ఇదొక్కటి కలిపి చేస్తే చపాతీలు మెత్తగా, సాఫ్ట్ గా అవుతాయి

ప్రతి ఒక్కరి ఇంట్లో అన్నంతో పాటుగా చపాతీలు కూడా ఉంటాయి. చాలా మంది గోధుమ పిండి చపాతీలే ఎక్కువగా చేస్తుంటారు. చాలా మంది బరువు తగ్గడానికి ప్రతిరోజూ చపాతీలను తింటున్నారు. దేనికోసం తిన్నా చపాతీలు మాత్రం ఆరోగ్యానికి ఎంతో మంచి చేస్తాయి. గోధుమ పిండితో చేసిన చపాతీలు కడుపును త్వరగా నింపుతాయి. అలాగే గోధుమ పిండిలో ఫైబర్, ప్రోటీన్లు, విటమిన్ బి లు పుష్కలంగా ఉంటాయి. ఇవి మన ఆరోగ్యానికి ఎన్నో విధాలుగా మేలు చేస్తాయి. అయితే మీరు తినే చపాతీలు మరింత సాఫ్ట్ గా, హెల్తీగా ఉండాలంటే పిండిలో కొన్నింటిని కలపాలి. అవేంటో ఓ లుక్కేద్దాం పదండి. 
 

సోయాబీన్స్ 

మీరు వాడే గోధుమ పిండిలో మరిన్ని పోషకాలను చేర్చాలనుకుంటే దానిలో సోయాబీన్స్ ను కలపండి. గోధుమలో సోయాబీన్ ను కలిపి పిండిని గ్రైండ్ చేయండి. దీనివల్ల చపాతీలు చాలా సాఫ్ట్ గా వస్తాయి. అలాగే ప్రోటీన్లు కూడాపెరుగుతాయి. మీరు దీనికి కొంచెం శెనగపిండిని కూడా కలపొచ్చు. ఇది మనకు ప్రోటీన్లను, ఫైబర్ రెండింటినీ అందిస్తుంది. ఈ పిండితో చేసిన చపాతీని తినడం వల్ల మీరు ఫాస్ట్ గా బరువు తగ్గుతారు. అలాగే మీ ఎముకలు, కండరాలు బలంగా ఉంటాయి. ఇది మీ జీర్ణక్రియను కూడా మెరుగుపరుస్తుంది. 
 

మెంతులు 

మీరు తినే చపాతీ మరింత పోషకంగా ఉండాలంటే ఈ పిండికి కొన్ని మెంతులను కలపండి. అయితే మీరు దీనిలో చాలా మెంతులను వేయాల్సిన అవసరం లేదు. ఎక్కువగా వేస్తే చపాతీ చేదుగా అవుతుంది. మెంతులు కలిపిన చపాతీలను తింటే మీ జీర్ణక్రియ మెరుగుపడుతుంది. అలాగే ఒంట్లో కొలెస్ట్రాల్ లెవెల్స్ నియంత్రణలో ఉంటాయి. రక్తంలో చక్కెర స్థాయిలు కూడా అదుపులో ఉంటాయి. మెంతులు రక్తహీనత సమస్య నుంచి కూడా బయటపడేస్తాయి. అలాగే శరీరంలో మంటను తగ్గిస్తాయి. ఇది గుండెను ఆరోగ్యంగా ఉంచడానికి కూడా సహాయపడుతుంది. ఈ చపాతీ హార్మోన్లను సమతుల్యంగా ఉంచడానికి సహాయపడుతుంది. 

రాగి పిండి 

నిజానికి రాగిపిండి మన ఆరోగ్యానికి చేసే మేలు అంతా ఇంతా కాదు. దీనిలో గ్లూటెన్ ఉండదు. కానీ ఫైబర్ మాత్రం పుష్కలంగా ఉంటుంది. ఇది చాలా తేలికగా జీర్ణమవుతుంది. రాగి పిండిలో అమైనో ఆమ్లాలు, కాల్షియం మెండుగా ఉంటాయి.  ఇది మీరు బరువు తగ్గడానికి కూడా బాగా సహాయపడుతుంది. దీన్ని తింటే రక్త నష్టం సమస్య నయమవుతుంది. గోధుమపిండిలో రాగిపిండిని కొద్దిగా మిక్స్ చేసి రోటీ తయారుచేసుకోవాలి.