Weight Loss Tips: మీకిది తెలుసా.. డార్క్ చాక్లెట్ తింటే తొందరగా బరువు తగ్గుతారట..!
Weight Loss Tips: శరీరాన్ని స్లిమ్ గా ఉంచడానికి, బరువును తగ్గించడానికి డార్క్ చాక్లెట్ ఎంతో సహాయపడుతుంది.
Weight Loss Tips: ఈ రోజుల్లో బరువును తగ్గడానికి, స్లిమ్ గా ఉండటానికి ఎన్నో రకాల చిట్కాలు పాటిస్తున్నారు. కానీ ఈ రెండూ చాలా కష్టమైనవి. అందులో బరువు తగ్గే ప్రాసెస్ చాలా స్లోగా జరుగుతుంది. బరువు పెరిగినంత సులువుగా బరువు తగ్గడం చాలా కష్టం. ఓవర్ వెయిట్ నుంచి బయటపడేందుకు కష్టమైన డైట్ ను ఫాలో అవుతూ.. వ్యాయామం, యోగాలు చేస్తుంటారు. వీటితో పాటుగా మరికొన్ని టిప్స్ ను ఫాలో అయితే కూడా అధిక బరువు నుంచి బయటపడొచ్చంటున్నారు ఆరోగ్య నిపుణులు.
ఎక్కువ బరువున్న వాళ్లు తమకు ఇష్టమైనన స్వీట్లను, చాక్లెట్లను కూడా తినడానికి ఇష్టపడరు. కానీ డార్క్ చాక్లెట్ ను తింటూ కూడా బరువు తగ్గుతారట. అవును డార్క్ చాక్లెట్ మీ శరీరాన్ని సన్నగా చేస్తుంది. అంతేకాదు ఈ డార్క్ చాక్లెట్ ఎన్నో ఆరోగ్య ప్రయోజనాలను కూడా కలిగిస్తుంది.
వాస్తవానికి ఈ చాక్లెట్ ను కోకో నుంచి తయారుచేస్తారు. కోకో తయారు చేసే మొక్కల్లో ఫ్లేవనాల్స్ వంటి పోషకాలు అధిక మొత్తంలో ఉంటాయి. ఈ డార్క్ చాక్లెట్ తినడం వల్ల బరువు ఎలా తగ్గుతారో ఇప్పుడు తెలుసుకుందాం పదండి.
డార్క్ చాక్లెట్ ను తినడం వ్యసనంగా మారకూడదు. దీనిని తినడానికి ఒక లిమిట్ ను పెట్టుకోండి. రోజుకు లంచ్ లేదా డిన్నర్ తర్వాత ఒకటి లేదా రెండు డార్క్ చాక్లెట్ ముక్కలను తినండి.
24 గంటల్లో రెండు డార్క్ చాక్లెట్ ముక్కలను తినడం వల్ల మీ శరీరానికి 190 కేలరీలు అందుతాయి. ఇది మీ శరీర బరువును తగ్గించడానికి, మంచి ఆకారాన్ని నిర్వహించడానికి ఎంతో సహాయపతుంది. కావాలంటే మీరు ఓవర్ వెయిట్ నుంచి బయటపడటానికి దీన్ని తినొచ్చు.
సాయంత్రం వేళ డార్క్ చాక్లెట్ కాఫీని తీసుకున్నా చక్కటి ఫలితం ఉంటుంది. ఇది ఒత్తిడిని తగ్గించడానికి ఎంతో సహాయపడుతుంది కూడా.
వీళ్లు డార్క్ చాక్లెట్ ను తినకూడదు..
డార్క్ చాక్లెట్ మన ఆరోగ్యానికి ఎంతో మేలు చేస్తుంది. కానీ దీనిని అధిక రక్తపోటు (High blood pressure) పేషెంట్లు అస్సలు తినకూడదు.
డార్క్ చాక్లెట్ (Dark chocolate)లో కెఫిన్ ఎక్కువ మొత్తంలో ఉంటుంది. కాబట్టి దీనిని పదేపదే తీసుకోవడం వల్ల తలనొప్పి లేదా మైగ్రేన్, మైకము వంటి సమస్యలు వస్తాయి.
డార్క్ చాక్లెట్ మీ ఆహార వ్యవస్థపై కూడా ప్రభావం చూపెడుతుంది. దీనిని తినడం వల్ల మీ కడుపులో గ్యాస్ట్రిక్ సమస్య, ఉబ్బరం వంటి సమస్యలు వస్తాయి.
డార్క్ చాక్లెట్ ను ఎక్కువగా తింటే చర్మానికి సంబంధించిన సమస్యలు కూడా వస్తాయి. అందుకే దీన్ని పరిమితికి మించి తినకూడదు.