బీపీ పేషెంట్లు పనస పండును తింటే..!

పనస పండులో ఎన్నో ఆరోగ్య ప్రయోజనాలు దాగున్నాయి. ఈ  పండును తింటే శరీరానికి ఎన్నో రకాల పోషకాలు అందుతాయి. ఎన్నో అనారోగ్య సమస్యలు కూడా తగ్గిపోతాయి. ఇలాంటి పండును అధిక రక్తపోటు పేషెంట్లు తినొచ్చా?  

పనస పండు మొరేసి కుటుంబానికి చెందింది. ఈ పండు భారతదేశంలోని పశ్చిమ కనుమలకు చెందింది. కానీ ఆసియా, ఆఫ్రికా, దక్షిణ అమెరికాలోని ఇతర ప్రాంతాలలో కూడా ఈ ఇవి పండుతాయి. ఈ పండు ప్రపంచవ్యాప్తంగా అతిపెద్ద తినదగిన పండుగా ప్రసిద్ది చెందింది. ఈ పండులో కార్బోహైడ్రేట్లు, ప్రోటీన్లు, విటమిన్లు, ఖనిజాలు, ఫైటోకెమికల్స్ వంటి పోషకాలు సమృద్ధిగా ఉంటాయి. పనస పండు గుజ్జు, విత్తనాలను కూరలుగా, ఉడకబెట్టడం అంటూ ఎన్నో రకాలుగా తింటుంటారు. ఈ పనస పండ్లు, ఈ చెట్టు ఆకులు, బెరడుతో సహా పనస చెట్టు వివిధ భాగాల్లో ఎన్నో ఆరోగ్య ప్రయోజనాలు దాగున్నాయి. అందుకే వీటిని  సాంప్రదాయ వైద్యంలో ఎన్నో ఏండ్లుగా ఉపయోగిస్తున్నారు. 

పనస పండు గురించి తక్కువ మందికి తెలిసిన విషయం ఏమిటంటే.. ఇది పొటాషియానికి అద్భుతమైన మూలం. ఇది రక్తపోటును తగ్గించడానికి, గుండె, రక్త నాళాలపై సోడియం హానికరమైన ప్రభావాలను ఎదుర్కోవటానికి సహాయపడుతుంది. దీంతో గుండె జబ్బులు, స్ట్రోకులు, ఎముక నష్టం ప్రమాదాల్ని తగ్గిస్తుంది. పనస పండులో విటమిన్ బి 6 కూడా ఉంటుంది. ఇది రక్తంలో హోమోసిస్టీన్ స్థాయిలను తగ్గించడానికి సహాయపడుతుంది. హోమోసిస్టీన్ గుండె జబ్బుల ప్రమాదాన్ని పెంచుతుంది.

పనస ఖనిజం అధికంగా ఉండే పండు. దీనిలో ఎక్కువ మొత్తంలో మెగ్నీషియం కూడా ఉంటుంది. ఇది కాల్షియం శోషణకు సహాయపడుతుంది. ఎముకలను బలోపేతం చేస్తుంది. అలాగే బోలు ఎముకల వ్యాధి వంటి ఎముక సంబంధిత రుగ్మతల ప్రమాదాన్ని కూడా తగ్గిస్తుంది. పనస పండులోని ఇనుము రక్తహీనతను నివారించడానికి సహాయపడుతుంది. సరైన రక్త ప్రసరణకు మద్దతునిస్తుంది. అయితే రాగి థైరాయిడ్ గ్రంథి జీవక్రియలో కీలక పాత్ర పోషిస్తుంది.

అనేక ఆరోగ్య ప్రయోజనాలు, పోషక విలువలు ఉన్నప్పటికీ.. పనస పండు తక్కువ ఉపయోగంలో ఉన్న పండు. దీని తక్కువ షెల్ఫ్ లైఫ్, అది పండించే ప్రాంతాలలో ప్రాసెసింగ్ సౌకర్యాలు లేకపోవడం వల్ల దీని రవాణా కష్టమవుతోంది.