మన నేషనల్ డ్రింక్ ఏంటో మీకు తెలుసా?

మన జాతీయ జంతువు ఏంటి? మన జాతీయ పక్షి ఏంటి? మన జాతీయ పువ్వు ఏంటి..? పోనీ జాతీయ పండు..? ఏ ప్రశ్నలేంటి..? వీటికి స్కూల్ కి వెళ్లే చిన్న పిల్లవాడు ఎవరైనా  సమాధానం చెబుతారు. మరి... మన నేషనల్ డ్రింక్ ఏంటో చెప్పగలరా..? చెప్పలేరు కదా..? కానీ మీకు.. మేం ఇప్పుడు మన నేషనల్ డ్రింక్ ఏంటో చెప్పబోతున్నాం. అది మరేంటో కాదు.. టీ.

మీరు చదివింది నిజమే. మనం ఉదయం లేవగానే కమ్మగా, వేడి వేడి టీ ని ఆస్వాదిస్తూ ఉంటాం. మనం ఎక్కడ ఉన్నా, ఏ ప్లేస్ లో ఉన్నా.. సమయంతో పని లేకుండా.. రోజులో ఒక్కసారైనా  వేడి వేడి టీ తాగడాన్ని ఇష్టపడతారు. అలాంటి టీనే.. మన నేషనల్ డ్రింక్ గా ప్రకటించారు. 

మన దేశంలో ప్రతిరోజూ మిలియన్ల మంది ఈ టీ( చాయ్) ని తాగడానికి ఇష్టపడుతూ ఉంటారు. టీ ని కేవలం నార్మల్ ఫ్లేవర్ లా కాకుండా... చాలా రకాల ఫ్లేవర్స్ లో దీనిని ఆస్వాదించవచ్చు. అల్లం టీ, యాలకుల టీ, మసాలా టీ అంటూ... ఒక్కొక్కరు ఒక్కో రకం టీని తాగడానికి ఇష్టపడతారు. కేవలం.. మన దేశంలోనే కాదు... ప్రపంచ వ్యాప్తంగా టీని  చాలా ఎక్కువ మంది ఇష్టపడి తాగుతూ ఉంటారు.

టీ కేవలం టైమ్ పాస్ కి మాత్రమే కాదు... చాలా ఆరోగ్యకరమైన ప్రయోజనాలు కూడా ఉన్నాయి. టీలో యాంటీ ఆక్సిడెంట్స్, యాంటీ ఇన్ ఫ్లమేటరీ ప్రాపర్టీలుు ఉంటాయి. టీలో వాడే మసాలాలు, తేయాకు కారణంగా.. ఈ ప్రాపర్టీలు టీకి అందుతాయి. మరి.. ఈ నేషనల్ డ్రింక్ తాగడం మీకు ఇష్టమేనా?