KGF 2 First Review: క్లైమాక్స్ ఊహకు కూడా అందదు.. సస్పెన్స్, యాక్షన్ ఎపిసోడ్స్ మైండ్ బ్లోయింగ్

కేజీఎఫ్ మొదటి భాగంతో హీరో యష్ పాన్ ఇండియా స్టార్ గా మారాడు. ఇప్పుడు కేజీఎఫ్ 2 రాబోతోంది. ఏప్రిల్ 14న ఈ చిత్రం విడుదల కానుండగా అన్నీ కార్యక్రమాలు పూర్తి అవుతున్నాయి.

KGF2

కేజీఎఫ్ మొదటి భాగంతో హీరో యష్ పాన్ ఇండియా స్టార్ గా మారాడు. ఇప్పుడు కేజీఎఫ్ 2 రాబోతోంది. ఏప్రిల్ 14న ఈ చిత్రం విడుదల కానుండగా అన్నీ కార్యక్రమాలు పూర్తి అవుతున్నాయి. తెలుగులో కూడా ఈ చిత్రానికి 100 కోట్లకు పైగా బిజినెస్ జరిగింది అంటే ఈ చిత్రంపై అంచనాలు ఏస్థాయిలో ఉన్నాయో ఊహించుకోవచ్చు. 

ప్రశాంత్ నీల్ ఈ చిత్రానికి దర్శకుడు. ఇటీవల విడుదలైన ట్రైలర్ కు అద్భుతమైన రెస్పాన్స్ వచ్చింది. బాలీవుడ్ స్టార్ సంజయ్ దత్, రవీనా టాండన్ ఈ చిత్రంలో కీలక పాత్రలో నటించారు. కెజిఎఫ్ 2 చిత్రానికి తాజాగా ఓవర్సీస్ సెన్సార్ కార్యక్రమాలు పూర్తయ్యాయి. 

ఫిలిం క్రిటిక్, సెన్సార్ మెంబర్ ఉమర్ సంధు కెజిఎఫ్ 2 చిత్రానికి ఫస్ట్ రివ్యూ ఇచ్చారు. ఈ చిత్రానికి ప్రతి అంశం గురించి ఉమర్ సందు సోషల్ మీడియాలో రివ్యూ ఇచ్చారు. 'కెజిఎఫ్ 2 కన్నడ సినిమా రంగానికి కీర్తి కిరీటం. మొదటి నుంచి చివరి వరకు అదిరిపోయే యాక్షన్ ఎపిసోడ్స్, సస్పెన్స్, థ్రిల్లింగ్ ఎలిమెంట్స్ ఉంటాయి. 

డైలాగులు షార్ప్ గా ఎఫెక్టివ్ గా ఉంటాయి. సాంగ్ జస్ట్ ఒకే. కానీ బిజిఎం మాత్రం అదిరిపోయింది. దర్శకుడు ప్రశాంత్ నీల్ అద్భుతమైన పనితనం ప్రదర్శించారు. సినిమా మొత్తం ఒకే ఇంటెన్సిటీ మైంటైన్ చేయడంలో దర్శకుడు విజయవంతం అయ్యారు. ఇది కేవలం కన్నడ బ్లాక్ బస్టర్ మాత్రమే కాదు వరల్డ్ క్లాస్ మూవీ . 

అందరి నటన అద్భుతం. ముఖ్యంగా యష్, సంజయ్ దత్ మీ హృదయాలు దోచేస్తారు. క్లైమాక్స్ షాకింగ్ గా ఉంటుంది. రేటింగ్ 5/5 అంటూ ఉమర్ సందు కెజిఎఫ్ 2 చిత్రానికి రివ్యూ ఇచ్చారు. 

కెజిఎఫ్ 2 కోసం అభిమానులు ఎప్పటి నుంచో ఎదురుచూస్తున్నారు. కానీ కోవిడ్ కారణంగా ఈ మూవీ పలుమార్లు వాయిదా పడుతూ వచ్చింది. యష్ కి జోడిగా ఈ చిత్రంలో శ్రీనిధి శెట్టి నటించింది. మొత్తంగా ఉమర్ సందు రివ్యూ బయటకి రావడంతో యష్ అభిమానులు గాల్లో తేలిపోతుంటారు. కేజిఎఫ్ 2 చిత్రం ఆర్ఆర్ఆర్ రికార్డులు తిరగరాస్తుంది అంటూ అంచనాలు వినిపిస్తున్నాయి.