Malayalam English Kannada Telugu Tamil Bangla Hindi Marathi
  • Facebook
  • Twitter
  • whatsapp
  • YT video
  • insta
  • తాజా వార్తలు
  • ఎంటర్‌టైన్‌మెంట్
  • క్రికెట్
  • జీవనశైలి
  • ఆంధ్రప్రదేశ్
  • తెలంగాణ
  • బిజినెస్
  • జ్యోతిష్యం
  • KEA 2025
  • Home
  • Districts News
  • Hyderabad
  • Hyderabad: హైదరాబాద్‌ ఊపిరి పీల్చుకో.. ట్రాఫిక్‌ సమస్యకు చెక్‌ పెట్టేందుకు గూగుల్‌ కీలక నిర్ణయం

Hyderabad: హైదరాబాద్‌ ఊపిరి పీల్చుకో.. ట్రాఫిక్‌ సమస్యకు చెక్‌ పెట్టేందుకు గూగుల్‌ కీలక నిర్ణయం

హైదరాబాద్‌ మహా నగరం అనగానే పర్యాటక ప్రదేశాలు, ఐటీ, ఫార్మా కంపెనీలతో పాటు ట్రాఫిక్‌ కూడా ఠక్కున గుర్తొస్తుంది. ఇంటి నుంచి అడుగు బయట పెట్టిన వారు తిరిగి ఇంటికి అనుకున్న సమయానికి చేరుకోవడం అసాధ్యం. శరవేగంగా పెరిగిపోతున్న హైదరాబాద్ మహా నగరానికి ట్రాఫిక్‌ ఓ సమస్య అని చెప్పడంలో ఎలాంటి సందేహం లేదు. అయితే ఈ సమస్యకు టెక్నాలజీతో చెక్‌ పెట్టేందుకు అడుగులు వేస్తున్నారు..   

Narender Vaitla | Published : Feb 17 2025, 11:10 AM
2 Min read
Share this Photo Gallery
  • FB
  • TW
  • Linkdin
  • Whatsapp
  • Google NewsFollow Us
13
Asianet Image

హైదరాబాద్ నగరం ఎంత వేగంగా విస్తరిస్తుందో అంతే వేగంగా ట్రాఫిక్‌ సమస్య పెరుగుతోంది. మరీ ముఖ్యంగా ఉదయం, సాయంత్రం సగటు నగర పౌరుడు ట్రాఫిక్‌లోనే ఎక్కువ సమయం గడుపుతున్నారని చెప్పడంలో ఎలాంటి సందేహం లేదు. ఎన్ని ఫై ఓవర్‌లు, అండర్‌ పాస్‌లు నిర్వహించినా ఇప్పటికీ ట్రాఫిక్‌ ఇబ్బందులు తప్పడం లేదు. అయితే ఈ ట్రాఫిక్‌ సమస్యకు చెక్‌ పెట్టేందుకు, హైదరాబాద్ ప్రజలు ఊపిరి పీల్చుకునే విధంగా ప్రముఖ టెక్‌ దిగ్గజం గూగుల్‌ టెక్నాలజీని ఉపయోగిస్తోంది. ఇందులో భాగంగానే తాజాగా గూగుల్‌ ఇండియా ప్రతినిధులు తెలంగాణ రాష్ట్ర పోలీస్ ఇంటిగ్రేటెడ్ కమాండ్ అండ్ కంట్రోల్ సెంటర్ (TGICCC) ను సందర్శించారు. 
 

23
Asianet Image

నగర ట్రాఫిక్ నిర్వహణ వ్యవస్థను పరిశీలించి, గూగుల్ టెక్నాలజీలను ఉపయోగించి దీని సామర్థ్యాన్ని మెరుగుపర్చే మార్గాలను అన్వేషించారు. ఇటీవల గూగుల్, తెలంగాణ ప్రభుత్వాల మధ్య వివిధ రంగాల్లో సాంకేతికత ఆధారిత పరిష్కారాలను అమలు చేయడానికి ఒక అవగాహన ఒప్పందం (MoU) కుదిరిన విషయం తెలిసిందే. ఐసీసీసీ సందర్శించిన సమయంలో గూగుల్ ప్రతినిధులుగా చందు థోటా, రావు సురపనేని , శాలిని పుచ్చలపల్లి , శేషు అజ్జరపు, రాజేశ్ రంజన్‌తో పాటు పలువురు ఉన్నారు. 

ఈ సందర్భంగా నగర పోలీస్ కమిషనర్ సీవీ ఆనంద్ కమాండ్ అండ్ కంట్రోల్ సెంటర్ (ICCC) పనితీరును గూగుల్ ప్రతినిధులకు వివరించారు. రియల్-టైమ్ ట్రాఫిక్ మేనేజ్‌మెంట్, అధునాతన సర్వైలెన్స్, డేటా అనలిటిక్స్, గూగుల్ మ్యాప్స్ డేటా ద్వారా ట్రాఫిక్ జామ్ హాట్‌స్పాట్లను గుర్తించడంపై ప్రస్తుత వ్యవస్థ ఎలా పనిచేస్తుందో వివరిస్తూ ప్రెజెంటేషన్ ఇచ్చారు. గూగుల్ నిపుణులు, ఇంటిగ్రేటెడ్ కమాండ్ అండ్ కంట్రోల్ సెంటర్ అధికారుల మధ్య జరిగిన చర్చల్లో పలు అంశాలు ప్రస్తావనకు వచ్చాయి. 
 

33
Google AI

Google AI

గూగుల్‌ మ్యాప్స్‌ లైవ్ ట్రాఫిక్ డేటాను సమగ్రంగా అనుసంధానించడం, ట్రాఫిక్ సిగ్నల్స్‌ను వాహనాల సంఖ్యను బట్టి ఆటోమెటిక్‌గా నియంత్రించడం, రియల్-టైమ్ పోలీస్ పేట్రోలింగ్ వాహనాల ట్రాకింగ్, ట్రాఫిక్ పర్యవేక్షణ కోసం డ్రోన్ల వినియోగం వంటి అంశాలపై దృష్టి సారించారు. అలాగే క్లౌడ్ సొల్యూషన్లను ఉపయోగించి డేటా స్టోరేజ్‌ను మెరుగుపరచడంతో పాటు సీసీటీవీ ఫుటేజ్‌ను 30 రోజుల పరిమితికి మించి సేవ్ చేయడం, AI ఆధారిత డేటా విశ్లేషణను వేగవంతం చేయడం వంటి అంశాలపై చర్చించారు. 

తెలంగాణ ప్రభుత్వం పబ్లిక్ సేఫ్టీ కోసం ఆధునిక సాంకేతికతను వినియోగిస్తున్న తీరును గూగుల్ ప్రతినిధులు ప్రశంసించారు. భవిష్యత్తులో ట్రాఫిక్ నిర్వహణ వ్యవస్థను మరింత సమర్థంగా అభివృద్ధి చేసేందుకు గూగుల్, తెలంగాణ ప్రభుత్వం కలిసి పని చేయాలని నిర్ణయించుకుంది. 
 

Narender Vaitla
About the Author
Narender Vaitla
నరేందర్ వైట్లకు ప్రింట్‌, డిజిటల్ మీడియాలో 8 సంవత్సరాలకు పైగా అనుభవం ఉంది. ప్రస్తుతం ఏసియా నెట్ న్యూస్ తెలుగులో సీనియర్ సబ్ ఎడిటర్‌గా సేవందిస్తున్నారు. 2015లో సాక్షి దినపత్రిక ద్వారా జర్నలిజంలోకి అడుగుపెట్టారు. అనంతరం 2019లో ఈనాడు డిజిటల్‌ విభాగంలో సబ్‌ ఎడిటర్‌గా, 2020లో టీవీ9 తెలుగులో (డిజిటల్‌) సీనియర్‌ సబ్‌ ఎడిటర్‌గా పని చేశారు. లైఫ్‌స్టైల్‌, టెక్నాలజీ, హ్యుమన్‌ ఇంట్రెస్ట్‌ వంటి తదితర విభాగాలకు చెందిన వార్తలు రాస్తుంటారు. Read More...
 
Recommended Stories
Top Stories