ఉదయం లేవగానే ఈ పని చేయకండి.. మీ కళ్లకే ప్రమాదం..!

మన శరీరంలో అత్యంత విలువైన శరీర భాగాల్లో కళ్లు కూడా ఒకటి.  కంటి చూపు లేనివారికి వాటి విలువ బాగా తెలుస్తుంది.  అయితే.. మనకు ఆ దేవుడు పుట్టుకతో ఇచ్చిన కంటిని మాత్రం..  మన నిర్లక్ష్యంతో ప్రమాదంలో పడేస్తూ ఉంటాం. చేతులరా తెలిసీ తెలియక కొన్ని పనులు చేయడం వల్ల  కళ్లు ప్రమాదంలో పడతాయని నిపుణులు హెచ్చరిస్తున్నారు.
 

దాదాపు చాలా మంది ఉదయం లేవగానే.. చల్లటి నీటితో ముఖాన్ని కడుక్కుంటారు. అది మంచిదే కానీ... కళ్లల్లోకి నీళ్లు పోయేలా మాత్రం చల్లుకోకూడదు. దీని వల్ల మీ కళ్లు పాడైపోతాయి. ఉదయం అనేకాదు.. చాలామంది నిద్ర పోగొట్టుకోవడానికి కూడా నీటిని కళ్ల మీద పోసుకోవడం లాంటివి చేస్తారు. కంటిలో ఏదైనా దుమ్ము పడినప్పుడు కూడా నీళ్లు పోసుకుంటూ ఉంటారు. దాని వల్ల తమ కళ్లు శుభ్రపడతాయని అనుకుంటారు. కానీ పొరపాటున కూడా  అలాంటి పనులు చేయకూడదు. 
 

ఉదయం నిద్రలేచిన వెంటనే కళ్లలో నీళ్లు చల్లుకోవడం చెడు అలవాటు అంటున్నారు నిపుణులు. మీరు మీ కళ్ళను విడిగా శుభ్రం చేయవలసిన అవసరం లేదు. కంటి పరిశుభ్రతను స్వయంగా చూసుకుంటుంది. కన్నీటి గ్రంథులు సహజ నూనెలను కలిగి ఉంటాయి. కంటి దురద లేదా మరేదైనా కారణంగా మీరు పదేపదే మీ కళ్ళకు నీళ్ళు పోస్తూ ఉంటే, ఇది మీ ఆరోగ్యాన్నిదెబ్బతీస్తుంది. కంటిని నీటితో శుభ్రం చేసుకుంటే కంటిలోని ద్రవం తగ్గుతుంది. దీంతో కళ్లు పొడిబారుతాయని నిపుణులు చెబుతున్నారు.

ఇప్పటికే మన  కళ్లలో తగినంత కన్నీళ్లు ఉన్నాయి. దుమ్ము లేదా ధూళిని శుభ్రం చేయడానికి కంటిలోని నీరు సరిపోతుంది. కంటి ద్రవం మూడు పొరలను కలిగి ఉంటుంది. మొదటిది నీరు అయితే రెండవ ,మూడవది వరుసగా మ్యూకిన్ పొర, లిపిడ్ పొర. ఇందులో లైసోజైమ్, లాక్టోఫెర్రిన్, లిపోకాలిన్, లాక్టోఫెర్రిన్, ఇమ్యునోగ్లోబులిన్, గ్లూకోజ్, యూరియా, సోడియం , పొటాషియం ఉన్నాయి. వీటిలో కొన్ని మీ కళ్ళను బ్యాక్టీరియా నుండి రక్షించడంలో సహాయపడతాయి.

తరచూ నీళ్లతో కళ్లను శుభ్రం చేసుకోవడం వల్ల నీళ్లలోని దుమ్ము కళ్లలోకి చేరుతుంది. కార్నియా , కండ్లకలక కంటి  సున్నితమైన నిర్మాణాలు, ఇవి నీటిలోని బ్యాక్టీరియా వల్ల దెబ్బతింటాయి. పంపు నీటిలో ఉండే బ్యాక్టీరియా , మలినాలు మీ కళ్లలోకి ప్రవేశించి కంటి ఆరోగ్యాన్ని దెబ్బతీస్తాయి. ఇన్ఫెక్షన్ , చికాకు కలిగిస్తుంది. ఈ సందర్భంలో, మీ కళ్లల్లో నీరు  ఉంటే, ఇది దృష్టి సమస్యలతో మిమ్మల్ని ఇబ్బంది పెడుతుంది.

కళ్లను ఇలా శుభ్రం చేసుకోవచ్చు : కళ్లలో నీళ్లు పోయకుండా కళ్లను ఎలా శుభ్రం చేసుకోవాలో అడగవచ్చు. ఉదయం లేవగానే శుభ్రమైన గుడ్డను నీటిలో ముంచి కళ్ల చుట్టూ శుభ్రం చేసుకోవాలి. దీంతో రాత్రిపూట కళ్ల చుట్టూ ఉన్న మురికి శుభ్రపడడమే కాకుండా కళ్లు కూడా శుభ్రపడతాయి. కళ్లకు ఎలాంటి హాని ఉండదు. కంప్యూటర్లు వాడుతున్నప్పుడు, మురికి ప్రదేశాలకు వెళ్లేటప్పుడు కంటికి ఇన్ఫెక్షన్లు రాకుండా అద్దాలు వాడుకోవచ్చు.