యవ్వనాన్ని ఇచ్చే విటమిన్ కావాలా..? తినాల్సింది ఇదే..!

యవ్వనాన్ని కోరుకోని వారు ఎవరు ఉంటారు.  మయసు పెరుగుతున్నా.. వీలైనంత వరకు తాము యవ్వనంగా కనిపించాలని ఆరాటపడుతూ ఉంటారు. అయితే.. ఆ అందం, యవ్వనం మనకు అందాలంటే... దానికి తగిన ఆహారం తీసుకోవాల్సిందే. ఏ ఫుడ్ లో అయితే... విటమిన్ సి పుష్కలంగా ఉంటుందో.. అవి తీసుకుంటే... సహజంగా మీరు యవ్వనంగా మెరిసిపోతారు. ముఖ్యంగా.. ఈ మండే ఎండాకాలం మీరు  ఎలాంటి ఫుడ్స్ తింటే.. మీకు విటమని సి లభిస్తుందో ఇప్పుడు తెలుసుకుందాం...
 

విటమిన్ సి తీసుకోవడం వల్ల మనకు అందం మాత్రమే కాదు.. ఎన్నో రకాల ఆరోగ్య ప్రయోజనాలు కూడా చేకూరనున్నాయి. అందుకే.. కచ్చితంగా ఈ విటమిన్ ని మనం డైట్ లో భాగం చేసుకోవాల్సిందే.

1.పైనాపిల్..
మీరు వేసవి కాలంలో పైనాపిల్ తినవచ్చు. పైనాపిల్‌లో విటమిన్ సి పుష్కలంగా ఉంటుంది. అధిక నీటి శాతం కూడా ఉంటుంది. ఇది మీ రోగనిరోధక వ్యవస్థను బలోపేతం చేయడంలో సహాయపడుతుంది. ఇది సంక్రమణ ప్రమాదాన్ని తగ్గిస్తుంది. విటమిన్ సి చర్మ ఆరోగ్యాన్ని ప్రోత్సహిస్తుంది. కొల్లాజెన్ ఉత్పత్తిని ప్రోత్సహించడంలో ఇది సహాయపడుతుంది. ఫలితంగా యవ్వనంగా కనపడతారు. 

2.స్ట్రాబెర్రీలు..
మీరు వేసవిలో స్ట్రాబెర్రీలను కూడా తినవచ్చు. ఇది విటమిన్ సి అద్భుతమైన సోర్స్ అని చెప్పొచ్చు. ఇది రోగనిరోధక శక్తిని బలపరుస్తుంది. అంతేకాదు.. ఈ పండు గుండె , మెదడు ఆరోగ్యానికి కూడా ఒక వరంగా పరిగణిస్తారు. విటమిన్ సి వాపును తగ్గించడంలో ,UV కిరణాల వల్ల కలిగే నష్టం నుండి రక్షించడంలో ముఖ్యమైన పాత్ర పోషిస్తుంది. అందాన్ని మీకు అందిస్తుంది.

3.కివి..

కివి విటమిన్ సి కి అద్భుతమైన మూలం. ఇందులో కేలరీలు తక్కువగా ఉంటాయి. పొటాషియం, ఫోలిక్ యాసిడ్ కలిగి ఉంటాయి. దీన్ని తినడం వల్ల రోగాల బారిన పడకుండా ఉండడమే కాకుండా బరువు కూడా అదుపులో ఉంటుంది. 
 

4.పుచ్చకాయ..
పుచ్చకాయ  విటమిన్ సీ కి  కూడా మంచి మూలం. దీన్ని తీసుకోవడం వల్ల రోగనిరోధక శక్తి పెరగడమే కాకుండా హైడ్రేషన్ కూడా అందుతుంది. ఇది చర్మం, జీర్ణ ఆరోగ్యాన్ని కూడా ప్రోత్సహిస్తుంది. ఇది కాకుండా, ఈ పండు ఎలక్ట్రోలైట్స్ , యాంటీఆక్సిడెంట్లను కూడా అందిస్తుంది.

5.ఆరెంజెస్..

నారింజను కూడా ఆహారంలో భాగం చేసుకోవచ్చు. నారింజలో అధిక మొత్తంలో విటమిన్ సి ఉంటుంది. శక్తి జీవక్రియలో విటమిన్ సి ముఖ్యమైన పాత్ర పోషిస్తుంది. ఇది ఆహారాన్ని శక్తిగా మార్చడానికి , అలసటతో పోరాడటానికి సహాయపడుతుంది. విటమిన్ సి పుష్కలంగా ఉన్న ఏదైనా పండు తినడం వల్ల సహజమైన శక్తి పెరుగుతుంది. మీ  చర్మం మరింత తాజాగా, యవ్వనంగా కనపడేలా చేస్తుంది.