మనిషి చనిపోయాక ఏం జరుగుతుంది? చావు అంచులదాకా వెళ్లి బతికినోళ్లు చెప్పే షాకింగ్ నిజాలు
చావు అంచుల వరకు వెళ్లి బతికి బయటపడ్డ వాళ్లు చెప్పే అనుభవాలు ఆశ్చర్యంగా, మిస్టరీగా ఉంటాయి. వీరి మాటలను బట్టి ఒక మనిషి చనిపోయాక ఏం జరుగుతుందో తెలుసా..?
చావు గురించి వింత నిజాలు...
మనిషి చనిపోయాక ఏం జరుగుతుంది? ఇది ప్రతి ఒక్కరిలో మెదిలే ప్రశ్న. అయితే హిందూ మతం ప్రకారం చివరి క్రిియలు ముగిసేవరకు ఆత్మ శరీరం చుట్టే తిరుగుతుంది. ఇక ముస్లిం, క్రైస్తవ మత గ్రంథాల ప్రకారం చనిపోగానే ఆత్మ స్వర్గం లేదా నరకం చేరుకుంటుంది. ఇలా మనిషి చావుపై మతాచారాలు చెప్పేది ఒకలా ఉంటే సైన్స్ చెప్పే కారణాలు మరోలా ఉన్నాయి. దీంతో కన్ఫ్యూజన్ కొనసాగుతోంది.
అయితే చావు అంచుల వరకు వెళ్లి వచ్చిన వాళ్లు చెప్పే కథనాల్లో చాలా లోతైన విషయాలు, ఆశ్చర్యకరమైన పోలికలు ఉన్నాయి. చావుకు దగ్గరగా వెళ్లినవారి అనుభవాలను బట్టి చనిపోయాక ఏం జరుగుతోంది ఓ అంచనాకు రావచ్చు.
మనిషి చనిపోయాక ఏం జరుగుతుంది?
- శరీరం నుండి బయటకు రావడం
చాలామంది తాము పడుకున్న బెడ్ను, తమకు ట్రీట్మెంట్ ఇస్తున్న డాక్టర్లను పైనుంచి చూసినట్లు చెబుతారు. ఉదాహరణకు హార్ట్ సర్జరీ టైంలో స్పృహలో లేని చాలామంది పేషెంట్లు, తమ శరీరాన్ని వదిలి బయటకు వచ్చి, రూమ్లో జరిగిన సంభాషణలను కరెక్ట్గా గుర్తుపెట్టుకున్నారని కొన్ని స్టడీస్ చెబుతున్నాయి.
2. చావు భయం పోవడం
మరణం అంచులకు వెళ్లొచ్చిన వాళ్లు చావును ఒక 'ముగింపు'గా కాకుండా ఒక 'మార్పు' లేదా 'విముక్తి'గా చూస్తారు. లీండా ప్రింగిల్ అనే మహిళ అనారోగ్యంతో ఉన్నప్పుడు తన శరీరం నుంచి బయటకు తేలుతున్నట్లు, ఒక విశ్వవ్యాప్తమైన ప్రేమను ఫీలైనట్లు వివరించారు.
3. వర్ణించలేని ప్రశాంతత, వెలుగు
చాలామందికి ఈ అనుభవం ఒక దైవికమైన ప్రశాంతతను, భయం లేని స్థితిని ఇస్తుంది. టామీ మెక్డొవెల్ అనే మాజీ సైనికుడు తీవ్ర అనారోగ్యం టైంలో తాను చూసిన 'వెలుగు నిండిన ప్రపంచం' తన బాధలను కడిగేసిందని ఎమోషనల్గా చెప్పారు.
4. లైఫ్ రీప్లే
కొందరు తమ జీవితంలో జరిగిన సంఘటనలన్నీ ఒకే క్షణంలో మెరుపు వేగంతో కళ్ల ముందు కనిపించాయని చెబుతారు. ఇది వాళ్లను ఆత్మపరిశీలన చేసుకునేలా చేస్తుంది.
5. స్పోర్ట్స్ ప్లేయర్ల అనుభవం
మోటోజీపీ (MotoGP) రేసర్ జార్జ్ మార్టిన్ ఒక యాక్సిడెంట్ తర్వాత తనకు కలిగిన అనుభవాన్ని ఇలా చెప్పారు. "నేను చనిపోతున్నానని నాకు అర్థమైంది. ఈ ప్రపంచం నుంచి వేరే ప్రపంచంలోకి వెళ్తున్న ఫీలింగ్ కలిగింది."
6. చనిపోయిన బంధువులను కలవడం
చాలా స్టడీస్లో చనిపోయిన తమ ఆత్మీయులు తమను ఆహ్వానించడానికి వచ్చినట్లు లేదా "నీ టైం ఇంకా రాలేదు, వెనక్కి వెళ్లు" అని చెప్పినట్లు కథలున్నాయి.
వైద్య ప్రపంచానికి కొత్త సవాల్
చావు అంచుల్లోని వారి అనుభవాలు కేవలం మెదడులోని రసాయన మార్పులు మాత్రమే కాదని వాదించేవాళ్లూ ఉన్నారు. వాళ్లు అడిగే ముఖ్యమైన ప్రశ్న ఒక్కటే "మెదడు పనిచేయడం ఆగిపోతున్నప్పుడు, ఒక వ్యక్తి పక్క సర్జరీ రూమ్లో ఏం జరుగుతుందో కరెక్ట్గా ఎలా చూడగలడు?" ఇది 'శరీరంపై ఆధారపడని చైతన్యం' (Non-local consciousness) అనే సిద్ధాంతానికి బలం చేకూరుస్తోంది. చాలామంది పేషెంట్లు ఇలాంటి అనుభవాల తర్వాత ఎవరితోనూ పంచుకోలేక మానసిక ఒత్తిడికి గురవుతున్నారు.
వింత అనుభూతుల ప్రయాణం
ప్రస్తుత పరిశోధనల ప్రకారం… మరణం అనేది ఒక్క క్షణంలో ముగిసిపోయే ప్రక్రియ కాదు. అది మెదడుకు సంబంధించిన ఒక సంక్లిష్టమైన, విచిత్రమైన ప్రయాణం. మెడికల్ టెక్నాలజీ పెరిగేకొద్దీ మనిషి మెదడు చేసే ఈ చివరి ప్రయాణం గురించి మనం ఇంకా ఎక్కువ తెలుసుకోవచ్చు. కానీ ఒక్కటైతే నిజం.. చావు అంచుల వరకు వెళ్లి వచ్చిన వాళ్లు తమ జీవితాన్ని పూర్తిగా కొత్త కోణంలో చూస్తున్నారు. ఈ అనుభవాలు సైన్స్కు, ఆధ్యాత్మికతకు మధ్య వారధిలా నిలుస్తూ, మనిషి ఉనికిలోని మిస్టరీని మనకు గుర్తుచేస్తూనే ఉన్నాయి.
