యాపిల్ ఎలా తినాలో తెలుసా? తొక్క తీసేసి తినొచ్చా..?

కొందరు యాపిల్ పై తొక్క తీసేసి తింటారు.. మరి కొందరు తొక్క ఉంచే తింటారు. అసలు దీనిని తినే పద్దతి ఏంటి? ఎలా తింటే ఆరోగ్యానికి మంచిదో నిపుణులు ఏమంటున్నారో తెలుసుకుందాం...  

రోజూ ఒక యాపిల్ తింటే డాక్టర్ దగ్గరకు వెళ్లాల్సిన అవసరం లేదు అనే సామేత వినే ఉంటారు. ఇది అక్షరాలా నిజం. ఎందుకంటే.. రోజూ ఒక యాపిల్ తింటే మన శరీరానికి అవసరం అయ్యే చాలా పోషకాలు అందుతాయి.  దీని వల్ల అనేక రోగాలు మన దరి చేరకుండా ఉంటాయి. అయితే.. యాపిల్ ఎలా తినాలో మాత్రం తెలుసుకోవాల్సిందే అని నిపుణులు చెబుతున్నారు. ఎందుకంటే... దీనిని ఒక్కొక్కరు ఒక్కో పద్దతిలో తింటూ ఉంటారు. కొందరు యాపిల్ పై తొక్క తీసేసి తింటారు.. మరి కొందరు తొక్క ఉంచే తింటారు. అసలు దీనిని తినే పద్దతి ఏంటి? ఎలా తింటే ఆరోగ్యానికి మంచిదో నిపుణులు ఏమంటున్నారో తెలుసుకుందాం...

Apple

యాపిల్ ఎలా తినాలి..?

చాలా మంది యాపిల్ పైన తొక్క తీసేసి తింటూ ఉంటారు. కానీ.. అలా కాకుండా.. తొక్కతోనే తినాలని డాక్టర్స్ చెబుతున్నారు. యాపిల్ తొక్క తీయకుండా తింటే ఎక్కువ లాభాలు కలుగుతాయట ఎందుకంటే యాపిల్ తొక్కలో ఫైబర్, విటమిన్ సి, యాంటీ ఆక్సిడెంట్లు పుష్కలంగా ఉంటాయి అంటున్నారుఇది జీర్ణవ్యవస్థకు మేలు చేస్తుంది. రోగనిరోధక శక్తిని కూడా పెంచుతుంది.

తొక్కలో ఉండే ఫైబర్ బరువు నిర్వహణలో సహాయపడుతుంది. యాపిల్ తొక్కలో ఉండే పెక్టిన్ కొలెస్ట్రాల్ స్థాయిలను నియంత్రించడంలో కూడా సహాయపడుతుంది. ఇది గుండె జబ్బులను కూడా నివారిస్తుంది. డయాబెటిస్‌లో కూడా ఇది మేలు చేస్తుంది. యాపిల్ పీల్ రఫ్‌గా పనిచేస్తుంది, ఇది జీర్ణక్రియను మెరుగుపరుస్తుంది, ప్రేగు కదలికను ప్రోత్సహిస్తుంది. ఇది జీవక్రియను కూడా పెంచుతుంది.

తొక్కతీసేసి తింటే...
మీరు యాపిల్ పైన తొక్కు తీసేసి తింటే.. చాలా రకాల పోషకాలు కోల్పోతారు. ముఖ్యంగా అందులోని ఫైబర్ ని కోల్పోతారు. ఇతర పోషకాలు అందినప్పటికీ.. ఫైబర్ అయితే.. శరీరానికి అందదు. అందుకే.. యాపిల్ తినాలి అనుకుంటే.. మొదట ఆపిల్‌ను బాగా కడగాలి, తద్వారా దాని ఉపరితలంపై ఉన్న పురుగుమందులు , ధూళి శుభ్రం చేయబడతాయి. ఇది మీ శరీరానికి ఎక్కువ పోషకాలను అందిస్తుంది కాబట్టి, పొట్టు తీయకుండా తినడం మంచిది.