Realme C71 : కేవలం రూ.8,699కే... 18GB RAM కెపాసిటీ, 6300mAh బ్యాటరీతో 5G ఫోన్
రూ.10,000 లోపు అత్యుత్తమ ఫీచర్లతో కూడిన 5G స్మార్ట్ఫోన్ కోసం చూస్తున్న వినియోగదారులకు రియల్మీ గుడ్ న్యూస్ తెలిపింది. మిలిటరీ-గ్రేడ్ బిల్డ్, భారీ బ్యాటరీ, రివర్స్ ఛార్జింగ్, AI కెమెరా వంటి ఫీచర్లతో వస్తున్న ఫోన్ ధరెంతో తెలుసా?
రియల్మీ C71 5G స్మార్ట్ఫోన్
రియల్మీ అత్యంత బడ్జెట్-ఫ్రెండ్లీ 5G ఫోన్ను విడుదల చేసింది… దీని ధర, ఫీచర్లు స్మార్ట్ఫోన్ మార్కెట్ను ఆశ్చర్యపరుస్తోంది. రూ.10,000 లోపు అత్యుత్తమ ఫీచర్లతో కూడిన 5G స్మార్ట్ఫోన్ కోసం చూస్తున్న వినియోగదారులను లక్ష్యంగా చేసుకున్న రియల్మీ C71 5G లాంచ్ చేసింది. అద్భుతమైన పనితీరు, సరికొత్త డిజైన్, స్మార్ట్ ఫీచర్ల కలయికతో ఇది ప్రస్తుతం అందుబాటులో ఉంది.
రియల్మీ C71 5G ధర, ఆఫర్లు
రియల్మీ C71 5G రెండు వేరియంట్లలో లాంచ్ అయింది. బేస్ 4GB RAM + 64GB స్టోరేజ్ వెర్షన్ ధర రూ.7,699 మాత్రమే…. అయితే 6GB RAM + 128GB వేరియంట్ ధర రూ.8,699 గా నిర్ణయించారు. లాంచ్ ఆఫర్లో భాగంగా 6GB మోడల్ను కొనుగోలు చేసే కస్టమర్లు ఎంపిక చేసిన బ్యాంక్ కార్డులపై రూ.700 తగ్గింపు పొందవచ్చు.
ఈ రియల్మీ C71 5G ఫోన్ ఇప్పుడు Flipkart, రియల్మీ అధికారిక వెబ్సైట్, భారతదేశం అంతటా ఆఫ్లైన్ రిటైల్ స్టోర్లలో అందుబాటులో ఉంది.
రియల్మీ C71 5G డిస్ప్లే, ప్రాసెసర్
రియల్మీ C71 5Gలో 90Hz రిఫ్రెష్ రేట్, 568 నిట్స్ పీక్ బ్రైట్నెస్తో 6.74-అంగుళాల LCD ప్యానెల్ ఉంది. ఇది రోజువారి ఉపయోగం, గేమింగ్, వీడియోలు చూసే సమయంలో అద్భుత అనుభూతిని ఇస్తుంది.
ఈ ఫోన్ Unisoc T7250 ప్రాసెసర్తో పనిచేస్తుంది. 6GB RAM వేరియంట్ వర్చువల్ RAM ఎక్స్పాన్షన్కు మద్దతు ఇస్తుంది, వినియోగదారులు RAMను 18GB వరకు పెంచుకోవడానికి వీలు కల్పిస్తుంది.
రియల్మీ C71 5G లో AI
ఇది AI క్లియర్ ఫేస్, ప్రో మోడ్, డ్యూయల్ వ్యూ వీడియో వంటి మెరుగుదలలతో బడ్జెట్ వినియోగదారులకు సృజనాత్మక సౌలభ్యాన్ని అందిస్తుంది. ముందు భాగంలో 5MP సెల్ఫీ కెమెరా ఉంది. భారీ 6,300mAh బ్యాటరీతో రియల్మీ C71 5G 45W ఫాస్ట్ ఛార్జింగ్కు మద్దతు ఇస్తుంది. ఇది 36 నిమిషాల్లో 50% ఛార్జ్ చేయడానికి సహాయపడుతుంది. అదనంగా, 6W రివర్స్ ఛార్జింగ్ కూడా ఉంది. రియల్మీ C71 5G Android 15లో Realme UIతో పనిచేస్తుంది.