Ennenno Janmala Bandham: అభి ప్రవర్తనకి రగిలిపోతున్న యష్.. భయంతో పారిపోయిన చిత్ర!
Ennenno Janmala Bandham: స్టార్ మా లో ప్రసారమవుతున్న ఎన్నెన్నో జన్మల బంధం సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. ప్రేమించిన ఆడదాని మెడలో కాకుండా మరో ఆడదాని మెడలో తాళి కట్టటానికి తపన పడుతున్న ఒక దుర్మార్గుడి కథ ఈ సీరియల్. ఇక ఈరోజు మే 12 ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో వదిలేసిన పెళ్ళాం పెళ్ళికి వచ్చినందుకు థాంక్స్ నిజంగా నీది గొప్ప మనసు ఎందుకంటే నీ మాజీ భార్య మరొకరిని పెళ్లి చేసుకుంటే కాస్త బాధ ఉంటుంది కదా అంటూ రెచ్చగొడతాడు అభి. ఎవరిని ఎవరు పెళ్లి చేసుకుంటే నాకెందుకు అంటూ కోపంగా మాట్లాడుతాడు యష్. అందుకే చెప్పాను పెళ్ళికి రాను అని.. నువ్వే బలవంతంగా తీసుకొచ్చావు అంటూ భార్యని మందలిస్తాడు.
అందరూ సంతోషంగా ఉండాలని ఈ రెండు పెళ్లిళ్లు ఒకే ముహూర్తానికి ఒప్పుకున్నాము. ఇక్కడ మీరు ఏదేదో మాట్లాడి రచ్చ చేయకండి. ఇప్పుడు మనం బంధువులం అవుతున్నాము మనం ఎంత హ్యాపీగా ఉంటే మన బంధుత్వం అంత బాగుంటుంది అంటూ అభిని మందలించి భర్తను తీసుకొని అక్కడ నుంచి వెళ్ళిపోతుంది వేద. మరోవైపు మెహందీ ఫంక్షన్ లో వేద, చిత్ర కి గోరింటాకు పెడుతూ ఉంటుంది.
అంతలోనే అక్కడికి వచ్చిన మాళవిక, ఖుషి ఇలా రా నీకు గోరింటాకు పెడతాను అంటుంది. వద్దు నాకు అమ్మ పెడుతుంది అంటుంది ఖుషి.అలా అనకు మాళవిక అమ్మతో గోరింటాకు పెట్టించుకో అంటుంది వేద. నువ్వు చెప్తే చేస్తాను అంటూ మాళవికతో గోరింటాకు పెట్టించుకుంటుంది వేద. నీది చాలా మంచి మనసు అక్క అని మెచ్చుకుంటుంది చిత్ర. మరోవైపు వసంత్, యష్ వాళ్లు మాట్లాడుకుంటూ ఉంటారు.
అక్కడికి వచ్చిన అభి ఈ రెండు పెళ్లిళ్లు జరగటానికి కారణం యష్ ఈ క్రెడిట్ అతనిదే అని తన ఫ్రెండ్స్ కి చెప్తాడు. నిజమే దీనికి కర్త కర్మ అంతా మా వదిన,యష్ అంటాడు వసంత్. ఇంతలో ఏదో ఫోన్ రావటంతో అక్కడ నుంచి వెళ్ళిపోతాడువసంత్. అభి మాత్రం ఊరుకోకుండా వదిలేసిన పెళ్ళాం పెళ్ళికి వచ్చావంటే నిజంగా నీది ఎంత గొప్ప మనసు అంటూ రెచ్చగొట్టేలాగా మాట్లాడుతాడు.
పాతవన్నీ తవ్వితే పాతేస్తాను అంటూ హెచ్చరిస్తాడు యష్. ఇంతలో ఫ్రెండ్స్ వచ్చి డ్రింక్ ఆఫర్ చేస్తారు. వద్దు అంటాడు యష్. పెళ్ళాం పర్మిషన్ ఇవ్వనిదే తాగవా అంటూ ఎగతాళి చేస్తారు వాళ్ళు. పెళ్ళాం చెప్పినట్లు వినకపోతే వాడికి జరగదు మొదటి పెళ్ళాం వదిలేసిన తర్వాత చేసుకున్నాడు కదా ఈ పెళ్ళాం కూడా వెళ్ళిపోతే తర్వాత చేసుకోవటానికి అమ్మాయే దొరకదు అంటూ ఎగతాళి చేస్తాడు.
కోపంతో అభి చొక్కా పట్టుకొని మళ్లీ కూల్ అవుతాడు యష్. పెళ్లి డిస్టర్బ్ అవుతుందని ఊరుకుంటున్నాను లేకపోతే గూబ పగలగొట్టేవాడిని అంటూ అక్కడి నుంచి వెళ్ళిపోతాడు యష్. పక్కకు వెళ్లిన తర్వాత నేను ఏదైతే మర్చిపోవాలి అనుకుంటున్నాను దాన్ని గుర్తు చేస్తాడు అంటూ చిరాకు పడతాడు యష్. అంతలోనే తన దగ్గరికి వస్తున్న భార్యని చూసి మెస్మరైజ్ అయిపోతాడు.
ఏంటి అలా చూస్తున్నారు అంటూ ఆట పట్టిస్తుంది వేద. అలాంటిదేమీ లేదు అంటూ సిగ్గుపడిపోతూ అయినా నువ్వేంటి మెహందీ పెట్టుకోకుండా ఇలా తిరుగుతున్నావు అంటాడు. నాకు మీరే మెహందీ పెట్టాలి అంటూ గోముగా అడుగుతుంది వేద. తప్పదా అంటూ ఆమెకి గోరింటాకు పెడతాడు యష్. నీలో, నీ ఫేస్ లో, నీ స్మైల్ లో ఏదో మ్యాజిక్ ఉంది అంటాడు. వేద అంటేనే మాయ అంటూ తనకి కాస్ట్లీ గిఫ్ట్ కావాలి అని అడుగుతుంది.
సరే అంటూ ఆమెని కళ్ళు మూసుకొని నుదుటిమీద ముద్దు పెడతాడు యష్. కంటికి ఇంపైన కాస్ట్లీ గిఫ్ట్ ఇస్తారనుకుంటే మనసుకి ఇంపైన ఇలాంటి గిఫ్ట్ ఇస్తారని ఎక్స్పెక్ట్ చేయలేదు అంటూ వెళ్ళిపోతుంది వేద. మరోవైపు తన గోరింటాకు చూపించడం కోసం వసంత్ ని వెతుక్కుంటూ వస్తుంది చిత్ర. వసంత కనిపించకపోవడంతో మీరు చూశారా అంటూ అభి ఫ్రెండ్స్ ని అడుగుతుంది.
ఆ రూమ్ లో ఉన్నారు అని చెప్పడంతో అటువైపు వెళుతుంది. కానీ ఆ రూమ్లో అభి ఉంటాడు. అతన్ని చూసిన చిత్ర కంగారు పడిపోతూ వెనక్కి వెళ్ళిపోబోతుంది. ఆమెని చేయి పట్టుకుని ఆపి నాలుగు రోజుల్లో ఎలాగో పెళ్లి జరుగుతుంది అంతకన్నా ముందే ఫస్ట్ నైట్ జరిగితే మజాగా ఉంటుంది అంటాడు అభి. ఆ మాటలకి భయపడి పరిగెత్తుకొని బయటికి వచ్చేస్తుంది చిత్ర.
ఆమె వెనకే అభి కూడా వస్తాడు. వాళ్ళిద్దరూ అలా రావడం వేద, యష్ ఇద్దరూ చూసి అవాక్కవుతారు. తరువాయి భాగంలో వేదని పని చేసుకోనీయకుండా డిస్టర్బ్ చేస్తూ ఉంటాడు యష్. మీకు పిచ్చి పట్టింది అంటుంది వేద. అవును నీ పిచ్చే అంటాడు యష్.