గుండె ఆరోగ్యానికి ముప్పు తెచ్చే ఆహారాలు ఇవి..!

ఒకప్పుడు వృద్ధులకు మాత్రమే గుండె సంబంధిత సమస్యలు వచ్చేవి. ఇప్పుడు చిన్న పిల్లల్లోనూ వచ్చేస్తున్నాయి.   

గుండెపోటు

ప్రపంచ వ్యాప్తంగా ఎక్కువ మంది ప్రజలు కేవలం గుండె నొప్పి కారణంగానే ప్రాణాలు కోల్పోతున్నారంటే మీరు నమ్మగలరా...? కానీ ఇదే నిజం. ఒకప్పుడు కేవలం వయసు పైబడిన వారు ముఖ్యంగా 60ఏళ్లు దాటిన వారిలో మాత్రమే ఈ రకం సమస్యలు వచ్చేవి. హార్ట్ ఎటాక్ తో ప్రాణాలు కోల్పేయేవారు. కానీ ఇప్పుడు సీన్ రివర్స్ అయ్యింది. చిన్న చిన్న పిల్లలు, యువకులు హార్ట్ ఎటాక్ లతో ప్రాణాలు కోల్పోతున్నారు. నిల్చున్న చోటే కుప్పకూలిపోతున్నారు.

అనారోగ్యకరమైన జీవనశైలి, ముఖ్యంగా ఆహారపు అలవాట్లు దీనికి ప్రధాన కారణం. కొన్ని ఆహారాలు గుండె జబ్బుల ప్రమాదాన్ని పెంచడమే కాకుండా గుండెపోటు, ఇతర తీవ్రమైన ఆరోగ్య సమస్యలను కూడా ప్రేరేపిస్తాయి. గుండెను బలహీనం చేసి, మనకు ముప్పు తెచ్చే ఆహారాల జాబితా ఇక్కడ ఉంది.  ఆ ఆహారాలేంటో చూద్దాం.

ఉప్పు

ఉప్పులేని పప్పు కూడు రుచిగా ఉంటుంది. ఇది నిజమే. కానీ.. అలా అని అధికంగా ఉప్పు తీసుకుంటే మాత్రం గుండెకు ముప్పు తప్పదు. అధిక ఉప్పు తీసుకోవడం వల్ల రక్తపోటు పెరుగుతుంది, ఇది గుండెపోటుకు ప్రధాన కారణం. అల్ట్రా-ప్రాసెస్డ్ ఆహారాల్లో ఉప్పు అధికంగా ఉంటుంది, ఇది గుండె జబ్బుల ప్రమాదాన్ని పెంచుతుంది. ఈ ఆహారాలను తినడం మానుకోండి, ఉప్పు తీసుకోవడం తగ్గించడానికి మూలికలు, సుగంధ ద్రవ్యాలను ఉపయోగించండి. ఉప్పు అసలు తీసుకోకుండా ఉండకూడదు. కానీ.. తీసుకునే మొత్తాన్ని కాస్త తగ్గిస్తూ వస్తే.. ఆరోగ్యం మీ గుప్పెట్లోనే ఉంటుంది. ఉప్పు అధికంగా ఉండే.. ఫాస్ట్ ఫుడ్స్ కి కూడా వీలైనంత వరకు దూరంగా ఉండటం మీ గుండెకు మేలు చేస్తుంది.

చక్కెర

ఉప్పు ఎక్కువగా తీసుకుంటే ఎంత ప్రమాదమో.. చక్కెర ఎక్కువ తీసుకున్నా అంతే ప్రమాదం. ఉప్పు అయినా.. కాస్తో కూస్తో శరీరానికి అవసరం కాబట్టి.. మితంగా తీసుకోవాలి.  ఈ చక్కర అయితే పూర్తిగా మానేసినా ఎలాంటి నష్టం ఉండదు. కానీ.. రోజూ తీసుకుంటే మాత్రం గుండెను ప్రమాదంలో పడేసినట్లే. మరీ ఎక్కువగా తీసుకునేవాళ్లు అయితే..కాస్త ఆలోచించాల్సిందే. ఎందుకంటే...  చక్కెర అధికంగా తీసుకోవడం బరువు పెరగడం, టైప్ 2 డయాబెటిస్, గుండె జబ్బులకు దోహదం చేస్తుంది. స్వీట్లు, శీతల పానీయాల ఆకర్షణ ఉన్నప్పటికీ, వాటిని మితంగా తీసుకోవడం చాలా ముఖ్యం. తీపి కోరికలను అరికట్టడానికి, మీ మొత్తం ఆరోగ్యానికి మద్దతు ఇవ్వడానికి ఫైబర్ అధికంగా ఉండే పండ్లను ఎంచుకోండి. వీలైనంత వరకు షుగర్ ఉండే ఫుడ్స్ ని ఎవాయిడ్ చేయండి.

ప్రోటీన్ అధికం

ప్రోటీన్ ఆరోగ్యానికి చాలా మంచిది. బరువు తగ్గాలి ీఅనుకునేవారు కచ్చితంగా ప్రోటీన్ డైలీ తీసుకోవాలి. ఇక్కడి వరకు ఇది నిజం. అయితే.. మంచిది అన్నారు కదా అనీ మరీ ఎక్కువగా ప్రోటీన్ తీసుకోకూడదు. అచ్చంగా ప్రోటీన్ తీనేవారు చాలా మంది ఉన్నారు. అలా తింటే.. ఆరోగ్యం పక్కన పెట్టి.. నష్టాలు కొని తెచ్చుకున్నావాళ్లం అవుతాం. ప్రోటీన్ అవసరమే అయినప్పటికీ, దానిని అధికంగా తీసుకోవడం మీ మూత్రపిండాలను దెబ్బతీస్తుంది, గుండె జబ్బుల ప్రమాదాన్ని పెంచుతుంది. మితంగా తీసుకోవడం చాలా ముఖ్యం; మాంసం, చేపలు, పౌల్ట్రీ, పాల ఉత్పత్తులను సమతుల్య మొత్తంలో ఆస్వాదించండి. ఆరోగ్యకరమైన ప్రోటీన్ మూలానికి లెగ్యూమ్స్, బీన్స్, టోఫు వంటి మొక్కల ప్రోటీన్లను ఎంచుకోండి.

ట్రాన్స్ ఫ్యాట్స్

సంతృప్త, ట్రాన్స్ ఫ్యాట్‌లు చెడు కొలెస్ట్రాల్‌ను పెంచుతాయి, గుండె జబ్బుల ప్రమాదాన్ని పెంచుతాయి. కొలెస్ట్రాల్ తగ్గించడానికి, రెడ్ మీట్, పూర్తి కొవ్వు పాల ఉత్పత్తులు, హైడ్రోజనేటెడ్ నూనెలను తగ్గించండి. బాదం, వాల్‌నట్స్, ఆలివ్ నూనె, అవకాడోలు వంటి మోనోఅన్‌శాచురేటెడ్, పాలీఅన్‌శాచురేటెడ్ కొవ్వులు అధికంగా ఉండే ఆహారాలను ఎంచుకోండి.

బ్రేక్‌ఫాస్ట్ మానేయడం

తరచుగా బ్రేక్‌ఫాస్ట్ మానేసే అలవాటు మీ ఆరోగ్యానికి అస్సలు మంచిది కాదు. ఇది రక్తంలో చక్కెర స్థాయిలను దెబ్బతీస్తుంది, గుండె జబ్బుల ప్రమాదాన్ని పెంచుతుంది. ఆరోగ్యకరమైన బ్రేక్‌ఫాస్ట్ తీసుకోవడం రోజంతా శక్తి స్థాయిలను నిర్వహించడానికి సహాయపడుతుంది, అతిగా తినకుండా నిరోధిస్తుంది, బరువు నిర్వహణకు సహాయపడుతుంది.