మీ ఫ్రిజ్ ఆరోగ్యంగానే ఉందా? ఎలా తెలుసుకోవాలంటే..
ఇప్పుడు ప్రతీ ఇంట్లోనూ ఫ్రిజ్ కామన్.. ఆహారపదార్థాలు పాడవకుండా ఉండడానికి, ఎక్కువ కాలం తాజాగా ఉండడానికి ఫ్రిజ్ వాడుతుంటారు. అంతేకాదు ఫ్రిజ్ లో చాలా తక్కువ ఉష్ణోగ్రత ఉంటుంది కాబట్టి అక్కడ సూక్ష్మజీవులు పెరగవని కూడా అనుకుంటారు. అయితే చల్లటి వాతావరణంలో పెరిగే సాల్మొనెల్లా అనే ఓ సూక్ష్మజీవి ఫ్రిజ్ లో పెరిగే అవకాశం ఎక్కువ.
ఇప్పుడు ప్రతీ ఇంట్లోనూ ఫ్రిజ్ కామన్.. ఆహారపదార్థాలు పాడవకుండా ఉండడానికి, ఎక్కువ కాలం తాజాగా ఉండడానికి ఫ్రిజ్ వాడుతుంటారు. అంతేకాదు ఫ్రిజ్ లో చాలా తక్కువ ఉష్ణోగ్రత ఉంటుంది కాబట్టి అక్కడ సూక్ష్మజీవులు పెరగవని కూడా అనుకుంటారు. అయితే చల్లటి వాతావరణంలో పెరిగే సాల్మొనెల్లా అనే ఓ సూక్ష్మజీవి ఫ్రిజ్ లో పెరిగే అవకాశం ఎక్కువ.
ఇంకా ముఖ్యంగా మాంసాహారాన్ని ఫ్రిజ్ లో నిల్వ చేసేటప్పుడు ఈ సూక్ష్మజీవి ఎక్కువగా వచ్చే అవకాశం ఉంటుంది. ఏదైనా ఒక ఆహారపదార్థంలో సాల్మొనెల్లా ఉందంటే అది ఫ్రిజ్లోని అన్ని రకాల ఆహారపదార్థాలనూ కలుషితం చేసే అవకాశం ఉంది. దీనివల్ల ఫ్రిజ్ లోంచి తీసిన ఆహారపదార్థాలను బాగా వేడిచేయకుండా తిన్నప్పుడు కొందరిలో నీళ్ల విరేచనాలతో పాటు డీ–హైడ్రేషన్ ప్రమాదం ఉంటుంది.
అందుకే మీ ఆరోగ్యమే కాదు ఫ్రిజ్ కూడా ఆరోగ్యంగా ఉండేలా చూసుకోవాలి. దీనికి కొన్ని సింపుల్ టిప్స్ పాటించాల్సి ఉంటుంది. వీటిని పాటిస్తే మీ ఫ్రిజ్ తో పాటు మీ ఆరోగ్యమూ బాగుంటుంది.
ఫ్రిజ్లో ఆహారపదార్థాలు పెట్టేప్పుడు ఫ్రిజ్ హైజీన్ కూడా అవసరమే. ఫ్రిజ్ లో మాంసాహారం, కూరగాయలు, ఆకుకూరలు, పండ్లు పెట్టేప్పుడు వాటన్నింటిని వేర్వేరుగానూ, హానికరం కాని ప్యాకింగ్ మెటీరియల్తో ప్యాక్ చేసి పెట్టుకోవాలి.
మాంసాహార పదార్థాల్లోనూ చికెన్, మటన్, సీఫుడ్స్ లాంటి మాంసాన్ని దేనికదే విడివిడిగా ప్యాక్ చేసి ఫ్రిజ్లో పెట్టాలి. ఒక మాంసాహారం మరో మాంసాహారంతో ఎట్టిపరిస్థితుల్లోనూ కలవకూడదు. ఫ్రిజ్లోంచి తీసిన ఆహార పదార్థాలను పచ్చిగా తినకపోవడం చాలా మంచిది.
ఇక ఆకుకూరలూ, కాయగూరలను తగిన ఉష్ణోగ్రత వద్ద సరిగ్గా ఉడికించాకే తినాలి. ఇక ఫ్రిజ్ నుంచి తీసిన మాంసాహారాన్ని తప్పనిసరిగా అత్యధిక ఉష్ణోగ్రత వద్ద బాగా ఉడికించేలా తగినజాగ్రత్త తీసుకోవాలి.
ఇలా చేయడం వల్ల అత్యధిక ఉష్ణోగ్రత వద్ద సాల్మొనెల్లా లేదా ఈ–కొలై సూక్ష్మజీవులు చనిపోతాయి. అందుకే మాంసాహారం తినేవారు తప్పనిసరిగా దాన్ని సరిగ్గా ఉడికించిన తరువాత మాత్రమే తినాలి.
ఇక డీప్ ఫ్రీజర్ విషయానికి వస్తే దీనికో టెస్ట్ ఉంది. డీప్ ఫ్రీజర్లో అర చేయి పెట్టి చూసినప్పుడు అది బాగా చల్లగా తగలాలి. అంతేకానీ బాగా తడితడిగా చిత్తడిగా తగలకూడదు. అలా చిత్తడిగా ఉందంటే అక్కడ తగిన ఉష్ణోగ్రత మెయింటెయిన్ కావడం లేదని అర్థం.
ఇలా లేకపోతే ఫ్రిజ్ సరైన టెంపరేచర్ లేదని అర్థం వెంటనే రిపేర్ చేయించాలి. ఫ్రిజ్ ను నెలకొకసారో లేదా రెణ్ణెల్లకొకసారో... ఇలా నిర్ణీత సమయంలో తప్పక శుభ్రం చేసుకుంటూ ఉండాలి.