నిరుద్యోగులకు గుడ్ న్యూస్.. కేంద్ర ప్రభుత్వ ఉద్యోగాల నోటిఫికేషన్‌ విడుదల.. ఈ అర్హత ఉంటే చాలు..

ఎంప్లాయిస్‌ స్టేట్‌ ఇన్సూరెన్స్‌ కార్పొరేషన్‌ (ESIC) మెడికల్‌ కాలేజీలో ప‌లు పోస్టుల భ‌ర్తీకి నోటిఫికేష‌న్ విడులైంది. ఈ నోటిఫికేష‌న్ ద్వారా ఈఎస్ఐసీలో మొత్తం 1120 ఇన్సూరెన్స్ మెడిక‌ల్ ఆఫీస‌ర్ (Insurance Medical Officer) గ్రేడ్ - 2 (అల్లోప‌తి) పోస్టుల‌ను భ‌ర్తీ చేయ‌నున్నారు. 

ఈ పోస్టులకు ఆన్‌లైన్ విధానంలో దరఖాస్తు చేసుకోవాల్సి ఉంటుంది. అభ్య‌ర్థులను రాత ప‌రీక్ష, ఇంట‌ర్వ్యూ ద్వారా ఎంపిక చేస్తారు. అప్లయ్‌ చేయాలనుకున్న అభ్య‌ర్థుల‌కు గ‌రిష్ఠ వ‌య‌సు 35 ఏళ్లు మించ‌కూడ‌దు. ఈ పోస్టుల‌కు ఎంపికైన వారికి నెల‌కు రూ.56,100 నుంచి రూ.1,77,500 జీతం ఉంటుంది. ఈ పోస్టులకు సంబంధించి దరఖాస్తు ప్రక్రియ డిసెంబర్‌ 31 నుంచి ప్రారంభమవుతుంది. ద‌ర‌ఖాస్తుకు చివరితేది  31 జనవరి 2022. అప్లికేష‌న్ ప్రాసెస్‌, నోటిఫికేష‌న్ వివ‌రాల కోసం అధికారిక వెబ్‌సైట్ https://www.esic.nic.in/recruitments ను చూడవచ్చు.

మొత్తం ఖాళీలు: 1120
పోస్టు: ఇన్సూరెన్స్ మెడిక‌ల్ ఆఫీస‌ర్ గ్రేడ్-2 (అల్లోప‌తి)
అర్హతలు: ద‌ర‌ఖాస్తు చేసుకొనే వారు ఎంబీబీఎస్ పూర్తి చేసి ఉండాలి. అలాగే ఇంట‌ర్న్‌షిప్ పూర్తి చేసి ఉండాలి. ఇంట‌ర్న్‌షిప్ పూర్తి చేయ‌ని అభ్య‌ర్థులు రాత ప‌రీక్షకు హాజ‌రు కావాల్సి ఉంటుంది.

ప‌రీక్ష విధానం: అభ్య‌ర్థుల‌కు కంప్యూట‌ర్ బేస్డ్ అబ్జెక్టీవ్ విధానంలో పరీక్ష నిర్వ‌హిస్తారు. ఈ ప‌రీక్ష మొత్తం 200 మార్కులకు ఉంటుంది. ఇందులో రెండు సెక్ష‌న్‌లు ఉంటాయి. సెక్ష‌న్‌-1లో 100 మార్కులు, సెక్ష‌న్‌-2లో 100 మార్కులు ఉంటాయి. పరీక్ష స‌మ‌యం రెండు గంట‌లు ఉంటుంది.
సెక్ష‌న్‌ 1- జ‌న‌ర‌ల్ మెడిసిన్ అండ్ పీడియాట్రిక్స్ (స‌బ్జెక్టు ప్ర‌శ్న‌లు- 80+20 ప్ర‌శ్న‌లు, మార్కులు-100)
సెక్ష‌న్‌ 2- స‌ర్జరీ, గైన‌కాల‌జీ అండ్ అబ్‌స్టెట్రిక్స్ ప్రివెంటివ్ అండ్ సోష‌ల్ మెడిసిన్‌ (స‌బ్జెక్టు ప్ర‌శ్న‌లు- 34+33+33 ప్ర‌శ్న‌లు, మార్కులు-100)

ఎంపిక విధానం:
మొదట అభ్య‌ర్థుల నుంచి ద‌ర‌ఖాస్తులు స్వీక‌రిస్తారు. అనంత‌రం రాత ప‌రీక్ష నిర్వ‌హిస్తారు. రాత ప‌రీక్ష‌లో పాసైన వారికి ఇంట‌ర్వ్యూలు నిర్వ‌హిస్తారు. ఇంట‌ర్వ్యూలో ఉత్తీర్ణులైన వారికి పోస్టింగ్ కల్పిస్తారు.

ద‌ర‌ఖాస్తు విధానం:
మొదట అధికారిక వెబ్‌సైట్ https://www.esic.nic.in/recruitments ను ఓపెన్‌ చేయాలి.
తరువాత ఆన్‌లైన్‌లోకి వెళ్లి ద‌ర‌ఖాస్తు చేసుకోవడానికి  అవ‌స‌ర‌మైన స‌మాచారం అందించాలి.
చివరకి రూ.500 ప‌రీక్ష ఫీజు చెల్లించి సబ్‌మిట్‌ చేయాలి.