- Home
- Technology
- Gadgets
- Portronics Vayu: పాకెట్లో పట్టే ఈ ప్రొడక్ట్ ఉంటే చాలు.. ఎక్కడికైనా బిందాస్గా వెళ్లొచ్చు
Portronics Vayu: పాకెట్లో పట్టే ఈ ప్రొడక్ట్ ఉంటే చాలు.. ఎక్కడికైనా బిందాస్గా వెళ్లొచ్చు
Portronics Vayu: కారు, బైక్ లేదా సైకిల్ టైర్లలో గాలి తగ్గినప్పుడు సమీపంలోని ఎయిర్ స్టేషన్ కోసం వెతుకుతుంటాం. అయితే పాకెట్ లో పట్టే పొర్ట్రోనిక్స్ వాయు 9.0 పొర్బబుల్, రీఛార్జబుల్ టైర్ ఇన్ఫ్లేటర్ ఉంటే ఎలాంటి టెన్షన్ పడాల్సిన పని ఉండదు.
2-ఇన్-1 కార్డ్లెస్, కార్డెర్ సౌకర్యం
Portronics Vayu 9.0 ప్రత్యేకత ఏమిటంటే ఇది రెండు విధాలుగా పనిచేస్తుంది. ఇందులో ఉన్న రీచార్జ్ చేయగల బ్యాటరీ సహాయంతో వైర్లెస్గా ఉపయోగించవచ్చు. అలాగే అవసరమైతే కారులోని 12V సాకెట్కు కనెక్ట్ చేసి నిరంతర విద్యుత్తో కూడా నడపవచ్చు. ఈ సౌకర్యం వల్ల ఇంట్లో ఉన్నప్పుడు బ్యాటరీతో, ప్రయాణాల్లో కార్ పవర్ సప్లైతో ఉపయోగించుకోవచ్చు. ముఖ్యంగా రోడ్డుపై టైర్లో గాలి తగ్గినప్పుడు ఇది అత్యవసర సహాయక పరికరంగా ఉపయోగపడుతుంది. ఈ ప్రొడక్ట్ అసలు ధర రూ. 3999కాగా ప్రస్తుతం అమెజాన్లో 50 శాతం డిస్కౌంట్తో రూ. 1999కే లభిస్తోంది.
150 PSI శక్తివంతమైన గాలి నింపే సామర్థ్యం
ఈ టైర్ ఇన్ఫ్లేటర్ గరిష్ఠంగా 150 PSI వరకు గాలి నింపగలదు. కారు, బైక్, స్కూటర్, సైకిల్ టైర్లతో పాటు ఫుట్బాల్, బాస్కెట్బాల్ వంటి స్పోర్ట్స్ బాల్స్లో కూడా గాలి నింపవచ్చు. దీంతో పాటు నాలుగు రకాల నాజిల్స్ (Nozzles) అందిస్తారు. అందువల్ల ఒకే పరికరాన్ని వివిధ అవసరాలకు ఉపయోగించుకోవచ్చు. వేగంగా గాలి నింపే సామర్థ్యం ఉండటంతో సమయం కూడా ఆదా అవుతుంది.
6000mAh బ్యాటరీ, Type-C ఫాస్ట్ ఛార్జింగ్
ఈ పరికరంలో 3 × 2000mAh లిథియం బ్యాటరీలు ఉన్నాయి. మొత్తం 6000mAh సామర్థ్యం ఉండటంతో ఎక్కువసేపు పనిచేస్తుంది. ఒకసారి పూర్తిగా ఛార్జ్ చేస్తే అనేక సార్లు గాలి నింపే అవకాశం ఉంటుంది. ఇందులో Type-C ఫాస్ట్ ఛార్జింగ్ సపోర్ట్ కూడా ఉంది. కాబట్టి బ్యాటరీ ఖాళీ అయినా తక్కువ సమయంలో మళ్లీ ఛార్జ్ చేసుకోవచ్చు. ప్రయాణాలు ఎక్కువగా చేసే వారికి ఇది ఎంతో ఉపయోగకరంగా ఉంటుంది.
స్మార్ట్ డిస్ప్లే, ఆటో షట్-ఆఫ్ ఫీచర్
ఈ ఇన్ఫ్లేటర్లో ఉన్న LED డిజిటల్ డిస్ప్లే ద్వారా ప్రస్తుతం టైర్లో ఉన్న గాలి ఒత్తిడి, మీరు సెట్ చేసిన ప్రెషర్ విలువలు స్పష్టంగా కనిపిస్తాయి. PSI, BAR, KPA, Kg/cm² వంటి వివిధ యూనిట్లలో ప్రెషర్ను చూడవచ్చు. కావాల్సిన ప్రెషర్ విలువను ముందుగానే సెట్ చేస్తే, ఆ స్థాయికి చేరిన వెంటనే పరికరం ఆటోమెటిక్గా ఆగిపోతుంది. దీంతో టైర్లో అధికంగా గాలి నింపబడే ప్రమాదం ఉండదు.
LED టార్చ్, SOS మోడ్, పోర్టబుల్ డిజైన్
రాత్రి సమయంలో లేదా తక్కువ వెలుతురు ఉన్న ప్రదేశాల్లో ఉపయోగించేందుకు ఇందులో శక్తివంతమైన LED లైట్ను అమర్చారు. అదనంగా SOS ఫ్లాషింగ్ మోడ్ కూడా ఉంది. వాహనం చెడిపోయినప్పుడు లేదా అత్యవసర పరిస్థితుల్లో ఇతరులకు మీ ఉనికిని తెలియజేయడంలో ఇది సహాయపడుతుంది. ఇది కేవలం 665 గ్రాముల బరువు మాత్రమే ఉండటంతో సులభంగా తీసుకెళ్లవచ్చు. 3 మీటర్ల పొడవైన పవర్ కేబుల్ ఉండటంతో వాహనాన్ని కదపకుండానే అన్ని టైర్లకు చేరుతుంది. పరిమాణంలో చిన్నదిగా ఉండటం వల్ల కార్ డిక్కీ లేదా గ్లోవ్ బాక్స్లో సులభంగా భద్రపరచుకోవచ్చు. చివరికి ప్యాంట్ పాకెట్లో కూడా పెట్టుకొని ఎక్కడికైనా వెళ్లొచ్చు.
