ఇడ్లీ పిండి పులిసిపోయిందా..? ఈ ట్రిక్ వాడండి..!

అలా పులిసిపోయిన పిండితో మనం ఇడ్లీ వేసుకొని తినలేం. రుచికి అస్సలు బాగోవు. దీంతో చాలా మంది పిండి పారేస్తూ ఉంటారు. 

ఇడ్లీ లను ఇష్టపడేవారు చాలా మంది ఉంటారు. ప్రతి ఇంట్లోనూ కామన్ గా చేసే బ్రేక్ ఫాస్ట్ ఇది.  వేడి వేడి ఇడ్లీలో నెయ్యి వేసుకొని కొబ్బరి చట్నీ, కారం పొడి ఏది వేసుకొని తిన్నా కమ్మగానే ఉంటుంది. సాంబారుతో తిన్నా.. ఇడ్లీ రుచి అదిరిపోతుంది. ఇడ్లీ పిండిని మనం దాదాపుగా ఇంట్లోనే తయారు చేసుకుంటాం. అయితే ఒక్కోసారి పిండి బాగా పులిసిపోతుంది. అలా పులిసిపోయిన పిండితో మనం ఇడ్లీ వేసుకొని తినలేం. రుచికి అస్సలు బాగోవు. దీంతో చాలా మంది పిండి పారేస్తూ ఉంటారు. లేదంటే ఇంకేదో చేస్తారు. అయితే.. ఈ సింపుల్ ట్రిక్ ఫాలో అయితే..  పిండి పులిసిపోయినా మళ్లీ.. నార్మల్ చేసుకోవచ్చు. అదెలాగో ఇప్పుడు చూద్దాం..

మీ ఇడ్లీ లేదంటే దోశ పిండి పుల్లగా మారినట్లయితే.. అందులో కొద్దిగా అల్లం, పచ్చి మిర్చీ పేస్టు ని యాడ్ చేయాలి. అల్లం, పచ్చిమిర్చి పేస్టు చేసి పిండిలో  వేస్తే.. పిండి పులుపు తగ్గుతుంది. లేదంటే.. తరిగిన అల్లం, పచ్చి మిర్చి ముక్కలు వేసినా పర్వాలేదు. ఇడ్లీ పిండికి మాత్రమే కాదు.. దోశ పిండికి కూడా ఇదే ఫార్ములా వాడొచ్చు.

పంచదార లేదా బెల్లం పని చేస్తుంది
దోసె పిండి, ఇడ్లీ పిండి చాలా పుల్లగా మారినట్లయితే, చక్కెర లేదా బెల్లం ఉపయోగించవచ్చు. ఇవి పులుపును తగ్గిస్తాయి. రుచిని కూడా పెంచుతాయి. కానీ మీరు పరిమాణం గురించి జాగ్రత్తగా ఉండాలి, ఎందుకంటే ఎక్కువ పరిమాణం దోస, ఇడ్లీ  రుచిని పాడు చేస్తుంది. కాబట్టి ముందుగా కొద్దిగా పంచదార లేదా బెల్లం వేసి రుచి చూడండి. పరిమాణం తక్కువగా ఉన్నట్లు అనిపిస్తే, మళ్లీ చక్కెర లేదా బెల్లం వేసి వాడండి.

పిండిలో కొంచెం బియ్యప్పిండి  కలిపితే పులుపు తగ్గుతుంది. ఆ తర్వాత ఇడ్లీ వేసుకున్నా.. ఏమీ కాదు.. రుచిలో తేడా వస్తుందని భయపడాల్సిన అవసరం లేదు. అయినా కూడా మృదువుగానే వస్తాయి. 

తాజా పిండిని ఉపయోగించండి
పిండి చాలా పుల్లగా మారినట్లయితే, మీరు కొంచెం తాజా పిండిని జోడించవచ్చు. దీంతో పులుపు తగ్గుతుంది.  ఇడ్లీలు మరింత రుచిగా ఉంటాయి. ఇడ్లీలు మెత్తగా కూడా వస్తాయి.

పిండి తొందరగా పులవకుండా ఉండేందుకు చిట్కాలు...

పిండి తయారు చేసేటప్పుడు మనం ఎప్పుడూ నీటిని ఉపయోగిస్తాము. అయితే మీ పిండిని చల్లటి నీరు ఎంత పర్ఫెక్ట్ గా తయారు చేస్తుందో మీకు తెలుసా? అవును,చల్లటి  నీటిని జోడించడం వల్ల పిండి బాగుంటుంది. తొందరగా పులవకుండా ఉంటుంటి. చల్లటి నీటి కారణంగా.. పిండి లో బ్యాక్టీరియా చేరదు. ఫలితంగా.. ఎక్కువ రోజులు పులవకుండా తాజాగా ఉంటుంది.