చద్దన్నం తింటే ఏమౌతుంది..?

చాలా మంది రాత్రి వండిన అన్నం మిగిలిపోయినప్పుడు  దానిని ఫ్రిడ్జ్ లో పెట్టి.. మరుసటి రోజు దానిని వేడి చేసుకొని తింటూ ఉంటారు. కానీ.. ఇలా చద్దన్నం తినడం, ముఖ్యంగా వేడి చేసుకొని తినడం ఆరోగ్యానికి అస్సలు మంచిది కాదు అనే విషయం మీకు తెలుసా? దీని గురించి నిపుణులు ఏమంటున్నారో తెలుసుకుందాం...

పోషకాహార నిపుణుల ప్రకారం.. చద్దన్నం వేడి చేసుకొని తింటే అందరికీ సరిగా అరగదు. దీని వల్ల.. చాలా మంది వాంతులు లాంటివి అయ్యే అవకాశం చాలా ఎక్కువగా ఉంటుంది. డయేరియా సమస్య కూడా రావచ్చు.

ఎందుకంటే... అన్నం వండిన తర్వాత.. రెండు, మూడు గంటలపాటు అది బయటే ఉంటుంది. అలా బయట ఉన్నప్పుడు శరీరానికి హానిచేసే టాక్సిన్స్ ఆ రైస్ నుంచి ప్రొడ్యూస్ అవుతాయి. అలాంటప్పుడు.. దానిని మరుసటి రోజు తినడం వల్ల.. డయేరియా లాంటి సమస్యలు వచ్చే అవకాశం ఉంది.

ఇక.. ఈ చద్దన్నం చాలా మందికి సరిగా అరగదు. అరగకపోవడం వల్ల.. గ్యాస్, ఎసిడిటీ వంటి సమస్యలు రావడం మొదలౌతాయి. ఇక.. చద్దన్నంలో బ్యాక్టీరియా శాతం చాలా ఎక్కువగా ఉంటుందట.  శరీరానికి హాని చేసే బ్యాక్టీరియా ఎక్కువగా తయారవ్వడం వల్ల.. ఇది తినడం వల్ల మలబద్దకం సమస్య కూడా వచ్చే అవకాశం ఉంటుంది.

ఆ అన్నం వండి మరీ  ఎక్కువ గంటలు అయ్యి ఉండి.. దానిని మళ్లీ ఫ్రైడ్ రైస్ లాగా చేసుకొని తీినడం వల్ల  గుండె సంబంధిత సమస్యలు కూడా వచ్చే అవకాశాలు మెండుగా ఉన్నాయి. కొందరికి అయితే.. చద్దన్నం తినడం వల్ల జలుబు, దగ్గు లాంటి సమస్యలు కూడా వచ్చేస్తాయి. మరి కొందరికి ఫుడ్ పాయిజన్ అయ్యి.. ఆస్పత్రిలో చేరాల్సి వస్తుంది. కాబట్టి.. వీలైనంత వరకు వండిన ఆహారాన్ని వెంటనే తినేయాలి. అలా కాకుండా.. వండిన తర్వాత ఎక్కువ గంటలు ఆగి ఆ తర్వాత తింటే.. చాలా ఆరోగ్య సమస్యలు వచ్చి ఇబ్బంది పెడతాయి.