మొక్కజొన్న తింటే ఏమవుతుందో తెలుసా?
వర్షంలో వేడి వేడి మొక్క జొన్నపై నిమ్మరసం, ఉప్పు, కారం జల్లి తింటుంటే వచ్చే మజానే వేరు. ఈ సీజన్ లో సాయంత్రం అయితే చాలు.. రోడ్డు పక్కనున్న బండి దగ్గర నిలబడి కాల్చిన మొక్కజొన్నను తింటుంటారు. కానీ మొక్కలను జొన్నలను తింటే ఏమౌతుందో అని ఎప్పుడైనా ఆలోచించారా?
మొక్కజొన్న కూడా మన ఆరోగ్యానికి ఎంతో ప్రయోజనకరంగా ఉంటుంది. మొక్కజొన్నలో ఇనుము, మెగ్నీషియం, ఫాస్పరస్, పొటాషియం వంటి ఖనిజాలు పుష్కలంగా ఉంటాయి. అంతేకాదు దీనిలో విటమిన్ ఎ, విటమిన్ బి కాంప్లెక్స్ లు కూడా ఉంటాయి. వర్షాకాలంలో రోడ్ల పక్కనున్న తోపుడు బండ్ల మీద వీటిని ఎక్కువగా అమ్ముతుంటారు. అయితే ఇవి టేస్టీగా ఉండటమే కాకుండా.. మన ఆరోగ్యానికి కూడా మేలు చేస్తాయి. కానీ వర్షకాలంలో ఈ కాల్చిన మొక్కజొన్న పొత్తు తింటే ఏం జరుగుతుందో ఇప్పుడు తెలుసుకుందాం పదండి.
ఇమ్యూనిటీ పవర్:
కాల్చిన మొక్కజొన్నను మన ఆరోగ్యానికి ఎన్నో విధాలుగా ఉపయోగకరంగా ఉంటుంది. దీనిలో విటమిన్ ఎ, విటమిన్ బి పుష్కలంగా ఉంటాయి. ఇది మన శరీరానికి ఎన్నో ప్రయోజనాలను అందిస్తుంది. ఈ మొక్కజొన్న పొత్తు తింటే మన రోగనిరోధక శక్తి బాగా పెరుగుతుంది.
మలబద్ధకం
మొక్కజొన్న మలబద్దకం వంటి జీర్ణ సమస్యలను తగ్గించడానికి కూడా బాగా సహాయపడుతుంది. మొక్కజొన్నలో ఎక్కువ మొత్తంలో ఫైబర్ కంటెంట్ ఉంటుంది. కాల్చిన మొక్కజొన్నను తింటే మలబద్దకం నుంచి ఉపశమనం కలుగుతుంది. అయితే దీన్ని మీరు ఉడకబెట్టి కూడా తినొచ్చు.
మెరుగైన కంటిచూపు
మొక్కజొన్నలో విటమిన్లు, యాంటీ ఆక్సిడెంట్లు పుష్కలంగా ఉంటాయి. ఇవి మన కళ్లను ఆరోగ్యంగా ఉంచుతాయి. వీటిని మన డైట్ లో చేర్చుకుంటే కంటిచూపు బాగా పెరుగుతుందని నిపుణులు చెబుతున్నారు. అంతేకాదు ఇది కంటి సమస్యలు రాకుండా కూడా కాపాడుతుంది.
Image: Freepik
గుండె ఆరోగ్యం
వర్షంలో కాల్చిన మొక్కజొన్నను తినడం వల్ల గుండె సంబంధిత వ్యాధుల ప్రమాదం చాలా వరకు తగ్గుతుందని ఆరోగ్య నిపుణులు చెబుతున్నారు. దీన్ని తినడం వల్ల హార్ట్ ఎటాక్ రిస్క్ తగ్గుతుందట. అలాగే గుండె ఆరోగ్యంగా ఉంటుందని నిపుణులు చెబుతున్నారు.
కొలెస్ట్రాల్ ను తగ్గిస్తుంది
మొక్కజొన్నలో విటమిన్ సి, బయోఫ్లవనాయిడ్స్, కెరోటినాయిడ్స్, ఫైబర్ వంటి లక్షణాలు ఎక్కువ మొత్తంలో ఉంటాయి. మొక్కజొన్నలోని ఈ లక్షణాలు శరీరంలో పేరుకుపోయిన చెడు కొలెస్ట్రాల్ ను తగ్గించడానికి బాగా సహాయపడతాయి.
Roasted corn
బలమైన ఎముకలు
మొక్కజొన్నల్లో ఫాస్పరస్, మెగ్నీషియం, ఐరన్ వంటి గుణాలు పుష్కలంగా ఉంటాయి. ఇవి మన ఎముకలను బలోపేతం చేయడానికి ఎంతో ఉపయోగపడతాయి. దీనిని తింటే ఆర్థరైటిస్ నొప్పులు కూడా తగ్గిపోతాయని ఆరోగ్య నిపుణులు చెబుతున్నారు.
చర్మానికి మేలు
మొక్కజొన్నలో విటమిన్ ఎ, విటమిన్ సి తో పాటుగా ఇతర యాంటీ ఆక్సిడెంట్లు కూడా పుష్కలంగా ఉంటాయి. మొక్కజొన్నలను తింటే మన శరీరం ఆరోగ్యంగా ఉండటంతో పాటుగా మన చర్మం కూడా హెల్తీగా, ప్రకాశవంతంగా ఉంటుంది.