ప్రతి రోజూ ఖర్జూరం తింటే ఎన్నో లాభాలో తెలిస్తే.. అస్సలు వదిలిపెట్టరు..!
డేట్స్ లో ఖనిజాలు, ముఖ్యంగా భాస్వరం, పొటాషియం మెగ్నీషియం సమృద్ధిగా ఉంటాయి. ఈ ఖనిజాలు ఎముక సమస్యలకు చికిత్స చేయడానికి పనిచేస్తాయి.
తాజా పండ్లు తినడానికి చూపించిన ఇంట్రెస్ట్... డ్రై ఫ్రూట్స్ విషయంలో పెద్దగా చూపించరు. కానీ నిజానికి తాజా పండ్లలో కన్నా ఎక్కువగా.. డ్రై ఫ్రూట్స్ లో ఎక్కువ కేలరీలు ఉంటాయి. దీని కేలరీలు ప్రధానంగా కార్బో హైడ్రేట్స్ నుంచి వస్తాయి. ప్రోటీన్స్ మాత్రం చాలా తక్కువగా ఉంటాయి.
అయితే.. డ్రై ఫ్రూట్స్ లో విటమిన్లు, ఖనిజాలు, ఫైబర్ ఎక్కువగా ఉంటుంది. ప్రతి 100 గ్రాముల ఖర్జూరాల్లో 26 కేలరీలు, 75 గ్రాముల కార్బో హైడ్రేట్స్, 8 గ్రాముల ఫైబర్, 2 గ్రాముల ప్రోటీన్లు ఉంటాయి.
కాబట్టి.. ప్రతిరోజూ ఆహారంతోపాటు మూడు ఖర్జూరాలను తీసుకుంటే.. చాలా రకాల సమస్యల నుంచి బయటపడొచ్చని నిపుణులు సూచిస్తున్నారు.
ఖర్జూరాల్లో పొటాషియం, మెగ్నీషియం, కాపర్, మాంగనీస్, ఐరన్, విటమిన్స్ ఉంటాయి. శరీరానికి కావాల్సిన ఫైబర్ వీటి నుంచి సరిపోను అందుతుంది.
ఖర్జూరాల్లోని ఫైబర్ మలబద్దకం సమస్య నుంచి ఉపశమనం కలిగిస్తుంది. అందుకే.. వైద్యులు కూడా గర్భిణీలను ప్రతిరోజూ ఖర్జూరాలు తినాలని సూచిస్తుంటారు.
అంతేకాదు... దీని వల్ల బ్లడ్ షుగర్ కంట్రోల్ లో ఉంటుంది.
ఖర్జురం రోజూ తినడం వల్ల రక్తంలో చక్కెర స్థాయిలు పెరగకుండా నిరోధిస్తుంది. అందుకే డేట్స్ గ్లైసెమిక్ సూచిక తక్కువగా ఉంటుంది.
ఖర్జూరాలు సహజంగా తియ్యగా ఉంటాయి. ఎందుకంటే ఇందులో ఫ్రక్టోజ్ ఉంటుంది. పంచదారకు బదులు కూడా ఖర్జూరాలు తినడం చాలా ఆరోగ్యకరం.
ఖర్జురాల్లో యాంటీ ఆక్సిడెంట్లు అధికంగా ఉంటాయి. వీటిలో ఫ్లేవనాయిడ్లు, కెరోటినాయిడ్లు మరియు ఫినోలిక్ ఆమ్లాలు ఉన్నాయి. ఈ యాంటీఆక్సిడెంట్లన్నింటినీ కలిగి ఉన్న ఇది అల్జీమర్స్ వ్యాధి, కొన్ని రకాల క్యాన్సర్, గుండె జబ్బులు, వివిధ కంటి సమస్యలు మధుమేహంతో పోరాడగలదు.
డేట్స్ లో ఖనిజాలు, ముఖ్యంగా భాస్వరం, పొటాషియం మెగ్నీషియం సమృద్ధిగా ఉంటాయి. ఈ ఖనిజాలు ఎముక సమస్యలకు చికిత్స చేయడానికి పనిచేస్తాయి.
ఖర్జూరాలను రోజూ మూడు తినాలి. లేదంటే వీటిని ఇంకేదైనా ఆహారంలో కలిపి తీసుకున్నా సరిపోతుంది. రోజుకి మూడు ఖర్జూరాలు తింటే ఎన్నో రకాల అనారోగ్య సమస్యల నుంచి బయటపడొచ్చు.