డైట్ లో ఉన్నవారు కూడా ఈ స్వీట్స్ తినొచ్చు..!
ఎక్కడ బరువు పెరిగిపోతామా అని భయపడుతూ ఉంటారు. అలాంటివారు... తమ తీపి తినాలనే కోరికను అణుచుకుంటారు. అయితే... ఈ కింది స్వీట్స్ ని మాత్రం డైట్ లో ఉన్నవారు కూడా తినొచ్చట. మరి ఆ స్వీట్స్ ఏంటో ఓసారి చూద్దాం....
మనలో చాలా మందికి స్వీట్ క్రేవింగ్స్ ఉంటాయి. ఆకలికాదు కానీ... స్వీట్ తినాలనే కోరిక ఎక్కువగా ఉంటుంది. అలా తినాలి అనిపించిన ప్రతిసారీ తినేస్తే... బరువు సమస్య. ఎక్కడ బరువు పెరిగిపోతామా అని భయపడుతూ ఉంటారు. అలాంటివారు... తమ తీపి తినాలనే కోరికను అణుచుకుంటారు. అయితే... ఈ కింది స్వీట్స్ ని మాత్రం డైట్ లో ఉన్నవారు కూడా తినొచ్చట. మరి ఆ స్వీట్స్ ఏంటో ఓసారి చూద్దాం....
పీనట్ బటర్ ప్రోటీన్ బార్...
దీనినే మనం పల్లీ చెక్క అని కూడా పిలుస్తూ ఉంటాం. అయితే... అచ్చంగా పల్లీలతో మాత్రమే కాకుండా.. అందులో కొద్దిగా ఓట్స్, కొబ్బరి జత చేయవచ్చు. తీపి కోసం పంచదార, బెల్లం కి బదులుగా... తేనెను ఉపయోగించవచ్చు. ఇది ఆరోగ్యానికి ఎంతే మేలు చేయడంతో పాటు.. మీ తిపి తినాలనే కోరికను కూడా తీరుస్తుంది. దీని వల్ల బరువు పెరుగుతారనే భయం అవసరం లేదు.
Image: Getty Images
ఫ్రూట్ క్రీమ్...
పండ్లు ఆరోగ్యానికి మేలు చేస్తాయి. కానీ... మనం తీపి తినాలి అనిపించినప్పుడు ఆ స్థానంలో పండ్లను తినలేం. అయితే.. ఆ పండుతో తయారు చేసిన స్వీట్ తినొచ్చు. బరువు సమస్య రాకుండా ఉండాలి అంటే... ఇదిగో ఈ ఫ్రూట్ క్రీమ్ తీసుకుంటే సరిపోతుంది. దీనిని తయారు చేయడం కోసం అరటి, బొప్పాయి, దానిమ్మ, స్ట్రాబెర్రీ వంటి మిక్స్ డ్ ఫ్రూట్స్ తీసుకోవాలి. దీనితో పాటు... ఎండు ద్రాక్ష, జీడిపప్పు, బాదంపప్పులను కూడా తీసుకోవచ్చు. ఫ్యాట్ లేని క్రీమ్ ని వీటికి జత చేస్తే సరిపోతుంది. క్రీమ్ ని బాగా గిలకొట్టి.. వాటిలో వీటిని కలిపి ఫ్రిడ్జ్ లో కాసేపు ఉంచి తింటే... అద్భుతంగా ఉంటుంది.
Pancake
ప్యాన్ కేక్...
మైదా పిండి లేకుండా తయారు చేసే ప్యాన్ కేకులు కూడా... మీ ఆరోగ్యానికి మేలు చేయడంతో పాటు.. మీ డైట్ కి ఎలాంటి ఆటంకం కలిగించకుండా... తీపి తినాలనే కోరికను తీరుస్తాయి. దాని కోసం... మీరు అరకప్పు ఓట్స్, ఒక మీడియం అరటిపండు, కొద్దిగా పాలు, వెన్న తీసుకుంటే సరిపోతుంది. ముందుగా.... అరటిపండును మెత్తగా చేసుకొని.. తర్వాత... అందులో ఓట్స్ వేసి బాగా బ్లెండ్ చేయాలి. సేమ్ దోశ పిండిలా చేసుకొని... కమ్మగా ప్యాన్ కేక్స్ వేసుకుంటే సరిపోతుంది.