- Home
- Feature
- Agriculture : వర్షాలు ఆలస్యమైనా డోన్ట్ వర్రీ.. సెప్టెంబర్లో ఈ పంటలు వేస్తే మంచి ఆదాయం ఖాయం
Agriculture : వర్షాలు ఆలస్యమైనా డోన్ట్ వర్రీ.. సెప్టెంబర్లో ఈ పంటలు వేస్తే మంచి ఆదాయం ఖాయం
రుతుపవనాలు ఆలస్యమై ఖరీఫ్ సాగు దెబ్బతిన్నా కంగారు పడాల్సిన పనిలేదు. సెప్టెంబర్లో కురిసే వర్షాలు, నేలలోని తేమను బట్టి ప్రత్యామ్నాయ అవకాశాలు ఉంటాయి. కొన్ని స్వల్పకాలిక పంటలను సరైన ప్రణాళికతో సాగు చేసి మంచి లాభాలు పొందవచ్చు.
వర్షాకాలంలో లాభదాయక పంటలివే..
ఎల్ నినో ఎఫెక్ట్ తో తెలుగు రాష్ట్రాల్లో ఆశించిన స్థాయిలో వర్షాలు కురవడంలేదు... లోటు వర్షపాతం కొనసాగుతోంది. దీంతో ఆంధ్ర ప్రదేశ్, తెలంగాణ రాష్ట్రాల రైతులు ముందుగా ప్లాన్ చేసుకున్న ఖరీఫ్ సాగు దెబ్బతినవచ్చు... ఇలా రైతులకు నష్టాలు తప్పేలా లేవు. కానీ ఒక పంట పోయినంత మాత్రాన సాగు అవకాశాలు పూర్తిగా మూసుకుపోయినట్లు కాదు... సెప్టెంబర్ నెలలో కురిసే వర్షాలు, భూమిలో ఉండే తేమ, నీటిపారుదల సౌకర్యాన్ని బట్టి తక్కువ కాలంలో కోతకు వచ్చే కొన్ని పంటలను ఎంచుకోవచ్చు. దీనివల్ల తక్కువ సమయంలోనే మంచి దిగుబడి సాధించి మంచి ఆదాయం పొందవచ్చు... ఖరీఫ్ పంటనష్టాన్ని పూడ్చుకోవచ్చు.
సెప్టెంబర్ లో ఈ పంటలు వేయండి... లాభం పొందండి
ఖరీఫ్ సీజన్లో వేరుశనగ, పప్పుధాన్యాల వంటి కొన్ని పంటలకు చాలా ప్రాధాన్యం ఉంటుంది. ఇవి వర్షాధార పంటలే అయినప్పటికి ఆ ప్రాంత వాతావరణ పరిస్థితులు, నేల స్వభావాన్ని బట్టి రైతులు ఏది వేయాలో నిర్ణయించుకోవాలి. కొన్ని ప్రాంతాల్లో సెప్టెంబర్ నెలలో వేరుశనగ సాగును పరిశీలించవచ్చు... కానీ అన్ని జిల్లాలకు ఒకే రకమైన విత్తే సమయం సరిపోదు.
కొన్ని ప్రాంతాల్లో సెప్టెంబర్ నుంచి అక్టోబర్ మధ్య కాలాన్ని వేరుశనగకు అనువైనదిగా సిఫార్సు చేస్తారు. నేల స్వభావం, వర్షపాతం, నీటిపారుదల సౌకర్యాన్ని బట్టి సరైన రకాన్ని ఎంచుకోవాలి. కాబట్టి విత్తనాలు కొనే ముందు మీ జిల్లాకు సంబంధించిన వ్యవసాయ శాఖ సిఫార్సులను తెలుసుకోవడం చాలా ముఖ్యం.
కేవలం సీజన్ను చూసి హడావుడిగా విత్తనాలు వేయడం కంటే పొలంలో తగినంత తేమ ఉందో లేదో నిర్ధారించుకోవాలి. పెసలు, మినుములు వంటి పప్పుధాన్యాల పంటలు కూడా కొన్ని ప్రాంతాల్లో స్వల్పకాలిక సాగుకు అనుకూలంగా ఉంటాయి. ముఖ్యంగా నీరు నిలవని నేలల్లో, అవసరమైన తేమ లభించే ప్రాంతాల్లో వీటిని ఎంచుకోవచ్చు.
సాగు టిప్స్
పొలంలో విత్తనాలు వేయడానికి ముందు సరైన పద్ధతిలో విత్తన శుద్ధి చేయాలి. దీంతో మొలకశాతం బాగుంటుంది, పంట తొలిదశలో ఆరోగ్యంగా పెరుగుతుంది. నేల స్వభావాన్ని బట్టి వీటిని ఏకపంటగా లేదా కొన్ని పరిస్థితుల్లో అంతరపంటగా కూడా సాగు చేయవచ్చు. దీనివల్ల వర్షాలు తక్కువగా ఉన్నప్పుడు కూడా అందుబాటులో ఉన్న భూమిని, నీటిని పక్కాగా ప్లాన్ చేసుకుని వాడుకునే అవకాశం రైతులకు దొరుకుతుంది.
విత్తనాలు వేసే సమయం, విత్తన రకం, నేల స్వభావం, వర్షపాతం, నీటిపారుదల సౌకర్యం, పురుగులు-తెగుళ్ల బెడద, కోత సమయంలో వాతావరణం, మార్కెట్ ధర వంటి అనేక కారణాలు రైతుల తుది ఆదాయాన్ని నిర్ణయిస్తాయి. అందువల్ల సాగు మొదలుపెట్టే ముందు మీ భూమిలో అందుబాటులో ఉన్న నీటి లభ్యత, స్థానిక వాతావరణ పరిస్థితులు, విత్తనాలు-ఎరువుల ఖర్చు, ఆశించే దిగుబడి, మార్కెట్ డిమాండ్ను అంచనా వేసుకుని నిర్ణయం తీసుకోవడం మంచిది. అధిక దిగుబడి ఇచ్చే పంటే ఉత్తమ పంట కాదు.. మీ భూమికి, నీటి వసతికి, సీజన్కు సరిపోయే పంటే సరైన ఎంపిక.
నువ్వుల పంట ఎప్పుడు వేయాలి?
చిరుధాన్యాలు, ఇతర స్వల్పకాలిక పంటలను కూడా కొన్ని ప్రాంతాల్లో పరిశీలించవచ్చు. ముఖ్యంగా వర్షాధార భూముల్లో పంటను ఎంచుకునేటప్పుడు రాబోయే కొన్ని వారాల్లో వర్ష సూచన, నేలలో తేమ, పంట కోతకు పట్టే సమయం వంటి అంశాలను లెక్కలోకి తీసుకోవాలి.
నువ్వుల వంటి పంటలను కూడా చాలా జాగ్రత్తగా ఎంచుకోవాలి. అన్ని చోట్లా సెప్టెంబర్ నెలలోనే వేయడం సరైన నిర్ణయం కాకపోవచ్చు. స్థానిక పరిస్థితులు, వాతావరణ సూచలను బట్టి నువ్వుల పంటను ఏ సమయంలో వేయాలన్నది నిర్ణయించుకోవాలి. దీన్ని విత్తే సమయం కూడా ప్రాంతం, సీజన్ను బట్టి మారుతుంది. కాబట్టి ఎక్కువ లాభం వస్తుందన్న సమాచారాన్ని మాత్రమే నమ్మి పంటను ఎంచుకోవడం కంటే స్థానిక వ్యవసాయ అధికారులు లేదా అనుభవం కలిగిన రైతులను సంప్రదించడం సురక్షితం. ముఖ్యంగా సెప్టెంబర్లో విత్తనాలు వేస్తే ఏ పంటలోనైనా కచ్చితంగా అధిక దిగుబడి వస్తుందని చెప్పలేం.
