Roundup 2021: ఈ ఏడాదిలో విడాకులు తీసుకున్న సెలబ్రెటీలు వీళ్లే..!
ఈ గడిచిన సంవత్సరంలో జరిగిన పలు విషయాలను రివైండ్ చేసుకుందాం. ఈ క్రమంలో... ఈ ఏడాది.. విడాకులు తీసుకున్న సెలబ్రెటీలు ఎవరెవరో ఓసారి చూసేద్దామా..
divorce
2021 ముగిసిపోయింది. మనమంతా ఇప్పుడు 2022 లో అడుగుపెట్టబోతున్నాం. ఈ సందర్భంగా.. ఈ గడిచిన సంవత్సరంలో జరిగిన పలు విషయాలను రివైండ్ చేసుకుందాం. ఈ క్రమంలో... ఈ ఏడాది.. విడాకులు తీసుకున్న సెలబ్రెటీలు ఎవరెవరో ఓసారి చూసేద్దామా..
1.అమీర్-కిరణ్ రావు..
బాలీవుడ్ మోస్ట్ బ్యూటిఫుల్ కపుల్ గా ఉన్న అమీర్ ఖాన్- కిరణ్ రావులు.. ఈ ఏడాది విడిపోయారు. తమ 15ఏళ్ల దాంపత్య బంధానికి వీడ్కోలు పలికి.. ఈ ఏడాది జులై లో వీరు విడాకులు తీసుకున్నారు.
2.సమంత - నాగ చైతన్య..
టాలీవుడ్ మోస్ట్ లవబుల్ కపుల్ సమంత- నాగ చైతన్య. వీరు కూడా.. తమ నాలుగేళ్ల వివాహ బంధానికి ఈ ఏడాది స్వస్తి పలికారు. దాదాపు ఐదేళ్ల పాటు ప్రేమించుకొని.. తర్వాత పెళ్లి చేసుకున్న వీరు సడెన్ గా విడాకులు తీసుకున్నారు. వీరి విడాకుల వ్యవహారం వారికన్నా.. అభిమానులనే ఎక్కువగా కలవరపెట్టింది.
kriti kalhari
3.క్రితి కుల్హారి-సాహిల్ సెగాల్..
నటి క్రితి.. తన భర్త సాహిల్ నుంచి ఈ ఏడాది ఏప్రిల్ లో విడాకులు తీసుకున్నారు. ఇద్దరూ కలిసి జీవించలేం అనే అభిప్రాయం వచ్చిన తర్వాత.. తాము విడిపోయామని ఆమె చెప్పారు.
4.కిమ్ కర్దాషియాన్, కేన్ వెస్ట్ ..
హాలీవుడ్లో ప్రముఖ దంపతులు కిమ్ కర్దాషియాన్, కేన్ వెస్ట్ లు కూడా ఈ ఏడాది ఏప్రిల్ లో విడాకులు తీసుకున్నారు. విడాకుల ప్రకటనకు ముందు నుంచే వీరు.. గత కొద్దికాలంగా వీరిద్దరి వేరువేరుగా ఉంటున్నట్టు సమాచారం. కిమ్ కర్దాషియాన్ తన నలుగురు పిల్లల్ని తీసుకొని లాస్ ఎంజెలెస్లోని తన నివాసంలో ఒంటరిగా ఉంటున్నారు. కేన్ వెస్ట్ ప్రస్తుతం వోమింగ్లో ఒంటరిగా ఉంటున్నారు. వారి మధ్య విభేదాలు పరిష్కరించుకొలేని స్థాయికి వెళ్లడంతో వారిద్దరూ విడిపోయారు.కిమ్, కేన్ 2014లో వివాహ బంధంతో ఒక్కటయ్యారు. ఏడేళ్లు కలిసి ఉన్న వీరు ఈ ఏడాది విడాకులు తీసుకున్నారు.
5.బిల్ గేట్స్.. మిలిందా..
మైక్రోసాఫ్ట్ వ్యవస్థాపకుడు బిల్ గేట్స్ దంపతులు తమ వైవాహిక జీవితానికి ఈ ఏడాది ముగింపు పలికారు. తమ 27 ఏళ్ల వైవాహిక జీవితానికి స్వస్తి పలుకుతున్నట్లు గేట్స్ ప్రకటించారు. మైక్రోసాఫ్ట్ వ్యవస్థాపకుడిగానే కాకుండా బిల్-మిలిండా గేట్స్ ఫౌండేషన్ ఏర్పాటుచేసి ప్రపంచవ్యాప్తంగా పలు సేవా కార్యక్రమాల ద్వారా విశేష గుర్తింపు పొందిన ఈ జంట విడాకులు తీసుకోవడం అందర్నీ షాక్కు గురిచేసింది.
6.ఎలన్ మస్క్..
ప్రపంచ కుబేరుల్లో ఒకరైన ఎలన్ మస్క్.. తన భార్యలకు రెండుసార్లు విడాకులు ఇచ్చాడు. ఎలన్ మస్క్ మొదటి భార్య జస్టిన్ నుంచి 2008లో విడాకులు తీసుకున్నారు. జస్టిన్కు చెల్లించే మొత్తానికి సంబంధించి, పిల్లల బాధ్యతలకు సంబంధించి కోర్టు వెలుపల వారిరువురు ఒప్పందం చేసుకున్నారు. ఆ తరువాత బ్రిటిష్ నటి టలులా రిలేను మస్క్ వివాహం చేసుకున్నారు. కానీ కొన్నాళ్లకే ఆమె నుంచి కూడా విడాకులు తీసుకున్నారు. ఈ ఏడాది.. తన ప్రియురాలు గ్రైమ్స్ నుంచి కూడా ఈ ఏడాది విడిపోయారు.