పాదాలకు రోజూ నెయ్యి రాస్తే ఏమౌతుంది?

నెయ్యి ఆరోగ్యానికి ఎంత మంచిదో స్పెషల్ గా చెప్పక్కర్లేదు. నెయ్యి రోజూ తినడం వల్ల చాలా ఆరోగ్యంగా  ఉండొచ్చు. మరి, ఇదే నెయ్యిని.. రోజూ మన పాదాలకు రాస్తే ఏమౌతుంది..? నెయ్యి తో పాదాలకు మసాజ్ చేస్తే మనకు కలిగే లాభాలు ఏంటో చూద్దాం..

నార్మల్ గానే పాదాలకు మసాజ్ చేయడం వల్ల ఆరోగ్యానికి చాలా మేలు జరుగుతుంది. అది కూడా నెయ్యితో చేస్తే.. ఇంకా మంచిదట. బాడీకి మంచి రిలక్సేషన్ దొరుకుతుందట. పాదాల నుంచి రక్త ప్రసరణ చాలా బాగా జరుగుతుంది. దాని వల్ల నీరసం అనేది ఉండదు. ఉత్సాహం పెరుగుతుంది.

పాదాలు రెగ్యులర్ గా చాలా మందికి పగులుతూ ఉంటాయి. ముఖ్యంగా చలికాలంలో ఎక్కువగా పగులుతూ ఉంటాయి. అలాంటివారు నెయ్యి ఒక స్పూన్ పాదాలకు రాయడం వల్ల  ఆ పగుళ్లు తగ్గుతాయి. పాదాలు చాలా మాయిశ్చరైజింగ్ గా ఉంటాయి. మృదువుగా మారతాయి.

మీరు చెబితే నమ్మరు కానీ, పాదాలకు నెయ్యి రాయడం వల్ల ఇమ్యూనిటీ పవర్ కూడా పెరుగుతుంది. పాదాల నుంచి శరీరానికి వచ్చే చాలా రకాల సమస్యలు రాకుండా ఆపడంలో  ఇది సహాయపడుతుంది. నెయ్యిలో విటమిన్ ఏ, డి, ఈ లు.. ఇమ్యూనిటీ పవర్ పెంచుకోవడానికి సహాయపడుతుంది.

అంతేకాదు, పాదాలకు నెయ్యి రాయడం వల్ల ఎనర్జీ కూడా పెరుగుతుంది. ఎనర్జీ కూడా బ్యాలెన్స్ అవుతుంది. చాలా శక్తిని ఇస్తుంది. ముఖ్యంగా రాత్రి పడుకునే ముందు పాదాలకు నెయ్యి మసాజ్ అవ్వడం వల్ల  హ్యాపీగా నిద్రపడుతుంది. నరాలు రిలాక్స్ అవుతాయి. డీప్ స్లీప్ కి హెల్ప్ అవుతుంది.

తినడానికే నెయ్యి లేదు..ఇక పాదాలకు ఏం రాస్తాం అనుకునేవాళ్లు . కొబ్బరినూనె కూడా వాడొచ్చు. దానితో మసాజ్ చేసినా హెల్దీగానే ఉంటుంది.