ఏవి తిన్నా.. తినకున్నా ఈ కూరగాయలను మాత్రం ఖచ్చితంగా తినండి.. ఎందుకంటే?

కూరగాయలు మన ఆరోగ్యానికి చేసే మేలు అంతా ఇంతా కాదు. ఎందుకంటే వీటిలో మన ఆరోగ్యానికి అవసరమైన విటమిన్లు, ఖనిజాలు పుష్కలంగా ఉంటాయి. రోగనిరోధక శక్తిని పెంచడం నుంచి గుండె జబ్బుల ప్రమాదాన్ని తగ్గించడం వరకు కూరగాయలు మన ఆరోగ్యానికి ఎన్నో విధాలుగా ఉపయోగపడతాయి. ఆరోగ్యకరమైన ఆహారంలో కూరగాయలను ఎక్కువగా తినేవారికి వ్యాధులు వచ్చే ప్రమాదం తక్కువ. శరీరం ఆరోగ్యంగా ఉండేందుకు అవసరమైన పోషకాలను కూరగాయలు అందిస్తాయి. మరి మనం ఖచ్చితంగా తినాల్సిన కొన్ని కూరగాయల గురించి ఇప్పుడు తెలుసుకుందాం..

బచ్చలికూర

బచ్చలికూరలో పోషకాలు పుష్కలంగా ఉంటాయి. ఈ ఆకుకూరలో మన శరీరానికి అవసరమైన విటమిన్లు, ఖనిజాలు పుష్కలంగా ఉంటాయి. వీటిలో ఉండే విటమిన్ కె మన ఎముకలను ఆరోగ్యంగా ఉంచుతుంది. అలాగే  రక్తం గడ్డకట్టడానికి సహాయపడుతుంది. వీటిలో ఉండే విటమిన్ ఎ, విటమిన్ సి, ఫోలేట్ రోగనిరోధక వ్యవస్థను బలోపేతం చేస్తాయి. బచ్చలికూర ఇనుముకు అద్భుతమైన మూలం. శరీరమంతా ఆక్సిజన్ సక్రమంగా రవాణా కావడానికి ఇది చాలా అవసరం. 
 

చిలగడదుంప

తీపి బంగాళాదుంపలు చాలా చాలా టేస్టీగా ఉంటాయి. అంతేకాదు ఇవి పోషకాలకు మంచి వనరు కూడా. చిలగడదుంపల్లో బీటా కెరోటిన్ ఎక్కువ మొత్తంలో ఉంటుంది. ఇది ఒక రకమైన విటమిన్ ఎ. ఇది క్యాన్సర్ తో పోరాడటానికి, కంటి ఆరోగ్యాన్ని మెరుగుపరచడానికి, రోగనిరోధక వ్యవస్థను బలోపేతం చేయడానికి అవసరమవుతుంది.చిలగడదుంపల్లో  గ్లైసెమిక్ ఇండెక్స్ తక్కువగా ఉంటుంది. ఫైబర్ కంటెంట్ ఎక్కువగా ఉంటుంది. అందుకే వీటిని మధుమేహులు కూడా తినొచ్చు. ఇది బ్లడ్ షుగర్ లెవల్స్ ను కంట్రోల్ చేయడానికి కూడా సహాయపడుతుంది. 
 

ఉల్లిపాయలు

ఉల్లిపాయలలో ఉండే క్వెర్సెటిన్ అనే యాంటీఆక్సిడెంట్లు పుష్కలంగా ఉంటాయి. ఇవి మంటను తగ్గించడానికి, దీర్ఘకాలిక వ్యాధుల ప్రమాదాన్ని తగ్గించడానికి కూడా సహాయపడుతుంది. వాటిలో విటమిన్ సి, పొటాషియం కూడా ఎక్కువగా ఉంటాయి. ఇవి రోగనిరోధక వ్యవస్థను బలంగా చేస్తాయి. వీటిలో ఉండే సల్ఫర్ సమ్మేళనాలు గుండెను ఆరోగ్యంగా ఉంచుతాయి. అలాగే క్యాన్సర్ ప్రమాదాన్ని తగ్గిస్తాయి.
 

బ్రోకలీ

బ్రోకలీలో క్యాన్సర్ తో పోరాడటానికి సహాయపడే కొన్ని సమ్మేళనాలు ఉంటాయి. బ్రోకలీలో ఫైబర్, విటమిన్ సి, విటమిన్ కె, ఫోలేట్, మెగ్నీషియం, పొటాషియం, యాంటీ ఆక్సిడెంట్లు ఎక్కువగా ఉంటాయి.  ఇవి ఎన్నో అనారోగ్య సమస్యలను తగ్గిస్తాయి. 
 

క్యారెట్లు

క్యారెట్లలో విటమిన్ ఎ, బీటా కెరోటిన్ లు పుష్కలంగా ఉంటాయి. అంతేకాదు వీటిలో ఫైబర్, విటమిన్ కె, విటమిన్ బి 6, పొటాషియం వంటి వివిధ విటమిన్లు, ఖనిజాలు పుష్కలంగా ఉంటాయి. ఇవి జీర్ణవ్యవస్థను మెరుగ్గా ఉంచుతాయి. క్యారెట్లు బరువు తగ్గడానికి, కొలెస్ట్రాల్ స్థాయిలను తగ్గించడానికి కూడా సహాయపడతాయి .