Green chillies: పచ్చి మిరపకాయలు ఎక్కువ కాలం తాజాగా ఉండాలంటే ఏం చేయాలి?

పచ్చి మిరపకాయలు ఎక్కువ కాలం తాాజగా ఉండాలంటే ఏం చేయాలో మీకు తెలుసా?  సింపుల్ చిట్కాలు ఇక్కడ ఉన్నాయి.. అవేంటో తెలుసుకుందాం...  

వంటగదిలో పచ్చిమిర్చీలను రెగ్యులర్ గా వాడుతూనే ఉంటారు. పచ్చి మిర్చీలు కేవలం కారం కోసమే కాదు, వంటకు రుచిని పెంచడంలోనూ సహాయం చేస్తాయి. కేవలం చట్నీలకు మాత్రమే కాదూ.. కూరలకు కూడా ఇవి చాలా రుచిని తెస్తాయి. పచ్చి మిరపకాయలు చూడటానికి ఎంత ఫ్రెష్ గా, తాాజగా ఉన్నప్పుడు మనం కొని తెచ్చుకున్నా.. అవి చాలా తక్కువ సమయంలోనే    ఎండుమిర్చిగా మారిపోతాయి.   ఎక్కువ రోజులు ఉంటే అవి ఎండిపోవడం, కళ్లిపోవడం జరుగుతాయి. మరి.. ఇవి ఎక్కువ రోజులు తాజాగా  నిల్వ ఉండాలంటే ఏం చేయాలి? 

జిప్‌లాక్ బ్యాగ్: దీనికోసం పచ్చిమిర్చిని తెచ్చి వెంటనే బాగా కడిగి, ఆరబెట్టండి. తర్వాత దాని కాడ తీసి, పచ్చిమిర్చిని జిప్ లాక్ బ్యాగ్‌లో ఉంచితే, కనీసం 15 రోజులైనా తాజాగా ఉంటుంది. ముఖ్యంగా దానిలో గాలి ఉండకూడదు. కావాలంటే మీరు ఫ్రీజర్‌లో కూడా ఉంచవచ్చు.

ప్లాస్టిక్ బ్యాగ్: మీ దగ్గర జిప్ లాక్ బ్యాగ్ లేకపోతే, ప్లాస్టిక్ బ్యాగ్‌లో గాలి చొరపడకుండా పెట్టాలి. అయితే.. అలా కవర్ లో పెట్టే సమయంలో పచ్చి మిరపకాయలు తడిగా మాత్రం ఉండకూడదు. తడి లేకుండా చూసుకొని ఆ తర్వాతే..ప్లాస్టిక్ బ్యాగ్‌లో వేసి, గాలి తగలకుండా ప్యాక్ చేసి  ఫ్రీజర్‌లో ఉంచండి. దీనివల్ల మిర్చి చాలా రోజులు తాజాగా ఉంటుంది.

టిష్యూ పేపర్: పచ్చిమిర్చిని సేవ్ చేయడానికి టిష్యూ పేపర్‌ని ఉపయోగించవచ్చు. దీనికోసం పచ్చిమిర్చిని బాగా కడిగి, కాడ తీయాలి. తర్వాత కడిగిన నీరంతా పోయేంత వరకు ఆగి, ఆ తర్వాత  టిష్యూ పేపర్‌లో వేసి బాగా మడవాలి. ఇలా చేస్తే పచ్చిమిర్చి ఒక నెల వరకు తాజాగా ఉంటుంది.

చెడిపోయిన పచ్చిమిర్చి: పచ్చిమిర్చి నల్లగా మారడం మొదలైతే అది చెడిపోయిందని అర్థం. ఇలాంటి మిర్చిని వెంటనే పారేయండి. లేకపోతే, అది ఇతర మిర్చిని కూడా పాడు చేస్తుంది.