పురుషులు వీటిని రెగ్యులర్ గా తింటే..!

చాలా మంది పురుషులు పనిపై ఉన్న శ్రద్ధ వారి ఆరోగ్యంపై చూపరు. అందుకే వీళ్లు ఎన్నో అనారోగ్య సమస్యలతో బాధపడుతుంటారు. వీరు ఆరోగ్యంగా ఉండాలంటే కొన్ని ఆహారాలను ఖచ్చితంగా తినాలంటున్నారు నిపుణులు.  

మంచి ఆరోగ్యానికి మంచి ఆహారపు అలవాట్లు  చాలా చాలా ముఖ్యం. చాలా మంది పురుషులు పనిపైనే ఎక్కువ శ్రద్ధ పెడతారు. ఆరోగ్యం గురించి అస్సలు పట్టించుకోరు. దీనివల్లే ఎన్నో రోగాల బారిన పడతారు. సరైన ఆహారంతో ఆరోగ్యకరమైన శరీరాన్ని పొందొచ్చంటున్నారు నిపుణులు. మరి పురుషులు రెగ్యులర్ గా తినాల్సిన కొన్ని ఆహారాలేంటో ఇప్పుడు తెలుసుకుందాం.

fiber

ఫైబర్

పురుషులు ఫైబర్ ఎక్కువగా ఉండే ఆహారాలను పుష్కలంగా తినాలి. ఎందుకంటే ఇది డయాబెటిస్ ప్రమాదాన్ని తగ్గిస్తుంది. ఆకలిని తగ్గిస్తుంది. అలాగే అపానవాయువు (పిత్తులు) వంటి సమస్యలను తగ్గిస్తుంది. 

ఒమేగా 3 కొవ్వు ఆమ్లాలు

ఒమేగా -3 కొవ్వు ఆమ్లాలు పుష్కలంగా ఉన్న ఆహారాన్ని తీసుకోవడం వల్ల గుండె ఆరోగ్యం బాగుంటుంది. మీ శరీరానికి అవసరమైన కొవ్వులలో ఒమేగా -3 కొవ్వు ఆమ్లాలు ఒకటి. ఇవి శరీరానికి, మెదడుకు ఎంతో మేలు చేస్తాయి. ఒమేగా -3 కొవ్వు ఆమ్లాలు ఎక్కువగా ఉండే ఆహారాలలో చేపలు ఒకటి. అందుకే సార్డినెస్, చెరకు, సాల్మన్ వంటి చేపలను తినండి. 

Image: Getty Images

గింజలు

రోజూ గుప్పెడు గింజలను తింటే మీ ఆరోగ్యం బేషుగ్గా ఉంటుంది. గింజలు ఆరోగ్యకరమైన కొవ్వులకు మంచి మూలం. ఇవి చెడు కొలెస్ట్రాల్ ను తగ్గించడానికి, గుండె జబ్బులతో పోరాడటానికి సహాయపడతాయి. అంతేకాదు పురుషులు ప్రతిరోజూ గింజలను తింటే వారి సంతానోత్పత్తి పెరుగుతుంది. 

green peas

రోగనిరోధక వ్యవస్థ బలానికి జీర్ణవ్యవస్థను ఆరోగ్యంగా ఉంచడం చాలా అవసరం. ఇందుకోసం జీర్ణవ్యవస్థలో మంచి బ్యాక్టీరియా పెరుగుదలకు తోడ్పడే ఫైబర్ ఎక్కువగా ఉండే ఆహారాన్ని పుష్కలంగా తీసుకోవాలి. ఫైబర్ ఎక్కువగా ఉన్న ఆహారం తినడం వల్ల గుండె జబ్బులు, టైప్ 2 డయాబెటిస్ ప్రమాదం తగ్గుతుంది. ఇందుకోసం పచ్చి బఠానీలు, చియా విత్తనాలు, అవిసె గింజలు, గుమ్మడికాయ గింజలు మొదలైన వాటిని తినండి. 

గుడ్లు

గుడ్లు సంపూర్ణ ఆహారం. గుడ్లలో మిమ్మల్ని ఆరోగ్యంగా ఉంచే ఎన్నో రకాల పోషకాలు ఉంటాయి. కండరాల పెరుగుదలకు, ఆరోగ్యానికి పురుషులు రోజూ కనీసం ఒక గుడ్డైనా తినాలి. 

tomatoes

టమాటాలు

టమాటాల్లో ఉండే లైసోపిన్, పొటాషియం, విటమిన్ సి వంటి భాగాలు రోగనిరోధక శక్తిని, గుండె ఆరోగ్యాన్ని మెరుగుపరుస్తాయి. అలాగే టమోటాలు తినడం వల్ల పురుషుల్లో ప్రొస్టేట్ సమస్యలు పరిష్కారం అవుతాయి.

పొటాషియం

పొటాషియం ఎక్కువగా ఉండే ఆహారాన్ని తినడం వల్ల రక్తపోటు నియంత్రిణలో ఉంటుంది. శరీరాన్ని ఆరోగ్యంగా ఉంచడానికి సహాయపడుతుంది. ఇందుకోసం అరటిపండ్లు, పాలకూరను మీ డైట్ లో చేర్చుకోండి. 

Image: Getty Images

డార్క్ చాక్లెట్

డార్క్ చాక్లెట్ తినడం వల్ల లైంగిక ఆరోగ్యం మెరుగుపడుతుంది. ఒత్తిడి తగ్గిపోతుంది. చెడు కొలెస్ట్రాల్ స్థాయిలు కూడా తగ్గిపోతాయి. అలాగే ఇది అధిక రక్తపోటును నియంత్రిస్తుంది. గుండె జబ్బులను నివారిస్తుంది.