- Home
- Sports
- Football
- FIFA Golden Boot: ఫిఫా సెమీఫైనల్స్ రేసు షురూ.. గోల్డెన్ బూట్ కోసం గట్టి ఫైట్.. రికార్డుల వేటలో స్టార్ ప్లేయర్స్
FIFA Golden Boot: ఫిఫా సెమీఫైనల్స్ రేసు షురూ.. గోల్డెన్ బూట్ కోసం గట్టి ఫైట్.. రికార్డుల వేటలో స్టార్ ప్లేయర్స్
FIFA Golden Boot: ఫిఫా వరల్డ్ కప్ 2026 క్వార్టర్ ఫైనల్స్కు చేరింది. 96 మ్యాచ్ల్లో 280 గోల్స్ నమోదయ్యాయి. గోల్డెన్ బూట్ కోసం ఎంబాపె, హాలాండ్, మెస్సీ, కేన్ మధ్య గట్టి పోటీ నడుస్తోంది.
96 మ్యాచ్లు, 280 గోల్స్.. ఫుట్బాల్ హిస్టరీలోనే మోస్ట్ వైల్డ్ వరల్డ్ కప్ ఇదే
ఫిఫా వరల్డ్ కప్ 2026 ఇప్పుడు అత్యంత ఉత్కంఠభరితమైన చివరి దశకు చేరుకుంది. చరిత్రలోనే మొదటిసారిగా 48 జట్లతో జరుగుతున్న ఈ మెగా టోర్నమెంట్ ప్రస్తుతం క్వార్టర్ ఫైనల్స్, సెమీఫైనల్స్ రేసుకు సిద్ధమైంది. ఇప్పటివరకు జరిగిన 96 మ్యాచ్ల్లో ఏకంగా 280 గోల్స్ నమోదయ్యాయి. ఈ మ్యాచ్లలో ప్లేయర్స్ చూపించిన పర్ఫార్మెన్స్, రికార్డులు ఫుట్బాల్ లవర్స్ కు గూస్ బంప్స్ తెప్పిస్తున్నాయి.
గోల్డెన్ బూట్ రేస్ చాలా టైట్ గురూ
ఈసారి గోల్డెన్ బూట్ రేస్ ఎన్నడూ లేనంత రసవత్తరంగా మారింది. నలుగురు టాప్ స్టార్ ప్లేయర్స్ మధ్య గట్టి ఫైట్ నడుస్తోంది. కైలియన్ ఎంబాపె, ఎర్లింగ్ హాలాండ్, లియోనెల్ మెస్సీ, హ్యారీ కేన్ ఈ రేసులో దూసుకుపోతున్నారు. గత శతాబ్ద కాలంలో కేవలం కొద్దిమంది ప్లేయర్స్ మాత్రమే ఒకే వరల్డ్ కప్లో 10 లేదా అంతకంటే ఎక్కువ గోల్స్ చేశారు.
2006లో మిరోస్లావ్ క్లోజ్ 5 గోల్స్తో, 2010లో థామస్ ముల్లర్ 5 గోల్స్తో గోల్డెన్ బూట్ గెలిచారు. 2018లో హ్యారీ కేన్ 6 గోల్స్, 2022లో ఎంబాపె 8 గోల్స్ చేయడం పెద్ద రికార్డుగా అనిపించింది. కానీ ఈ ఏడాది ఆ నంబర్స్ కేవలం స్టార్టింగ్ పాయింట్ మాత్రమేలా కనిపిస్తున్నాయి. ఈ నలుగురిలో గోల్డెన్ బూట్ ఎవరు కొడతారనేది ఇప్పుడు బిగ్గెస్ట్ సస్పెన్స్.
ఫ్రాన్స్ టీమ్ మైండ్ బ్లోయింగ్ స్టార్ మైఖేల్ ఒలిసే
ఇంగ్లండ్లో పుట్టి పెరిగిన మైఖేల్ ఒలిసే ప్రస్తుతం ఫ్రాన్స్ జట్టు తరఫున వరల్డ్ కప్లో అదరగొడుతున్నాడు. బేయర్న్ మ్యూనిచ్ ఫార్వర్డ్ అయిన ఒలిసే చాలా సైలెంట్గా ఉంటాడు. లైమ్లైట్కు దూరంగా ఉండటానికి ఇష్టపడతాడు. అతనికి చెస్ ఆడటం అంటే చాలా ఇష్టం. గోల్స్ చేసినప్పుడు కూడా పెద్దగా సెలబ్రేట్ చేసుకోడు. అంతేకాదు, ఏ స్పోర్ట్స్వేర్ లేదా బూట్ కంపెనీలతోనూ అతనికి ఎలాంటి డీల్స్ లేవు. బేయర్న్ మ్యూనిచ్ క్లబ్ తరఫున ఒకే సీజన్లో 25 గోల్స్, 28 అసిస్ట్లతో అదరగొట్టిన ఒలిసే, ప్రపంచంలోని బెస్ట్ ప్లేయర్స్లో ఒకడిగా మారాడు. ఈ క్వార్టర్ ఫైనల్స్ రేసుకు వచ్చేసరికి ఒకే వరల్డ్ కప్లో 5 గోల్స్ అసిస్ట్ చేసిన ప్లేయర్గా రికార్డు సృష్టించాడు. 1994లో జర్మనీకి చెందిన థామస్ హాస్లర్ తర్వాత ఈ ఫీట్ సాధించిన మొదటి ప్లేయర్ ఒలిసే కావడం విశేషం.
స్పెయిన్ స్టార్ ప్లేయర్ రోడ్రి ఆసక్తికర వ్యాఖ్యలు
లాస్ట్ 16 మ్యాచ్లో పోర్చుగల్పై సూపర్ విక్టరీ తర్వాత స్పెయిన్ స్టార్ ప్లేయర్ రోడ్రి ఆసక్తికర వ్యాఖ్యలు చేశాడు. డిఫెండింగ్ యూరోపియన్ ఛాంపియన్స్ అయిన స్పెయిన్ ఈ టోర్నమెంట్లో ఇప్పటివరకు ఒక్క గోల్ కూడా లూజ్ అవ్వలేదు. పోర్చుగల్తో జరిగిన మ్యాచ్లో రోడ్రి 'ప్లేయర్ ఆఫ్ ది మ్యాచ్'గా నిలిచాడు. శుక్రవారం బెల్జియంతో జరగబోయే మ్యాచ్ కోసం రోడ్రి వెయిట్ చేస్తున్నాడు. "మేము ఇంకా ఇంప్రూవ్ అవ్వడానికి చాలా స్కోప్ ఉంది" అని రోడ్రి అన్నాడు.
"ఇప్పటి ఫుట్బాల్ మ్యాచ్లలో లాస్ట్ థర్డ్లో గేమ్ స్పీడ్ పెంచాలి. మేము ప్రత్యర్థి లైన్స్ బ్రేక్ చేసినప్పుడు బంతిని ఎక్స్ట్రా టచ్ తీసుకుంటున్నాం. వేగంగా టర్న్ అయి ఎటాకింగ్ ప్లేయర్స్కు బాల్ పాస్ చేయాలి. పోర్చుగల్పై గోల్ కూడా అలానే వచ్చింది" అని రోడ్రి తన ప్లాన్స్ పంచుకున్నాడు.
బెల్జియం కెప్టెన్ టైల్మన్స్ కెప్టెన్సీ
సెనెగల్తో జరిగిన మ్యాచ్లో రెండు గోల్స్ వెనుకబడినప్పటికీ బెల్జియం కెప్టెన్ యూరి టైల్మన్స్ అదిరిపోయే కంబ్యాక్ ఇచ్చి జట్టును గెలిపించాడు. మ్యాచ్ ముగిసిన తర్వాత కెవిన్ డి బ్రూయిన్ మాట్లాడుతూ టైల్మన్స్ బెల్జియం డ్రెస్సింగ్ రూమ్కు ఎంత ఇంపార్టెంటో చెప్పాడు. "యూరి బెల్జియం జట్టుకు గొప్ప సేవలు అందించాడు. ఆన్ ఫీల్డ్, ఆఫ్ ఫీల్డ్ అందరూ అతన్ని చూసి నేర్చుకోవచ్చు" అని నాపోలి ప్లేయర్ తెలిపాడు. "అతను లీడర్గా అందరికీ ఒక ఎగ్జాంపుల్లా నిలుస్తాడు. అతను కెప్టెన్ ఆర్మ్బ్యాండ్ ధరించడానికి ఒక స్ట్రాంగ్ రీజన్ ఉంది" అని డిఫెండర్ ఆర్థర్ థియేట్ ప్రశంసించాడు.
స్పెయిన్ దొరికిన సాలిడ్ స్ట్రైకర్ ఒయార్జబల్
మికేల్ ఒయార్జబల్ ఈ వరల్డ్ కప్లో స్పెయిన్ జట్టుకు మెయిన్ గోల్ థ్రెట్గా మారాడు. అతను ఇప్పటికే సౌదీ అరేబియా, ఆస్ట్రియాపై రెండు బ్రేస్లు (రెండు మ్యాచ్ల్లో రెండేసి గోల్స్) సాధించాడు. కేవలం 29 ఏళ్ల వయసులోనే లా రోజా ఆల్-టైమ్ స్కోరింగ్ లిస్ట్లో 29 గోల్స్తో ఆరో స్థానంలో నిలిచాడు. ఒయార్జబల్ తను ఆడిన ప్రతి ఫైనల్ మ్యాచ్లోనూ గోల్స్ చేయడం ఒక అరుదైన రికార్డు. అతను 2020 మెన్స్ ఒలింపిక్ ఫుట్బాల్ ఫైనల్, అలాగే 2021, 2025 యూఈఎఫ్ఏ నేషన్స్ లీగ్ డిసైడర్స్లో ఓడిపోయినప్పటికీ, 2021, 2026లో కోపా డెల్ రే, అలాగే యూరో 2024 టైటిల్స్ గెలుచుకున్నాడు.
