హార్ట్ ఎటాక్ వచ్చే ముందు కనిపించే లక్షణాలను ఇవే.. ఏ మాత్రం నిర్లక్ష్యం చేసినా ప్రాణాలు పోవచ్చు జాగ్రత్త..

Before Heart Attack Symptoms: ఏ రోగమైనా సరే అది వచ్చే ముందు మనలో కొన్ని సంకేతాలు కనిపిస్తాయి. అలాగే గుండెపోటు రావడానికి ముందు కూడా కొన్ని సంకేతాలు (Symptoms) కనిపిస్తాయి. అవేంటంటే.. 

మారుతున్న జీవన శైలి, అనారోగ్యకరమైన ఆహారపు అలవాట్లు వంటి వివిధ కారణాల వల్ల గుండెపోటు వచ్చే అవకాశం ఉంది. మీ ఫ్యామిలీలో ఎవరికైనా ఇంతకు ముందు గుండెపోటు వస్తే కూడా మీకు వచ్చే రిస్క్ ఎక్కువగానే ఉంది. అయితే ఇది రావడానికి ముందుగా మీ శరీరంలో కొన్ని లక్షణాలు కనిపిస్తాయి. 

heart attack

కానీ చాలా మంది వాటిని తేలిగ్గా తీసిపారేస్తుంటారు. ఎందుకంటే ఇవి గుండెపోటు ముందస్తు లక్షణాలని వారికి తెలియకపోవడం. కానీ ఇలా చేస్తే సమస్య మరింత కఠినంగా మారే అవకాశం ఉందని ఆరోగ్య నిపుణులు హెచ్చరిస్తున్నారు. ఇంతకు గుండెపోటు వచ్చే ముందు ఎలాంటి లక్షణాలు కనిపిస్తాయో తెలుసుకుందాం పదండి. 

గుండెపోటు ఎప్పుడు వస్తుంది.. గుండెలోని ఒక భాగానికి రక్తం సరఫరా కానప్పుడు హార్ట్ ఎటాక్ వస్తుంది.  లేదా చాలా సేపటివరకు రక్తం సరఫరా నిలిచిపోయినప్పుడు కానప్పుడు గుండె కండరాలు (Heart muscle) దెబ్బతిని గుండెపోటు వస్తుంది. 

గుండెపోటు రావడానికి ముందు కనిపించే లక్షణాలు.. గుండెపోటు రావడానికి ఇంకా సమయం ఉండగానే ఛాతిలో అసౌర్యంగా అనిపించడంతో పాటుగా నొప్పి కూడా పుడుతుంది. ఇలాంటప్పుడు మీరు వెంటనే వైద్యులను సంప్రదించడం మంచిది. లేదంటే ప్రాణాల మీదికే వస్తుంది. 

కొంతమందికి గుండెపోటు వచ్చే ముందు మగతగా అనిపిస్తుంది. అలాగే బలహీనంగా కూడా ఉంటారు. ఇలా అనిపించినా వైద్యులను సంప్రదించడం మర్చిపోకూడదు. 

వికారం, బాగా అలసిపోయినట్టు అనిపించడం, ఊరికే వాంతులు అవడం వంటివి కూడా గుండెపోటుకు సంకేతాలే. కానీ చాలా మంది ఈ లక్షణాలను లెక్కచేయరు. 

సరిగ్గా మాట్లాడటానికి రాకపోవడం అంటే తత్తరబాటుకు గురికావడం.  ఏ విషయమని చెప్పడానికి రాకపోవడం, చెప్పిందాన్నే మళ్లీ మళ్లీ చెప్పడం కూడా గుండెపోటుకు ముందస్తు లక్షణాలే. 

తిన్నది అరగకపోవడం, ఎసిడిటీ, గ్యాస్ వంటివి కూడా హార్ట్ ఎటాక్ కు ముందస్తు సంకేతాలే. ఇలాంటి లక్షణాలు కనిపిస్తే వెంటనే వైద్యులను సంప్రదించండి. పాదాలు, కాళ్లు, మడమలు వాపు(ఉబ్బడం)కు గురైనా అనుమానించాల్సిందే. మరికొందరిలో గొంతు నొప్పి కూడా ఉంటుంది.