చలికాలంలో ఖర్జూరం తింటే.. ఊహించని ప్రయోజనాలు

చలికాలంలో  చాలా మంది అనేక ఆరోగ్య సమస్యలను ఎదుర్కొంటూ ఉంటారు. అందుకే, ఈ సీజన్ లో  తమ శరీరాన్ని ఆరోగ్యంగా ఉంచుకోవడానికి చాలా మార్పులు చేసుకోవాలి. ముఖ్యంగా సీజన్ కి అనుగుణంగా  కొన్ని ఆహారాలను మన డైట్ లో భాగం చేసుకోవడం చాలా అవసరం.

చలికాలంలో ముఖ్యంగా ఆరోగ్యంగా ఉండటం కోసం ఖర్జూరం కచ్చితంగా తినాలి. ఎందుకు అంటే ఖర్జూరంలో ఉండే పోషకాలు శరీరంలోని అనేక సమస్యల నుంచి ఉపశమన కలిగిస్తాయి. మరి, ఈ ఖర్జూరం తినడం వల్ల కలిగే ప్రయోజనాలేంటో ఇప్పుడు చూద్దాం...

ఎముకలకు మేలు చేస్తుంది:

చలికాలంలో చాలా మందికి కీళ్ల నొప్పులు వస్తాయి. అలాంటప్పుడు మీరు ప్రతిరోజూ కొన్ని ఖర్జూరాలు తినవచ్చు. చలికాలంలో సూర్యరశ్మి తక్కువగా లభిస్తుంది కాబట్టి, శరీరంలో విటమిన్ డి లోపాన్ని తీర్చడానికి ఖర్జూరం మీకు సహాయపడుతుంది. ఇందులో ఉండే కాల్షియం ఎముకలు, దంతాలను బలపరుస్తుంది. ఇందులో పొటాషియం, భాస్వరం, మెగ్నీషియం వంటి పోషకాలు కూడా ఉన్నాయి. ఇవి ఎముకలను ఆరోగ్యంగా ఉంచడంలో సహాయపడతాయి.

గుండె ఆరోగ్యాన్ని మెరుగుపరుస్తుంది:

చలికాలంలో గుండెపోటు ప్రమాదం ఎక్కువగా ఉంటుంది. కాబట్టి చలికాలంలో మీ గుండెను ఆరోగ్యంగా ఉంచుకోవడానికి ఖర్జూరం తినండి. ఇది శరీరంలోని చెడు కొలెస్ట్రాల్ స్థాయిలను తగ్గిస్తుంది.

జీర్ణక్రియను మెరుగుపరుస్తుంది 

ఖర్జూరంలో కరిగే, కరగని ఫైబర్ ఉంటుంది. ఇవి జీర్ణక్రియ సమస్యలను తగ్గించడంలో కీలక పాత్ర పోషిస్తాయి. కాబట్టి జీర్ణవ్యవస్థ బలహీనంగా ఉన్నవారు చలికాలంలో ఖర్జూరం తినడం చాలా ప్రయోజనకరం.

మెదడుకు మంచిది

ఖర్జూరంలో యాంటీఆక్సిడెంట్లు పుష్కలంగా ఉంటాయి, ఇవి మెదడు ఆరోగ్యాన్ని మెరుగుపరచడంలో సహాయపడతాయి. ఇందులో ఉండే పొటాషియం, విటమిన్ బి6 వంటి పోషకాలు మెదడుకు చాలా మంచివి.

బరువు తగ్గడానికి సహాయపడుతుంది: 

మీరు బరువు తగ్గాలనుకుంటే ఖర్జూరం మీకు చాలా ఉపయోగకరంగా ఉంటుంది. ఎందుకంటే ఇందులో కేలరీలు తక్కువగా, ఫైబర్ ఎక్కువగా ఉంటుంది. దీన్ని తింటే మీ కడుపు ఎక్కువసేపు నిండుగా ఉంటుంది, అతిగా తినడం తగ్గుతుంది. దీని ద్వారా మీరు సులభంగా బరువు తగ్గవచ్చు.

జలుబు, దగ్గుకు మంచిది

చలికాలంలో జలుబు, దగ్గు రావడం సహజం. దీని నుండి ఉపశమనం పొందడానికి ఖర్జూరం చాలా ప్రభావవంతంగా ఉంటుంది. ఎందుకంటే ఇందులో ఉండే పోషకాలు రోగనిరోధక శక్తిని బలోపేతం చేసి, జలుబు, దగ్గును నివారిస్తాయి.

రక్తహీనతను తగ్గిస్తుంది 

చలికాలంలో రక్తహీనతతో బాధపడేవారికి ఖర్జూరం చాలా ఉపయోగకరంగా ఉంటుంది. ఇందులో ఉండే ఫైబర్, విటమిన్ సి శరీరంలో ఐరన్ శోషణకు సహాయపడతాయి.

డయాబెటిస్‌ను నియంత్రిస్తుంది

డయాబెటిస్ ఉన్నవారికి చలికాలంలో తీపి తినాలనిపిస్తే ఖర్జూరం తినవచ్చు. ఖర్జూరం తీపిగా ఉన్నప్పటికీ, ఇది డయాబెటిస్ ఉన్నవారికి చాలా మంచిది. ఎందుకంటే దీని గ్లైసెమిక్ ఇండెక్స్ చాలా తక్కువ.