస్ట్రాల్ (Good cholesterol)ద్వారా శరీరంలో ఆరోగ్యకరమైన కణాలు తయారవుతాయి. కానీ చెడు కొలెస్ట్రాల్ మాత్రం (Bad Cholesterol)గుండె జబ్బులు (Heart disease), మధుమేహం (Diabetes) వంటి వ్యాధుల ప్రమాదాన్ని పెంచుతుంది.

High Cholesterol

రక్తంలో కొలెస్ట్రాల్ ఎంత ఉండాలి?

సెట్ ప్రమాణాల ప్రకారం.. ఆరోగ్యకరమైన పెద్దలు 200 mg / dl వరకు కొలెస్ట్రాల్ కలిగి ఉండాలి. ఈ స్థాయి 240 mg / dl కంటే ఎక్కువగా ఉంటే అప్పుడు ప్రమాదం పెరిగిందని అర్థం చేసుకోవాలి. అలాగే జీవనశైలి, ఆహారపు అలవాట్లలో మార్పులు చేసుకోవాలి.

మీకు పెరిఫెరల్ ఆర్టరీ (Peripheral artery) వ్యాధి ఉందా?

మీ  రక్తంలో కొలెస్ట్రాల్ పరిమాణం పెరిగితే.. మీకు పెరిఫెరల్ ఆర్టరీ డిసీజ్ (Peripheral artery) కూడా ఉండవచ్చంటున్నారు ఆరోగ్య నిపుణులు. ఇది ధమనులను దెబ్బతీస్తుంది. వాస్తవానికి ఇది ధమనులు తగ్గిపోవడానికి కారణమవుతుంది కూడా. అలాగే  రక్త ప్రసరణపై చెడు ప్రభావాన్ని చూపుతుంది.

శరీరంలోని ఈ భాగాలలో తీవ్రమైన నొప్పి ఉంటుంది: పెరిఫెరల్ ఆర్టరీ డిసీజ్ (PAD) కారణంగా శరీరంలో రక్త ప్రసరణకు ఆటంకం ఏర్పడుతుంది. కాబట్టి శరీరంలో మార్పులు పక్కాగా వస్తాయి.  మీరు తేలికపాటి వ్యాయామం లేదా భారీ వ్యాయామాలు చేసినప్పుడు.. తొడలు (Thighs), తుంటి (Hip), కాళ్ళ (Legs)లో తీవ్రమైన నొప్పి (Pain) ఉంటుంది. ఈ రకమైన నొప్పులను తేలిగ్గా తీసిపారేయకూడదు. ఇలాంటి సమస్యలు కనిపించినప్పుడు వెంటనే కొలెస్ట్రాల్ స్థాయిని తనిఖీ చేయండి.