HandWash: మీరు తిన్న ప్లేటులోనే చేతులు కడుక్కుంటున్నారా? దాని వల్ల కలిగే ఫలితాలు ఇవే
HandWash: మన సంస్కృతిలో ఆహారం దైవ స్వరూపం. ఆహారాన్ని అన్నపూర్ణా మాత రూపంగా కొలుచుకుంటారు. భోజనం తర్వాత తిన్న ప్లేట్లోనే చేతులు కడుక్కోవడం వల్ల ఎలాంటి ఫలితాలు కలుగుతాయో వాస్తు శాస్త్రం వివరిస్తోంది.
ఆహారం దైవస్వరూపం
హిందూమతంలో ఆహారం పరబ్రహ్మ స్వరూపంగా చెప్పుకుంటారు. అలాగే ఆహారాన్ని అన్నపూర్ణా దేవి, లక్ష్మీదేవికి ప్రతికగా కొలుస్తారు. ఇంట్లో ఆహారాన్ని ఎంతగా గౌరవిస్తే అక్కడ సంపద అంతగా పెరుగుతుందని శాస్త్రాలు కూడా చెబుతున్నాయి. అయితే చాలామందికి ఒక అలవాటు ఉంటుంది. తిన్న తర్వాత అదే ప్లేటులోనే చేతులు కడుక్కుంటారు. అయితే ఇలా చేయడం ఏమాత్రం మంచిది కాదని వాస్తు శాస్త్రం చెబుతోంది. ఆర్థిక సమస్యలను ఆహ్వానించినట్టేనని వాస్తు శాస్త్రం వివరిస్తోంది.
ఇలా చేయవద్దు
కేవలం వాస్తు శాస్త్రమే కాదు జ్యోతిష్య శాస్త్రం కూడా తిన్న ప్లేట్లోనే చేతులు కడగడాన్ని అశుభంగా చెబుతున్నాయి. పళ్లెంలో నీళ్లు పోయడం వల్ల మిగిలిపోయిన ఆహారం కలుషితమవుతుంది. ఇది లక్ష్మీదేవికి కోపాన్ని తెప్పిస్తుంది. చేతులు కడుక్కోవడానికి పక్కన ప్రత్యేక పాత్రను పెట్టుకోవాలి లేదా లేచి వెళ్లి బయట కడుక్కోవాలి. చాలామంది మిగిలిపోయిన ఆహారాన్ని నేరుగా చెత్తబుట్టలో పడేస్తూ ఉంటారు. ఇది కూడా ఆహారాన్ని అగౌరవపరచడమే. మిగిలిపోయిన ఆహారాన్ని పేదలకు లేదా జంతువులకు పెట్టాలని శాస్త్రాలు చెబుతున్నాయి. కానీ దాన్ని పారవేయడం వల్ల ఇంట్లో ఆహారం కొరత ఏర్పడే అవకాశం ఉంటుంది.
ప్లేటులో చేతులు కడిగితే వచ్చే ఫలితాలు
చాలామంది భోజనం చేసేటప్పుడు ఫోన్ చూడడం, టీవీ చూడడం, ఫోన్లో మాట్లాడడం వంటివి చేస్తూ ఉంటారు. దీనివల్ల భోజనంపై ఏకాగ్రత ఉండదు. పరధ్యానంగా ఆహారాన్ని తినడం కూడా దానిని అవమానించడమే. ఇది ఆరోగ్యానికి హాని కలిగిస్తుందని ఇంట్లో అశాంతిని పెంచుతుందని వాస్తు శాస్త్రం చెబుతోంది. భోజనాన్ని తినేటప్పుడు నిశ్శబ్దంగా తినాలి. కృతజ్ఞతతో ఆహారాన్ని ఆనందంగా స్వీకరించాలి. అలాగే మురికిగా ఉన్న కడగని పాత్రలలో కూడా ఆహారం తినడం వల్ల వాస్తు దోషాలు పెరిగిపోతాయి. ఇంట్లో ప్రతికూల శక్తి ఎక్కువ అవుతుంది. తినడానికి ముందు చేతులను కడుక్కోవాలి.
ప్లేటును వెంటనే క్లీన్ చేయాలి
భోజనం చేశాక చాలామంది ఆ ప్లేటును అలా వదిలేస్తూ ఉంటారు. కానీ అది చాలా తప్పు. పళ్లాన్ని వెంటనే శుభ్రం చేయాలి. ప్లేటులో ఆహారాన్ని మిగిల్చి ఉంచడం కూడా ఏమాత్రం మంచిది కాదు. ఇది ఇంట్లో ఆర్థిక సమస్యలకు గొడవలకు దారి తీయవచ్చు. ఆహారాన్ని ప్రతిరోజూ ప్రసాదంగా భావించి తినాలి. ఇలా ఆహారాన్ని మీరు ఎంత గౌరవిస్తే మీ ఇంట్లో శాంతి, సంతోషం అంతగా నెలకు ఉంటాయి.
