హార్ట్ ఎటాక్ రావడానికి అసలు కారణాలు ఇవే..!
అధిక రక్తపోటు గుండెపోటుకు కారణమవుతుంది. మీకు అధిక రక్తపోటు సమస్య ఉంటే జాగ్రత్తగా ఉండాలి. అధిక రక్తపోటు గుండెను నియంత్రించే ధమనులను దెబ్బతీస్తుంది.
మధ్యకాలంలో హార్ట్ ఎటాక్ కారణంగా ప్రాణాలు కోల్పోయేవారి సంఖ్య రోజు రోజుకీ పెరిగిపోతోంది. అసలు గుండెజబ్బులు రావడం చాలా సర్వసాధారణమైపోయింది.దశాబ్దం క్రితం వృద్ధులకు, ఉబకాయంతో బాధపడుతున్న వారిలోనే అధికంగా గుండెపోటు వచ్చే అవకాశం ఉండేది.
కానీ హెల్త్ టిప్స్ పాటించకపోవడంతో ఇప్పుడు యువకులు సైతం గుండెజబ్బులతో చనిపోతున్నారు. వైద్యుల అభిప్రాయం ప్రకారం, ఒక వ్యక్తికి పలు కారణాల వల్ల గుండెపోటు వస్తుంది. అందులో కొన్ని ముఖ్యమైన కారణాలు మీకోసం..
ధూమపానం మరియు పొగాకు ఉత్పతులతో గుండెపోటు వస్తుంది. ధూమపానం మరియు పొగాకు వినియోగం గుండెపోటు ప్రమాదాన్ని మరింతగా పెంచుతుంది. కాబట్టి ధూమపానానికి దూరంగా ఉండాలి. పొగాకు ఉత్పత్తులు తినవద్దు అని వైద్యులు సూచిస్తున్నారు.
అధిక రక్తపోటు గుండెపోటుకు కారణమవుతుంది. మీకు అధిక రక్తపోటు సమస్య ఉంటే జాగ్రత్తగా ఉండాలి. అధిక రక్తపోటు గుండెను నియంత్రించే ధమనులను దెబ్బతీస్తుంది.
అధిక కొవ్వు, స్థూలకాయం మరియు డయాబెటిస్ లేక షుగర్ వ్యాది కారణంగా తరచుగా అధిక రక్తపోటు సమస్య తలెత్తుతుంది. తద్వారా గుండెపోటు వస్తుంది.
ఉబకాయం గుండెపోటుకు దారితీస్తుంది. స్థూలకాయం కారణంగా అధిక రక్తపోటు మరియు డయాబెటిస్ సమస్యల బారిన పడుతుంటారు. వీటి కారణంగా తరువాత వచ్చే ప్రధాన ఆరోగ్య సమస్య గుండెపోటు. కనుక గుండెపోటు సమస్యను నివారించాలంటే బరువు పెరగకుండా చూసుకోవడం సైతం ఒక మార్గమని వైద్యులు సలహా ఇస్తున్నారు.
జన్యుపరమైన కారణాల వల్ల గుండెపోటు వస్తుంది. కొంతమందికి జన్యుపరమైన కారణాలు వల్ల గుండెజబ్బులు వస్తాయి. గతంలో కుటుంబ సభ్యులకు గుండెపోటు వచ్చిన వారు ఉన్నట్లయితే వారి సంతానం ఈ విషయంలో చాలా అప్రమత్తంగా ఉండాలి.