- Home
- Sports
- Football
- FIFA World Cup Final: క్లైమాక్స్ అదిరింది.. ఇంగ్లాండ్‌ను ఇంటికి పంపిన మెస్సీ సేన.. వరుసగా రెండోసారి ఫైనల్‌కు
FIFA World Cup Final: క్లైమాక్స్ అదిరింది.. ఇంగ్లాండ్‌ను ఇంటికి పంపిన మెస్సీ సేన.. వరుసగా రెండోసారి ఫైనల్‌కు
FIFA World Cup Final: ఫిఫా వరల్డ్ కప్ 2026 సెమీఫైనల్లో అర్జెంటీనా 2-1తో ఇంగ్లాండ్‌పై గ్రాండ్ విక్టరీ కొట్టింది. చివరి నిమిషాల్లో మెస్సీ అసిస్ట్‌లతో ఎంజో, లౌటారో గోల్స్ కొట్టి మ్యాచ్‌ను మలుపు తిప్పారు.
మెస్సీ మ్యాజిక్.. ఇంగ్లాండ్‌ను ముంచేసిన అర్జెంటీనా.. వరల్డ్ కప్ ఫైనల్లోకి డిఫెండింగ్ ఛాంపియన్
ఫుట్‌బాల్ అంటేనే లాస్ట్ మినిట్ వరకు ఉత్కంఠ. అది ఫిఫా వరల్డ్ కప్ సెమీఫైనల్ అయితే ఆ కిక్కే వేరు. అట్లాంటా స్టేడియంలో 68 వేల మంది అభిమానులు మధ్య జరిగిన మ్యాచ్‌లో డిఫెండింగ్ ఛాంపియన్ అర్జెంటీనా అద్భుతం చేసింది. ఇంగ్లాండ్‌తో జరిగిన సెమీస్‌లో 0-1తో వెనుకబడినప్పటికీ, చివరి ఆరు నిమిషాల్లో మ్యాచ్‌ను పూర్తిగా తిప్పేసింది. 2-1 గోల్స్ తేడాతో ఇంగ్లాండ్‌ను ఓడించి, వరుసగా రెండోసారి వరల్డ్ కప్ ఫైనల్లోకి దూసుకెళ్లింది. జూన్ 19న మెట్‌లైఫ్ స్టేడియంలో జరిగే ఫైనల్ మ్యాచ్‌లో స్పెయిన్‌తో అర్జెంటీనా తలపడనుంది.
ఫస్ట్ హాఫ్ సైలెంట్.. సెకండ్ హాఫ్ వయలెంట్
మ్యాచ్ స్టార్టింగ్ నుంచే రెండు టీమ్స్ డిఫెన్స్‌కు ఎక్కువ ఇంపార్టెన్స్ ఇచ్చాయి. ఫస్ట్ హాఫ్‌లో ఇరు జట్లు అద్భుతమైన ఆటతో సమంగా నిలిచాయి. మ్యాచ్ కాస్త రఫ్‌గా మారింది. ఇంగ్లాండ్ కొన్ని ఛాన్సులు క్రియేట్ చేసినా గోల్స్ రాలేదు. దీంతో మొదటి సగం 0-0తో ముగిసింది. కానీ సెకండ్ హాఫ్ మొదలైన 10 నిమిషాలకే సీన్ మారింది. 55వ నిమిషంలో ఇంగ్లాండ్ ప్లేయర్ ఆంథోనీ గోర్డాన్ అదిరిపోయే గోల్ కొట్టాడు. మోర్గాన్ రోజర్స్ రైట్ వింగ్ నుంచి ఇచ్చిన సూపర్ క్రాస్‌ను గోర్డాన్ టచ్ చేస్తూ అర్జెంటీనా గోల్ కీపర్ ఎమిలియానో మార్టినెజ్‌ను దాటించి నెట్‌లోకి పంపాడు. దీంతో ఇంగ్లాండ్ 1-0 ఆధిక్యంలోకి వెళ్లింది.
డిఫెన్స్‌లోకి ఇంగ్లాండ్.. మెస్సీ మైండ్ గేమ్
గోల్ కొట్టిన తర్వాత ఇంగ్లాండ్ పూర్తిగా డిఫెన్స్ మోడ్‌లోకి వెళ్లిపోయింది. ఎంతలా అంటే వాళ్ల కెప్టెన్, మెయిన్ స్ట్రైకర్ హ్యారీ కేన్ కూడా వెనక్కి వచ్చి డిఫెండ్ చేయడం స్టార్ట్ చేశాడు. అర్జెంటీనా చేసిన రెండు పక్కా గోల్ అటెంప్ట్స్‌ను ఇంగ్లాండ్ కీపర్ జోర్డాన్ పిక్‌ఫోర్డ్ గోడలా నిలబడి ఆపేశాడు. 84 నిమిషాల వరకు ఇంగ్లాండ్ విక్టరీ వైపు దూసుకెళ్తోంది. అర్జెంటీనా పని అయిపోయింది అనుకున్న టైమ్‌లో లియోనెల్ మెస్సీ తన మ్యాజిక్ చూపించాడు. ఈ మ్యాచ్‌లో మెస్సీ గోల్ కొట్టకపోయినా, రెండు అద్భుతమైన అసిస్ట్‌లతో 'గోల్ మేకర్'గా నిలిచాడు. వరల్డ్ కప్ హిస్టరీలో మెస్సీకి ఇది 12వ అసిస్ట్ కావడం విశేషం.
85వ నిమిషంలో ఎంజో ఫెర్నాండెజ్ కొట్టిన రేంజర్
మ్యాచ్ ముగియడానికి మరో ఐదు నిమిషాలు ఉందనగా, 85వ నిమిషంలో అర్జెంటీనాకు కార్నర్ లభించింది. మెస్సీ తీసిన పర్ఫెక్ట్ కార్నర్ కిక్‌ను అందుకున్న ఎంజో ఫెర్నాండెజ్, లాంగ్ రేంజ్ నుంచి బాల్‌ను నేరుగా ఇంగ్లాండ్ నెట్‌లోకి పంపాడు. అంతకుముందే ఎంజో కొట్టిన షాట్‌ను పిక్‌ఫోర్డ్ ఆపినప్పటికీ, ఈసారి మాత్రం ఛాన్స్ ఇవ్వలేదు. ఈ గోల్‌తో స్కోరు 1-1తో ఈక్వల్ అయింది. మ్యాచ్ ఎక్స్‌ట్రా టైమ్‌కు వెళ్తుందని అందరూ అనుకున్నారు.
ఇంజ్యూరీ టైమ్ క్లైమాక్స్.. లౌటారో విన్నింగ్ షాట్
అసలైన ట్విస్ట్ 90 నిమిషాల తర్వాత యాడ్ చేసిన ఇంజ్యూరీ టైమ్‌లో వచ్చింది. 90+2వ నిమిషంలో మెస్సీ మళ్లీ తన క్లాస్ చూపించాడు. ఇంగ్లాండ్ డిఫెన్స్‌ను చేధిస్తూ మెస్సీ ఇచ్చిన సూపర్ క్రాస్‌ను లౌటారో మార్టినెజ్ ఏమాత్రం మిస్ చేయకుండా గోల్‌గా మలిచాడు. ఈ విన్నింగ్ గోల్‌తో అర్జెంటీనా 2-1తో లీడ్ సాధించింది. స్టేడియం మొత్తం అర్జెంటీనా నినాదాలతో హోరెత్తిపోయింది. 1966 తర్వాత మళ్లీ వరల్డ్ కప్ గెలవాలనే ఇంగ్లాండ్ కల ఈ ఓటమితో ముక్కలైంది.
ఫైనల్లో స్పెయిన్‌తో బిగ్ ఫైట్
ఈ విజయంతో అర్జెంటీనా వరుసగా రెండోసారి ఫైనల్ చేరింది. 1962లో బ్రెజిల్ తర్వాత వరుసగా రెండుసార్లు వరల్డ్ కప్ గెలిచిన టీమ్‌గా రికార్డు సృష్టించేందుకు అర్జెంటీనా కేవలం ఒకే ఒక్క విజయం దూరంలో ఉంది. ఫస్ట్ సెమీఫైనల్లో ఫ్రాన్స్‌ను 2-0తో ఓడించిన స్పెయిన్‌తో అర్జెంటీనా టైటిల్ కోసం పోరాడనుంది. ఈ మెగా ఫైనల్ మ్యాచ్ భారత కాలమానం ప్రకారం జూలై 20వ తేదీ రాత్రి 12:30 గంటలకు ప్రారంభం కానుంది. మెస్సీ తన కెరీర్ చివరి వరల్డ్ కప్‌ను మరో ట్రోఫీతో ముగిస్తాడో లేదో చూడాలి.
