ISRO Jobs : తెలుగు యువతకు బంపరాఫర్.. రూ.50,000 జీతంతో ఇస్రోలో ఉద్యోగాలు
ఇండియన్ స్పేస్ రీసెర్చ్ ఆర్గనైజేషన్ లో ఉద్యోగాల భర్తీకి నోటిఫికేషన్ వెలువడింది. మీకు అన్ని అర్హతలు ఉంటే వెంటనే దరఖాస్తు చేసుకొండి. ఈ నోటిఫికేషన్ కు సంబంధించిన పూర్తి వివరాలు ఇక్కడ చూడండి.
ఇస్రోలో ఉద్యోగాల భర్తీ
ISRO Jobs : ఇండియన్ స్పేస్ రీసెర్చ్ ఆర్గనైజేషన్ (ఇస్రో)లో ఉద్యోగాల భర్తీకి నోటిఫికేషన్ వెలువడింది. మొత్తం 320 సైంటిస్ట్/ ఇంజనీర్ ఉద్యోగాలను భర్తీ చేయనుంది ఇస్రో. మీకు అన్ని అర్హతలుంటే వెంటనే దరఖాస్తు చేసుకొని ప్రతిష్టాతక సంస్థలో ఉద్యోగాన్ని పొందండి.
ఆసక్తి ఉన్నవారు ఇస్రో అధికారిక వెబ్‌సైట్ isro.gov.in ద్వారా ఆన్‌లైన్‌లో దరఖాస్తు చేసుకోవచ్చు. మే 27 నుండి దరఖాస్తుల స్వీకరణ ప్రారంభమయ్యింది... దరఖాస్తుకు చివరి తేదీ జూన్ 16, 2025. ఆలోపు మాత్రమే దరఖాస్తులను స్వీకరిస్తారు.
ఇస్రోలో ఖాళీల వివరాలు
1. సైంటిస్ట్/ఇంజనీర్ ‘SC’ (ఎలక్ట్రానిక్స్): 113 ఖాళీలు
2. సైంటిస్ట్/ఇంజనీర్ ‘SC’ (మెకానికల్): 160 ఖాళీలు
3. సైంటిస్ట్/ఇంజనీర్ ‘SC’ (కంప్యూటర్ సైన్స్): 44 ఖాళీలు
4. సైంటిస్ట్/ఇంజనీర్ ‘SC’ (ఎలక్ట్రానిక్స్)– PRL: 2 ఖాళీలు
5. సైంటిస్ట్/ఇంజనీర్ ‘SC’ (కంప్యూటర్ సైన్స్) – PRL: 1 ఖాళీ
ఇస్రో ఉద్యోగాలకు అర్హతలివే
ఇస్రో సైంటిస్ట్/ఇంజనీర్ ఉద్యోగాలకు సంబంధిత డిగ్రీ ఉండాలి. 2024-25 విద్యా సంవత్సరంలో పైన పేర్కొన్న కోర్సులు పూర్తి చేయబోయే అభ్యర్థులు కూడా దరఖాస్తు చేసుకోవచ్చు. 31.08.2025 లోపు డిగ్రీ పూర్తి చేసి, మొత్తం 65% మార్కులు లేదా 6.84/10 CGPA (అన్ని సెమిస్టర్ల సగటు) ఉంటే దరఖాస్తు చేసుకోవచ్చు.
జూన్ 16, 2025 నాటికి వయసు 28 ఏళ్లులోపు ఉండాలి. అంతకంటే ఎక్కువ వయసు గలవారు అనర్హులు.
ఇస్రో ఉద్యోగాల ఎంపిక ప్రక్రియ
ఎంపిక రాత పరీక్ష ద్వారా జరుగుతుంది. రాత పరీక్షలో రెండు భాగాలు ఉంటాయి. పరీక్ష సమయం 120 నిమిషాలు. రాత పరీక్షలో ప్రతిభ ఆధారంగా, అర్హులైన అభ్యర్థులను 1:5 నిష్పత్తిలో ఇంటర్వ్యూకి ఎంపిక చేస్తారు.
సాలరీ :
ఈ ఉద్యోగాలకు ఎంపికయ్యే అభ్యర్థులకు నెలకు రూ.56,100 సాలరీ ఉంటుంది. ఇక ఇతర అలవెన్సులు కూడా ఉంటాయి.
దరఖాస్తు ఫీజు ఎంత?
అన్ని పోస్టులకు దరఖాస్తు ఫీజు రూ.250/-. అయితే ప్రారంభంలో అందరు అభ్యర్థులు ఒక దరఖాస్తుకు రూ.750/- ప్రాసెసింగ్ ఫీజు చెల్లించాలి. రాత పరీక్షకు హాజరయ్యే అభ్యర్థులకు మాత్రమే ప్రాసెసింగ్ ఫీజును ఈ క్రింది విధంగా తిరిగి ఇస్తారు:
* దరఖాస్తు ఫీజు చెల్లింపు నుండి మినహాయింపు పొందిన అభ్యర్థులకు (మహిళలు, SC/ST/ PwBD, మాజీ సైనికులు) రూ.750 పూర్తిగా తిరిగి ఇవ్వబడుతుంది.
* రాత పరీక్షకు హాజరైన మహిళలు, SC/ST/ PwBD, మాజీ సైనికులు కాకుండా ఇతర అభ్యర్థులకు దరఖాస్తు ఫీజు పోను రూ.500 తిరిగి ఇవ్వబడుతుంది.
పరీక్షా కేంద్రాలు :
తెలుగు రాష్ట్రాల్లో హైదరాబాద్ ఒక్కటే పరీక్షాకేంద్రం. దేశవ్యాప్తంగా అహ్మదాబాద్, బెంగళూరు, భోపాల్, చెన్నై, గౌహతి, కోల్ కతా, లక్నో, న్యూడిల్లీ, తిరువనంతపురం కూడా పరీక్షా కేంద్రాలే.
