ఇలా చేస్తే పొడి దగ్గు చాలా తొందరగా తగ్గిపోతుంది..

పొడి దగ్గు తొందరగా తగ్గదు. దీన్ని తగ్గించుకోవడానికి ఓవర్ ది కౌంటర్ ముందులు ఉన్నాయి. కానీ పొడి దగ్గును చాలా తొందరగా ఇంట్లో ఉండే పదార్థాల తోనే తగ్గించుకోవచ్చు. 

పొడి దగ్గు వల్ల బాగా అలసిపోతారు. అందులోనూ ఈ దగ్గు ఇతరులకు ఇబ్బందిని కలిగిస్తుంది. ఈ పొడి దగ్గు అన్ని వయసుల వారిని ప్రభావితం చేస్తుంది. ఎన్నో ఓవర్ ది కౌంటర్ నివారణలతో ఈ పొడిదగ్గును తగ్గించుకోవచ్చు. అయితే దీన్ని ఎఫెక్టీవ్ గా తగ్గించడానికి మన వంటింట్లో ఉండే కొన్ని పదార్థాలు కూడా సహాయపడతాయి. అవేంటంటే.. 

ములేతి 

ములేతి యాంటీ ఇన్ఫ్లమేట, ఎక్స్పెక్టోరెంట్ లక్షణాలను కలిగి ఉంటుంది. ఇది చికాకు కలిగించే వాయుమార్గాలను ఉపశమనం కలిగిస్తుంది. జర్నల్ ఆఫ్ ఫార్మాస్యూటికల్ బయాలజీలో ప్రచురించబడిన ఒక అధ్యయనం.. దగ్గును తగ్గించడానికి, దీర్ఘకాలిక అబ్స్ట్రక్టివ్ పల్మనరీ డిసీజ్ (సిఓపిడి) ఉన్న రోగులలో శ్వాసకోశ లక్షణాలను మెరుగుపరచడానికి లైకోరైస్ రూట్ సారం ప్రభావవంతంగా ఉందని కనుగొన్నారు. సీఓపీడీ వల్ల కలిగే పొడి దగ్గును తగ్గించడానికి ములేతి బాగా ఉపయోగపడుతుందని అధ్యయనం సూచిస్తోంది. మీరు చేయాల్సిందల్లా చిన్న ములేతి ముక్కను నోట్లో పెట్టుకుని నమలుతూ ఉండండి.

Image: Getty Images

తేనె

తేనెలో ఎన్నో ఔషదగుణాలున్నాయి. తేనె పొడి దగ్గుకు సహజ చికిత్స. ఎందుకంటే ఇది దగ్గును తగ్గించడానికి, గొంతును ఉపశమనం చేయడానికి సహాయపడుతుంది. పీడియాట్రిక్స్ పిల్లల దగ్గును తగ్గించడానికి తేనె చాలా ప్రభావవంతంగా ఉందని కనుగొన్నారు. ఇది ఓవర్ ది కౌంటర్ దగ్గు మందులలో తేనె కూడా ఉంటుంది. 

అల్లం

అల్లం యాంటీ ఇన్ఫ్లమేటరీ లక్షణాలను కలిగి ఉంటుంది. ఇది చికాకును కలిగించే వాయుమార్గాలను ఉపశమనం కలిగిస్తుంది. తీవ్రమైన బ్రోన్కైటిస్ ఉన్న రోగులలో దగ్గు, గొంతు నొప్పిని తగ్గించడానికి అల్లం ప్రభావవంతంగా పని చేస్తుంది. పొడి దగ్గును తగ్గించడానికి అల్లం సహజ నివారణగా పనిచేస్తుంది. మీకు పొడిదగ్గు ఉంటే తేనె-అల్లం మసాలా టీని తయారు చేసుకుని తాగండి. 

ఆవిరి పట్టండి

ఆవిరి పట్టడం ద్వారా కూడా పొడి దగ్గును తగ్గించుకోవచ్చు. ఇది వాయుమార్గాలను తేమగా చేసి పొడి దగ్గు నుంచి ఉపశమనం కలిగిస్తుంది. ఇంటర్నేషనల్ జర్నల్ ఆఫ్ క్రానిక్ అబ్స్ట్రక్టివ్ పల్మనరీ డిసీజ్ లో ప్రచురించబడిన ఒక అధ్యయనం.. ఆవిరి పట్టడం వల్ల పొడి దగ్గు లక్షణాలు తగ్గుతాయి. దగ్గున్న ఉన్నవారికి మందుల అవసరాన్ని తగ్గిస్తుందని కనుగొన్నారు. పొడి దగ్గుకు కారణమయ్యే అన్ని చికాకుల నుంచి మీ వాయుమార్గాలను శుభ్రపరచడానికి ఇది ఉత్తమంగా పనిచేస్తుంది. 

ఉప్పునీటి గార్గిల్

గోరువెచ్చని ఉప్పునీటితో రోజుకు 2-3 సార్లు గార్గ్లింగ్ చేయడం వల్ల పొడి దగ్గు నుంచి ఉపశమనం పొందుతారు. అమెరికన్ జర్నల్ ఆఫ్ ప్రివెంటివ్ మెడిసిన్ లో ప్రచురించబడిన ఒక అధ్యయనం.. ఆరోగ్యకరమైన పెద్దలలో శ్వాసకోశ ఇన్ఫెక్షన్లను తగ్గించడానికి ఉప్పు నీటితో గార్గ్లింగ్ ప్రభావవంతంగా ఉందని కనుగొన్నారు. శ్వాసకోశ ఇన్ఫెక్షన్ల వల్ల కలిగే పొడి దగ్గును నివారించడానికి, దానిని తగ్గించడానికి ఉప్పు నీటి గార్గ్లింగ్ ఉపయోగకరమైన నివారణ అని అధ్యయనం సూచిస్తోంది.