Motivational story: ఈ నక్కలా ఆలోచిస్తే ఎంతటి కష్టం నుంచైనా తప్పించుకోవచ్చు.. చిన్న కథే కానీ ఎంతో మెసేజ్‌

అబద్ధం చెప్పడం తప్పు అని పెద్దలు చెబుతుంటారు. అయితే మనల్ని మనం రక్షించుకునేందుకు కొన్ని సందర్భాల్లో అబద్ధం చెప్పడం తప్పు కాదనే సందేశాన్ని ఈ కథ చెబుతుంది. ఇంతకీ ఆ కథ ఏంటో ఇప్పుడు తెలుసుకుందాం..  

Fox story

అడవికి రోజు సింహానికి ఓ రోజు ఒక అనుమానం వస్తుంది. తన నుంచి దుర్వాసన వస్తుందని సదరు సింహానికి తెగ డౌట్ కొడుతుంది. దీంతో తన అనుమానాన్ని నివృత్తి చేసుకోవాలని డిసైడ్‌ అవుతుంది. ఇందుకోసం అడవిలో మధ్యలోకి వెళ్లి ఎదురుగా ఎవరు వస్తున్నారని చూస్తుంది. 

ఇంతలోనే అటుగా ఓ జింక వెళ్తుంటుంది. ఆ జింకను పిలిచిన సింహం.. 'జింక జింక నా దర్గ దుర్వాసన వస్తుందా.? ' అని ప్రశ్నిస్తుంది. దీంతో భయపడ్డ జింక.. అసలే సింహం రాజు, తప్పుగా చెప్తే ఏం చేస్తుందో అని భయపడి 'అవును మహారాజా మీ నుంచి నిజంగానే దుర్వాసన వస్తోంది' అని చెబుతుంది. దీంతో ఒక్కసారిగా కోపంతో ఊగిపోయిన సింహం.. 'నా దగ్గరే దుర్వాసన వస్తుందని' అంటావా అంటూ జింకను చంపేస్తుంది. 

lion

ఆ తర్వాత అక్కడే ఉన్న కోతిని పిలిచి 'నా దగ్గర దుర్వాసన వస్తుందా?' అని ప్రశ్నిస్తుంది. దీంతో కోతి సింహం మెప్పును పొందాలని ఆలోచించి 'లేదు మహారాజా అలా ఏం రావడం లేదు' అని సమాధానం ఇస్తుంది. దీంతో నాకే అబద్ధం చెప్తావా.? వాసన వస్తున్నా రావడం లేదని నన్ను మోసం చేస్తావా' అని కోతిని కూడా చంపేస్తుంది. 

అదే క్రమంలో ఓ నక్క అటుగా వెళ్తుంది. ఆ నక్కును పిలిచిన సింహం నా దగ్గర ఏదైనా వాసన వస్తుందా అని ప్రశ్నిస్తుంది. అయితే ఆ నక్క చాలా తెలివిగా ఆలోచించి.. 'మహారాజా నాకు జలుబు వల్ల సరిగ్గా వాసన తెలియడం లేదు. నేను వాసనను పసిగట్టలేకపోతున్నాను. నన్ను క్షమించండి' అంటుంది. దీంతో ఆ సింహం నక్కను వదిలిపెడుతుంది. 

నీతి: చదవడానికి చిన్న కథలాగే ఉన్నా ఇందులో ఎంతో నీతి దాగి ఉంది. సమస్య ఎదురైనప్పుడు ఇలా తెలివిగా స్పందించాలనే గొప్ప సందేశాన్ని అందిస్తుంది. మనకు కూడా జీవితంలో ఇలాంటి సమస్యలే వస్తాయి. ఆ సమయంలో తెలివిగా వ్యవహరించి కష్టాల నుంచి బయటపడాలి. మరీ ముఖ్యంగా అనవసర విషయాల్లో ఇరుక్కొని జీవితాన్ని కష్టంగా మార్చుకోకూడదు.