నువ్వు కాల్ గర్ల్స్ కాదా? .. వేశ్య అనే ప్రచారంతో ఓ మహిళా జర్నలిస్టుకు వేధింపులు..

చైనాకు వ్యతిరేకంగా జరిగిన ర్యాలీలో పాల్గొందన్న కారణంతో ఓ మహిళా జర్నలిస్టును కాల్ గర్ల్ గా ప్రచారం చేశారు. సోషల్ మీడియాలో ఆమె మార్ఫింగ్ ఫొటోలు, వీడియోలతో పాటు.. ఫోన్ నెం, అడ్రస్ కూడా పెట్టారు.   

బెర్లిన్ : ప్రభుత్వానికి వ్యతిరేకంగా గళమెత్తినందుకు ఓ మహిళా జర్నలిస్టుకు అత్యంత దారుణమైన పరిస్థితులు ఎదురయ్యాయి.  ఆమెను వేశ్యగా చిత్రీకరిస్తూ ఆమె సమాచారంతో సోషల్ మీడియాలో ప్రచారం చేశారు. దీంతో ఎవరెవరో ఆమె ఇంటికి వచ్చి తలుపులు కొడుతున్నారట. ఎవరు, ఏం కావాలి అని ప్రశ్నించిన ఆమెతో.. ‘మీరు కాల్ గర్ల్ కదా.. ఆన్లైన్లో ప్రకటన చూసి వచ్చాం’  అని సమాధానం చెప్పడంతో.. ఒక్కసారిగా ఆమె షాక్ కు గురైంది. అది ఓ జర్నలిస్టుగా తనకు తల కొట్టేసినంత పనైందని చెప్పుకొచ్చింది. 

ప్రతిరోజూ శృంగారంలో పాల్గొనడం వల్ల ఆరోగ్యంతోపాటు.. ఆనందం కూడా లభిస్తుంది. అయితే.. మహిళలను ఎక్కువగా శృంగారాన్ని ఆస్వాదించాలంటే మాత్రం ఇలా చేయాల్సిందేనని సంబంధిత నిపుణులు సూచిస్తున్నారు. మరి అవేంటో ఇప్పుడు చూద్దాం..

ఈ ఘటన జర్మనీలో చోటుచేసుకుంది. సూ యుటాంగ్ అనే  చైనాకు చెందిన మహిళా జర్నలిస్టు ఆమె. ప్రస్తుతం జర్మనీలో ఉంటుంది.  ఇలా చేయడం వెనక కారణం కూడా చెప్పుకొచ్చిందామే.. చైనా ప్రభుత్వం 1989లో బీజింగ్ లోని తీయాన్ మీన్స్ స్క్వేర్ లో విద్యార్థులు పెద్ద ఎత్తున చేపట్టిన ఆందోళనలను అత్యంత క్రూరంగా అణిచివేసింది. ఆ తర్వాత నుంచి అప్పుడప్పుడు దీనిని వ్యతిరేకిస్తున్న ప్రజాస్వామ్యవాదులు.. ప్రపంచవ్యాప్తంగా పలుచోట్ల ర్యాలీలు చేపడుతుంటారు. 

ఈ నేపథ్యంలోనే ఇటీవల జర్మనీలో ఇలాంటి ప్రదర్శన జరిగింది. అందులో సూ యుటాంగ్ పాల్గొంది. చైనా వ్యక్తి అయి ఉండి.. ఆ దేశానికి వ్యతిరేకంగా జరుగుతున్న ర్యాలీలో పాల్గొనడంతో  చైనా ఏజెంట్లకు ఆమె టార్గెట్ గా మారింది. అయితే, చైనా ఏజెంట్లు ఏ పని చేసినా నేరుగా ఉండదు. తమ టార్గెట్ చేసిన వ్యక్తులను  సమాజంలో అప్రతిష్ట పాలు చేస్తారు. వారి వ్యక్తిత్వాన్ని దెబ్బతీసేలా టార్గెట్ చేస్తారు. చైనాకు వ్యతిరేకంగా ఉన్నందుకు అనేక రకాల వ్యూహాలు పన్నుతూ వారిని  డీమోరలైజ్ చేస్తారనే వాదనలు ఉన్నాయి.

సూ యుటాంగ్ చెబుతున్న విషయం అలాంటి కోవలోకే వస్తుంది. ఆమెను టార్గెట్ చేసిన చైనా ఏజెంట్లు సూ యుటాంగ్ ను  కాల్ గర్ల్ గా పేర్కొంటూ.. ఆమె ఫోన్ నెంబర్, అడ్రస్ ను సోషల్ మీడియాలో పెట్టారు. దీంతో ఆమెకు ప్రతిరోజు వందలాది మెసేజ్లు, ఫోన్ కాల్స్ వస్తున్నాయి. వీటికి తోడు ఆమె అడ్రస్ వెతుక్కుంటూ వచ్చి మరీ తలుపులు కొడుతూ ఇబ్బందులకు గురి చేస్తున్నారట. మొదట ఎందుకిలా జరుగుతుందో అర్థం కాని ఆమె.. ఆ తర్వాత అసలు విషయం తెలియడంతో వేధింపులు భరించలేక పోలీసులను ఆశ్రయించింది. ఇక చైనా అనుకూల మీడియా ఇంకో ముందుకొచ్చింది.. ఆమెకు వ్యతిరేక కథనాలను ప్రచారం చేస్తుంది.

ఆమె ఫోటోలను, వీడియోలను మార్నింగ్ చేసి ఆన్లైన్లో పెట్టారు.  దాంతోపాటు ఎస్కార్ట్ సర్వీసులు అందిస్తున్నట్లుగా చెబుతూ ఫోన్ నెంబర్ కూడా ఇచ్చారు.  ఆ నెంబర్ తీసుకున్న కొత్త వ్యక్తులు తరచుగా ఆమెకి ఫోన్ చేస్తూ ఇబ్బందులకు గురి చేస్తున్నారు.  అసభ్యకరమైన మెసేజ్ లతో మానసికంగా కృంగదీస్తున్నారు. అయితే ఇది ఒక్క సూ యుటాంగ్  సమస్య కాదు.. చైనా అసమ్మతివాదులు ప్రపంచంలో ఎక్కడున్నా.. ఏదోరకంగా ఇలాంటి వేధింపులకు టార్గెట్ గా మారుతున్నట్లు మీడియా వర్గాలు చెబుతున్నాయి.