రేషన్ బియ్యంతో ఇడ్లీ, దోశ ఎలా తయారుచేయాలో తెలుసా?

చాలా మంది రేషన్ బియ్యాన్ని ఎలా ఉపయోగించుకోవాలో తెలియదు. అందుకే వీటిని అమ్మేస్తుంటారు. కానీ రేషన్ బియ్యాన్ని అన్నం వండుకుని తినొచ్చు. లేదా ఇడ్లీ , దోష వంటి బ్రేక్ ఫాస్ట్ లు చేసుకుని తినొచ్చు. 

రేషన్ బియ్యం దేనికీ పనికిరావని చాలా మంది అనుకుంటారు. అందుకే వీటిని ఇంటికి తేగానే అమ్మేస్తుంటారు. కానీ రేషన్ బియ్యం కూడా మన ఆరోగ్యానికి మంచి మేలు చేస్తాయి. వీటిని తినడం వల్ల మన ఆరోగ్యానికి ఎన్నో ప్రయోజనాలు కలుగుతాయి. అందుకే వీటిని అన్నం వండుకుని తినాలంటారు. అయితే చాలా మంది వీటిని అన్నం వండుకుని తినడానికి ఇష్టపడరు. ఇలాంటి వారు ఈ బియ్యంతో ఎంచక్కా ఇడ్లీ, దోశ వంటి హెల్తీ బ్రేక్ ఫాస్ట్ లు చేసుకుని తినొచ్చు. అందుకే ఈ రోజు రేషన్ బియ్యంతో ఇడ్లీ, దోశలు ఎలా చేసుకుని తినాలో ఇప్పుడు తెలుసుకుందాం పదండి.

రేషన్ బియ్యంతో ఇడ్లీ, దోశ తయారుచేయడానికి కావాల్సిన పదార్థాలు

నాలుగు గ్లాసుల రేషన్ బియ్యం, 1/2 కప్పు మినపప్పు, ఒక టీస్పూన్ మెంతులు. ముందుగా ఒక గిన్నె తీసుకుని అందులో నాలుగు గ్లాసుల రేషన్ బియ్యాన్ని పోయండి. వీటిని ఐదారు సార్లు నీళ్లతో శుభ్రంగా చేతులతో బాగా కడగిడి నీళ్లు పోసి నానబెట్టండి. అయితే దీంట్లో ఒక టీస్పూన్ ఉప్పును కూడా వేయండి. రేషన్ బియ్యంలో ఉప్పు వేసి నానబెట్టినప్పుడు ఇడ్లీ పిండికి రేషన్ బియ్యం వాసన ఉండదు. ఇందుకోసమే ఉప్పును వేయాలని చెప్తారు.

అయితే చాలా మంది ఇడ్లీ బియ్యాన్ని, పప్పును కలిపే నానబెడుతుంటారు. కానీ ఇలా ఎప్పుడూ చేయకూడదు. అందుకే మీరు రేషన్ బియ్యాన్ని, పప్పును, మెంతులను విడివిడిగానే నానబెట్టండి. మినప్పప్పును  ఒక గంటపాటు బయట,  మూడు గంటల పాటు ఫ్రిజ్ లో నానబెట్టండి. మెంతులు, మినపప్పు బాగా నానిన తర్వాత రెండింటిని ఒకేదగ్గర వేడి గ్రైండ్ చేయండి. అయితే మినపప్పులో కొద్ది కొద్దిగా నీళ్లు పోసుకుంటూ గ్రైండ్ చేసుకుంటే సాఫ్ట్ గా వస్తుంది. 

ఇప్పుడు బియ్యాన్ని గ్రైండర్ లో వేసి గ్రైండ్ చేసుకోండి. అయితే ఈ రేషన్ బియ్యం సన్న రవ్వ మాదిరిగా గ్రైండ్ చేసుకోవాలి. మరీ మెత్తని పిండిలా గ్రైండ్ చేసుకోకూడదు. ఇప్పుడు రుబ్బిన మినప్పప్పు పేస్ట్ లో బియ్యం పిండిని వేసుకుని బాగా కలుపుకోవాలి. ఈ పిండిని రాత్రంతా అలాగే ఉంచి మరుసటి రోజు ఉదయాన్నే మీరు ఇడ్లీని తయారుచేసుకోవచ్చు. కావాలనుకుంటే మీరు దీనితో దోషలు కూడా చేసుకుని తినొచ్చు. అంతే రేషన్ బియ్యంతో టేస్టీ టేస్టీ ఇడ్లీ, దోషలు తయారైనట్టే.