ఎక్స్ పైరీ డేట్ అయిపోయిన శానిటరీ ప్యాడ్స్ లేదా టాంపోన్లను వాడితే..!
శానిటరీ ప్యాడ్స్ లేదా టాంపోన్లను కొనేటప్పుడు వాటి ఎక్స్ పైరీ డేట్ ను చూసే అలవాటు ఎవరికీ ఉండదు. కానీ వీటి గడువు తేదీని తప్పకుండా చెక్ చేయాలి. ఎందుకంటే ఎక్స్ పైరీ డేట్ అయిపోయిన వాటిని వాడితే ఎన్నో అనారోగ్య సమస్యలు వస్తాయి.
స్కిన్ కేర్ అయినా, మేకప్ ప్రొడక్ట్స్ అయినా సరే వాటిని ఉపయోగించే ముందు ఖచ్చితంగా ఎక్స్ పైరీ డేట్స్ ను చెక్ చేయాలి. ఎందుకంటే ఎక్స్పైరీ డేట్ అయిపోయిన వాటిని వాడితే ఎన్నో అనారోగ్య సమస్యలు వస్తాయి. బ్యూటీ ప్రొడక్ట్స్ మాదిరిగానే కొంతమంది ఆడవారు ఒకేసారి ఎక్కువ రుతుస్రావ ఉత్పత్తులను కొంటారు. చాలా మంది రుతుస్రావ ఉత్పత్తుల ఎక్స్ పైరీ డేట్ ను చెక్ చేయకుండా వాడుతుంటారు. కానీ ఇలా వాడటం అంత మంచిది కాదు. అందుకే మీరు ఉపయోగించే శానిటరీ ప్యాడ్లు, టాంపోన్లు లేదా మెన్స్ట్రువల్ కప్పుల ఎక్స్ పైరీ డేట్ ను ఖచ్చితంగా చూడండి.
గడువు తీరిన రుతుక్రమ ఉత్పత్తులను ఉపయోగించడం వల్ల కలిగే ప్రమాదాలు
శానిటరీ ప్యాడ్లు, టాంపోన్లు ఎక్కువగా ఐదేళ్ల గడువు తేదీని కలిగి ఉంటాయి. అయితే మెన్స్ట్రువల్ కప్పులు చాలా సంవత్సరాలు ఉంటాయి. కానీ ప్రతి 1 లేదా 2 సంవత్సరాలకు ఖచ్చితంగా ఈ కప్పును మార్చాలి. గడువు తేదీలను చెక్ చేయడం, కాలం చెల్లిన రుతుక్రమ ఉత్పత్తులను ఉపయోగించకుండా ఉండటం మంచిది. ఎందుకంటే గడువు ముగిసిన రుతుక్రమ ఉత్పత్తులను ఉపయోగించడం వల్ల ఎన్నో సమస్యలు వస్తాయి. గడువు తేదీ దాటిన ఉత్పత్తులు బ్లడ్ ను గ్రహించవు. ఇది లీకేజీ, అసౌకర్యానికి దారితీస్తుంది. గడువు ముగిసిన పీరియడ్ ఉత్పత్తుల్లో సూక్ష్మక్రిములు ఉండే అవకాశం ఉంది. అలాగే బ్యాక్టీరియా సంక్రమణ ప్రమాదాన్ని కూడా పెంచుతాయి.
Sanitary Products
దద్దుర్లు
గడువు తేదీ ముగిసిన శానిటరీ ప్యాడ్లు, టాంపోన్లను వాడటం వల్ల దద్దుర్లు వస్తాయి. ప్యాడ్లు లేదా టాంపోన్లలోని రసాయనాల గడువు ముగియడం వల్ల దద్దుర్లు వస్తాయని నిపుణులు చెబుతున్నారు.
అసాధారణ యోని ఉత్సర్గ
ఎక్స్ పైరీ డేట్ అయిపోయిన రుతువిరతి ఉత్పత్తులను ఉపయోగిస్తే అసాధారణ యోని ఉత్సర్గ వస్తుంది. గడువు తీరిన ఉత్పత్తుల వాడకం వల్ల యోని చుట్టూ ఫంగల్ ఇన్ఫెక్షన్ సమస్య వస్తుంది.
చర్మ అలెర్జీ
గడువు ముగిసిన శానిటరీ ప్యాడ్లను ఉపయోగించడం వల్ల చర్మ అలెర్జీ వచ్చే అవకాశం కూడా ఉంది. కాలం చెల్లిన ఉత్పత్తులను ఉపయోగించినప్పుడు కలిగే ఫంగల్ ఇన్ఫెక్షన్ వల్ల ఇది వస్తుంది.
టాక్సిక్ షాక్ సిండ్రోమ్
గడువు తీరిన టాంపోన్ ను ఉపయోగించడం వల్ల టాక్సిక్ షాక్ సిండ్రోమ్ అనే అరుదైన సమస్య వస్తుంది. బాక్టీరియల్ ఇన్ఫెక్షన్ రక్తప్రవాహంలోకి వచ్చినప్పుడు ఈ సమస్య వస్తుందని నిపుణులు చెబుతున్నారు.
మీ శానిటరీ వస్తువులను ఎప్పుడూ కూడా బాత్ రూంలో ఉంచకూడదు. ఎందుకంటే ఇలా చేయడం వల్ల వాటి షెల్ఫ్ లైఫ్ తగ్గుతుంది. బాత్ రూంలో తేమ ఎక్కువగా ఉంటుంది. వీటిలో ఉంచితే వాటికి ఎక్కువ బ్యాక్టీరియా ఉంటుంది. అందుకే వీటిని ఎప్పుడూ కూడా మీ పడకగది వార్డ్రోబ్ వంటి పొడి ప్రాంతాల్లో నిల్వ చేయండి. వాటిని జార్లు లేదా కంటైనర్లలో నిల్వ చేయడానికి బదులుగా వాటి అసలు ప్యాకేజింగ్ లో ఉంచండి.