ఆముదం నూనెతో చర్మానికి కలిగే అద్భుత ప్రయోజనాలు ఇవే!

అందమైన చర్మ సౌందర్యం కోసం అందరూ ఆరాటపడుతుంటారు. వాటి కోసం అనేక ప్రయత్నాలు చేస్తుంటారు. అయితే చర్మ సౌందర్యం కోసం ఫేస్ వాష్ లు, మసాజ్ లు, ఫేస్ ప్యాక్ లతోపాటు నూనెలు కూడా తప్పనిసరి. చర్మ సౌందర్యం కోసం కొన్ని నూనెలు కూడా ఎఫెక్టివ్ గా పనిచేస్తాయి. అయితే ఇప్పుడు మనం చర్మ సౌందర్యానికి (Skin beauty) ఆముదం నూనె (Castor oil) అందించే ప్రయోజనాల గురించి తెలుసుకుందాం.. 

చర్మ సౌందర్యాన్ని పెంచడానికి ఆముదం నూనె కూడా దివ్యౌషధంగా సహాయపడుతుంది. ఆముదం గింజల నుండి ఈ నూనెను తీస్తారు. ఈ నూనె లేత పసుపు రంగులో చిక్కగా ఉంటుంది. ఈ నూనెలో రిసినోలియెక్ ఆమ్లం (Ricinoleic acid), ఒమెగా 3 ఫ్యాటీ ఆమ్లాలు, యాంటీ ఆక్సిడెంట్లు (Antioxidants), విటమిన్ ఇ, ఖనిజ లవణాలు సమృద్ధిగా ఉంటాయి. ఇవి చర్మ సౌందర్యానికి మంచి ఎఫెక్టివ్ బ్యూటీ ప్రొడక్ట్ గా ఉపయోగపడతాయి. 

మొటిమలు తగ్గుతాయి: ఆముదం నూనె ఫ్యాటి ఆమ్లాలను (Fatty acids) పుష్కలంగా కలిగి ఉంటుంది. ఇది కలుషిత వాతావరణం (Polluted atmosphere) కారణంగా చర్మకణాలలో చేరిన మురికిని తొలగించి చర్మాన్ని లోతుగా శుభ్రం చేస్తుంది. దీంతో చర్మం శుభ్రపడి చర్మం తాజాగా మారుతుంది.

ఈ నూనె పాడైపోయిన చర్మ కణాలను (Skin cells) తిరిగి పునరుద్ధరణ చేస్తుంది. ఈ నూనెను చర్మ సౌందర్యం కోసం క్రమం తప్పకుండా వాడితే మొటిమలు (Acne) తగ్గి అందమైన చర్మ సౌందర్యం మీ సొంతం అవుతుంది.

చర్మం మంటను తగ్గిస్తుంది: వాతావరణంలోని మార్పులు కారణంగా చర్మం పొడిబారి నిర్జీవంగా మారుతుంది. దీంతో చర్మం మంటలు (Skin burns) ఇబ్బంది కలిగిస్తాయి. వీటి నుంచి విముక్తి కలగడానికి ఆముదం నూనె రాసుకుంటే మంచి ఫలితం (Good result) ఉంటుంది.

ఆముదం నూనెను (Castor oil) దూదిపింజలా (Cotton) సహాయంతో మంట ఉన్న ప్రదేశంపై రాసుకుంటే చర్మానికి తగిన తేమ అంది చర్మ మంట సమస్యలు తగ్గుముఖం పడతాయి. 

చర్మం ముడతలను తగ్గిస్తుంది: ఆముదంలో యాంటీఆక్సిడెంట్లు (Antioxidants) సమృద్ధిగా ఉంటాయి. ఇవి చర్మ సౌందర్యానికి సహాయపడి చర్మం ముడతలను (Wrinkles) తగ్గిస్తాయి. ఈ నూనె యుక్తవయసులోనే వృద్ధాప్య చాయలు రాకుండా కాపాడుతుంది.

చర్మానికి మాయిశ్చరైజర్ గా సహాయపడుతుంది: ఈ నూనెలో ఉండే పోషకాలు చర్మానికి కావలసిన పోషణను అందించి చర్మాన్ని మృదువుగా మార్చుతుంది. ఆముదాన్ని ముఖానికి సున్నితంగా మర్దన (Massage) చేసుకుంటే మంచి ఫలితం ఉంటుంది. ఇది చర్మానికి మంచి మాయిశ్చరైజర్ (Moisturizer) గా సహాయపడుతుంది

స్ట్రెచ్ మార్క్స్ తగ్గిస్తుంది: ఆముదం నూనెలో ఖనిజ లవణాలు పుష్కలంగా ఉంటాయి. కనుక  స్ట్రెచ్ మార్క్స్ (Stretch marks) పై రోజూ క్రమం తప్పకుండా ఆముదాన్ని రాస్తే మంచి ఫలితం ఉంటుంది. ఈ నూనె స్ట్రెచ్ మార్క్స్ ను తగ్గించే మంచి బ్యూటీ ప్రొడక్ట్ (Beauty product) గా సహాయపడుతుంది.