పీడకలలు పడితే ఏమౌతుందో తెలుసా?

కొంతమందికి ప్రతిరోజూ పీడకలలు పడుతుంటాయి. కానీ దీనివల్ల నిద్ర సరిగ్గా రాదు. అంతేకాదు పీడకలలు మీ ఆరోగ్యాన్ని కూడా పాడుచేస్తాయి. అసలు పీడకలలు పడటం వల్ల మీ ఆరోగ్యం ఏమౌతుందో తెలుసా? 

పీడకలలు కేవలం కలల మాత్రమే కావు. ఇవి మీ ఆరోగ్యాన్ని కూడా ప్రభావితం చేస్తాయి. పీడకలల వల్ల ఉన్నపాటుగా మెలుకువ రావడమే కాదు బాగా ఒత్తిడికి కూడా గురవుతారు. ఆందోళనను బాగా పెంచుతుంది. పీడకలలు మీ నిద్రకు భంగం కలిగిస్తాయి. అలాగే మీ రోజువారీ జీవితాన్ని కూడా ప్రభావితం చేస్తాయి. అలాగే మీ మానసిక ఆరోగ్యం కూడా ప్రభావితం అవుతుంది. పీడకలల వల్ల ఎలాంటి సమస్యలు వస్తాయో ఇప్పుడు తెలుసుకుందాం పదండి. 

పెరిగిన ఆందోళన, ఒత్తిడి

తరచుగా పీడకలలు పడితే యాంగ్జైటీ, ఒత్తిడి స్థాయిలు పెరుగుతాయి. పీడకలల వల్ల నిద్రలేచినప్పుడు మీ శరీరం నిజమైన సమస్యకు ప్రతిస్పందిస్తున్నట్టుగా అప్రమత్తంగా ఉంటుంది. ఇది మీరు నిద్రలేచిన వెంటనే నిజ జీవితంలోకి తీసుకువెళ్తుంది. ఇది దీర్ఘకాలిక ఒత్తిడి, ఆందోళనకు కారణమవుతుంది. ఇది మీ మానసిక ఆరోగ్యాన్నే కాదు శారీరక ఆరోగ్యాన్ని కూడా దెబ్బతీస్తుంది. 

నిద్ర విధానాలకు అంతరాయం

పీడకలలు తరచుగా మీ నిద్రకు భంగం కలిగిస్తాయి. దీనివల్ల మీకు రాత్రిళ్లు సరిగ్గా నిద్ర ఉండదు. ఇది మీకు నిద్రలేమి సమస్యను కలిగిస్తుంది.  దీర్ఘకాలిక నిద్ర అంతరాయం చికాకు, ఏకాగ్రతలో ఇబ్బంది, మానసిక స్థితి మార్పులతో సహా ఎన్నో మానసిక ఆరోగ్య సమస్యలకు కూడా దారితీస్తుంది.పేలవమైన నిద్ర నాణ్యత నిరాశ, ఆందోళన రుగ్మతలు వంటి ప్రమాదకరమైన సమస్యలకు దారితీస్తుంది. 

మానసిక క్షోభ

పీడకలలు భయం, విచారం, కోపం వంటి భావోద్వేగాలను రేకెత్తిస్తాయి. మీరు నిద్రలేచినా కూడా ఈ భావాలు చాలా సేపటి వరకు ఉంటాయి. అలాగే రోజంతా మీ మానసిక స్థితి, భావోద్వేగ స్థితిని ప్రభావితం చేస్తాయి. మళ్లీ మళ్లీ పడే పీడకలల వల్ల మీరు మానసిక క్షోభను అనుభవిస్తారు. ఇవి నిరాశకు ప్రమాద కారకాలు.

పగటి పనితీరుపై ప్రభావం:

పీడకలలు మీ పనితీరుపై కూడా ప్రభావాన్ని చూపుతాయి. పీడకలల వల్ల ఏకాగ్రత లోపిస్తుంది, నిర్ణయాలు తీసుకోవడంలో ఇబ్బందులు ఎదురవుతాయి. అలాగే పనులను సమర్థవంతంగా చేయడం మీకు కష్టంగా ఉంటుంది. ఇది పని లేదా స్కూల్లో మీకు ఇంట్రెస్ట్ లేకుండా చేస్తుంది. అలాగే కుటుంబం, స్నేహితులు,  సహోద్యోగులతో మీ సంబంధాలను దెబ్బతీస్తుంది.