పెరుగులో తేనెను కలుపుకుని తాగితే ఎంత మంచిదో తెలుసా?
పెరుగు, తేనెలో వివిధ రకాల పోషకాలుంటాయి. ఇవి మనల్ని ఎన్నో అనారోగ్య సమస్యల నుంచి కాపాడుతాయి. రోజూ పెరుగును తింటే జలుబు, అలెర్జీ, తుమ్ములు వంటి సమస్యల ప్రమాదం తప్పుతుంది.
- FB
- TW
- Linkdin
Follow Us
 "Asianet Image")
పెరుగు మన ఆరోగ్యానికి ఎంతో మేలు చేస్తుంది. పెరుగు పోషకాలు పుష్కలంగా ఉండే ఆహారం. అందుకే పెరుగును కాలాలతో సంబంధం లేకుండా తినొచ్చు. వానాకాలం, చలికాలంలో మధ్యాహ్నం పూట పెరుగును తింటే మంచిదని జలుబు చేసే అవకాశం ఉండదు. పెరుగులో కాల్షియం పుష్కలంగా ఉంటుంది. పెరుగు గొప్ప ప్రోబయోటిక్ ఆహారం. దీనిలో విటమిన్లు, ఖనిజాలు పుష్కలంగా ఉంటాయి.
పెరుగులో విటమిన్ బి 2, మెగ్నీషియం, పొటాషియం వంటి ఎన్నో ముఖ్యమైన పోషకాలు కూడా ఎక్కువ మొత్తంలో ఉంటాయి. రోజూ పెరుగును తీసుకోవడం వల్ల రోగనిరోధక శక్తి పెరుగుతుంది. అలాగే తుమ్ములు, జలుబు వంటి అలెర్జీ వ్యాధుల ముప్పు కూడా తప్పుతుంది. మీరు రోజూ పెరుగును తింటే మీ జీర్ణక్రియ మెరుగుపడుతుంది. అలాగే కడుపు అసౌకర్యం కూడా తగ్గుతుంది. అంతేకాదు పెరుగు మీ కడుపు, ప్రేగుల ఆరోగ్యాన్ని కూడా కాపాడుతుంది.
అయితే పెరుగులో కాస్త తేనెను వేసి తీసుకుంటే ఎంతో ప్రయోజనకరంగా ఉంటుందని నిపుణులు చెబుతున్నారు. పెరుగులో మాదిరిగా తేనెలో కూడా ఎన్నో పోషకాలు సమృద్ధిగా ఉంటాయి. తేనెలో విటమిన్లు, యాంటీ ఆక్సిడెంట్లు, ఖనిజాలు, అమైనో ఆమ్లాలు, వివిధ రకాల ఎంజైమ్లు ఉంటాయి. తేనె మంచి ఎనర్జీ బూస్టర్. ఇలాంటి తేనెను పెరుగులో కలిపి తీసుకుంటే మన శరీరానికి ఎన్నో రకాల పోషకాలు అందుతాయని నిపుణులు అంటున్నారు.
పెరుగు మన పొట్ట ఆరోగ్యానికి కూడా ఎంతో మేలు చేస్తుంది. తేనెలో యాంటీ బ్యాక్టీరియల్ లక్షణాలు కూడా ఉంటాయి. అందుకే ఈ రెండింటిని కలిపి తీసుకోవడం వల్ల మీ పేగులు కూడా ఆరోగ్యంగా ఉంటాయి. పెరుగులో తేనెను కలుపుని తింటే మన రోగనిరోధక శక్తి పెరుగుతుంది. తేనెలో కూడా యాంటీ ఆక్సిడెంట్లు పుష్కలంగా ఉంటాయి. పెరుగు, తేనె కూడా జీర్ణక్రియను మెరుగుపరచడానికి సహాయపడతాయి. ఇవి శరీరంలో కొవ్వు పేరుకుపోకుండా నిరోధించడానికి కూడా సహాయపడతాయి. ఇవి చర్మ ఆరోగ్యానికి కూడా ఎంతో మేలు చేస్తాయి.
