హాట్ వాటర్ కాదు.. చన్నీళ్లతో స్నానం చేస్తే.. ఆ సమస్య రాదట..!

చాలా మంది వేసవిలో చల్లని నీటితో.. వర్షాకాలం, చలి కాలంలో.. హాట్ వాటర్ తో స్నానం చేస్తూ ఉంటారు. ఇక కొందరు కాలంతో పని లేదు.. తమకు స్నానం అంటే వేడి నీరు ఉండాల్సిందే. ఇంకొందరు ఎలాంటి పరిస్థితుల్లో అయినా.. చల్లని నీటితో చేస్తుంటారు.

మీకు వేడి నేటితో స్నానం చేయడం ఇష్టమా..? లేదంటే చల్లని నీటితో స్నానం చేయడం ఇష్టమా...? ఏ నీటితో స్నానం చేస్తే ఏముందిలే అని మీరు అనుకోవచ్చు. కానీ.. మనం ఏ నీటితో స్నానం చేస్తున్నామనే విషయంపై మన ఆరోగ్యం ఆధారపడి ఉంటుందట. చాలా మంది వేసవిలో చల్లని నీటితో.. వర్షాకాలం, చలి కాలంలో.. హాట్ వాటర్ తో స్నానం చేస్తూ ఉంటారు. ఇక కొందరు కాలంతో పని లేదు.. తమకు స్నానం అంటే వేడి నీరు ఉండాల్సిందే. ఇంకొందరు ఎలాంటి పరిస్థితుల్లో అయినా.. చల్లని నీటితో చేస్తుంటారు.

కాగా.. తాజా పరిశోధనలో తేలిన విషయం ఏమిటంటే.. చల్లని నీటితో స్నానం చేసేవారిలో ఉబకాయం సమస్య ఉండదట. వేడి నీటితో కంటే... చల్లని నీటితో స్నానం చేసేవారిలో ఉబకాయం సమస్య రాదని.. ఉన్నా.. తగ్గుతుందని తేలిందట.

ఉబకాయానికీ, చల్లని నీటికి సంబంధం ఏంటి..?

పరిశోధన ప్రకారం, ఊబకాయంతో బాధపడేవారు చల్లని నీటితో స్నానం చేయడం వల్ల వారికి ఎంతో ఉపయోగకరంగా ఉంటుంది.  చల్లని నీటితో స్నానం చేయడం వల్ల జీవక్రియను పెంచడంలో సహాయపడుతుందని, తద్వారా బరువు తగ్గడానికి క్యాలరీ బర్నింగ్ ప్రక్రియను వేగవంతం చేస్తుందని తాజా పరిశోధనలో తేలింది.

ఈ అధ్యయనం కోసం, పరిశోధకులు ఎలుకల సమూహానికి అధిక కొవ్వు పాశ్చాత్య ఆహారాన్ని అందించారు. వాటిలో కొన్ని అధిక ఉష్ణోగ్రత వద్ద,  మరికొన్ని శరీరానికి వేడిని ఉత్పత్తి చేయవలసిన అవసరం లేని ఉష్ణోగ్రత వద్ద ఉంచారు. 

చలిలో ఉండటం వల్ల ఊబకాయం వల్ల కలిగే మంటతో పాటు గ్లూకోజ్‌ని గ్రహించి రక్తంలో చక్కెర స్థాయిలను మెరుగ్గా నిర్వహించే శరీర సామర్థ్యాన్ని మెరుగుపరుస్తుందని వారు కనుగొన్నారు. చల్లని ఉష్ణోగ్రతలలో ఉంచినప్పుడు, ఎలుకలు బరువు కోల్పోయినట్లుగా వారు గుర్తించారు.