అది ఏలియన్స్ పనేనా?.. ఉటా ఎడారిలో మాయమైన లోహపు దిమ్మె...
ఉటా ఎడారిలో విచిత్రంగా ప్రత్యక్షమైన ఓ దిమ్మ ఇప్పుడు కనిపించకుండా పోయింది. ఈ దిమ్మ కనపడి ఎంత సంచలనం సృష్టించిందో.. ఇప్పుడు మాయమై కూడా అంతే సంచలనానికి దారి తీసింది.
Followఉటా ఎడారిలో విచిత్రంగా ప్రత్యక్షమైన ఓ దిమ్మ ఇప్పుడు కనిపించకుండా పోయింది. ఈ దిమ్మ కనపడి ఎంత సంచలనం సృష్టించిందో.. ఇప్పుడు మాయమై కూడా అంతే సంచలనానికి దారి తీసింది.
వివరాల్లోకి వెడితే అమెరికాలోని నరసంచారం లేని ఉటా ఎడారిలో కొద్ది రోజుల క్రితం ఓ వింత వస్తువు ప్రత్యక్షమయిన సంగతి తెలిసిందే. 12 అడుగుల పొడవున్న ఈ లోహపు దిమ్మె ఆ ఎడారిలోకి ఎలా వచ్చేందనే విషయం మిస్టరీగా మారింది. ఈ మిస్టరీ ఇంకా వీడకముందే తాజాగా మరో వింత చోటు చేసుకుంది.
ప్రస్తుతం ఉటా ఎడారిలో ప్రత్యక్షమైన ఆ దిమ్మె కనిపించకుండా పోయింది. అంతపెద్ద భారీ వస్తువు హఠాత్తుగా రావడం, అంతే హఠాత్తుగా మాయమవడంతో.. ఇది తప్పకుండా ఏలియన్స్ పనే అంటున్నారు నెటిజనులు.
అయితే ఈ నేపథ్యంలో ల్యాండ్‌ మేనేజ్‌మెంట్‌ బ్యూరో అధికారులు మాత్రం ‘ఒక్కరు లేదా కొందరు వ్యక్తులు కలిసి ఈ దిమ్మెను శుక్రవారం రాత్రి తొలిగించినట్లు మాకు తెలిసింది’ అంటున్నారు. ఈ మేరకు వారు ఓ ప్రకటన కూడా విడుదల చేశారు.
దాని ప్రకారం.. ‘బ్యూరో ఆఫ్‌ ల్యాండ్‌ మేనేజ్‌మెంట్‌లో ఎవరో గుర్తు తెలియని వ్యక్తులు అక్రమంగా పాతిన లోహపు దిమ్మెను తొలగించినట్లు మా దగ్గర ఖచ్చితమైన సమాచారం ఉంది’ అని దానిలో పేర్కొన్నారు. ఈ నిర్మాణాన్ని తొలగించినట్లు ఉటా హైవే పాట్రోల్‌ సీపీఎల్‌ అధికారి ఒకరు ఆదివారం వాషింగ్టన్‌ పోస్ట్‌కు తెలియజేశారు. అయితే ఎవరు దాన్ని తొలగించారనే విషయాన్ని మాత్రం వెల్లడించలేదు.
దీంతో ‘అసలు ఆ దిమ్మెను ఎడారిలో ఎవరు నిలబెట్టారు.. ఇప్పుడు ఎవరు తొలగించారు. అంతా మాయాలా ఉంది’ అంటూ ఆశ్చర్యం వ్యక్యం చేస్తున్నారు జనాలు. ప్రస్తుతం దీని గురించి సోషల్ మీడియాలో విపరీతమైన చర్చ నడుస్తోంది.
‘ఏలియన్స్ వచ్చి దాన్ని తీసుకెళ్లాయి’.. ‘ఇప్పుడు ఆ దిమ్మె మరో చోట ప్రత్యక్షం అవుతుందేమో’.. ‘ఆ దిమ్మె ఏలియన్స్‌కు సంబంధించిన వస్తువు అని, అందుకే అధికారుల సీక్రెట్‌గా దాన్ని తొలగించారు.. దానిపై ఏం మాట్లాడటం లేదు’ అంటూ నెటిజన్లు కామెంట్స్ చేస్తున్నారు.
ఈ నెల 18న కొందరు కార్మికులు రెడ్‌ రాక్‌ రిమోట్‌ ఏరియాలో ఈ నిర్మాణాన్ని గమనించారు. నరసంచారం లేని ఎడారిలో దిమ్మె ప్రత్యక్షం అ‍య్యిందని తెలిపారు. ఆ రోజు నుంచి ఈ దిమ్మె తెగ వైరలయ్యింది. ఇక ఈ దిమ్మె ఎక్కడ ఉంది అనే దాని గురించి ఉటా డిపార్ట్‌మెంట్‌ ఆఫ్‌ పబ్లిక్‌ సేఫ్టీ ఖచ్చితమైన సమాచారం ఇవ్వడంలేదు. కారణం.. వివరాలు తెలిస్తే జనాలు పెద్ద ఎత్తున అక్కడికి పోటెత్తుతారని సమాచారాన్ని గోప్యంగా ఉంచారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
![Jallikattu: Fierce Bull Taming Competition in [Location Name]](https://static-gi.asianetnews.com/images/external/image-9de2a7fa-2f0d-46c8-96ef-845e864a92dc_180x120xt.jpg "Jallikattu: Fierce Bull Taming Competition in [Location Name]")
