Biggboss Telugu Title winners:బిగ్ బాస్ టైటిల్ విన్నర్స్ కి కలిసిరాని కాలం... కనీసం సన్నీ అధిగమిస్తాడా!

బిగ్ బాస్ టైటిల్ గెలుచుకున్న సన్నీ (Sunny)పేరు రెండు తెలుగు రాష్ట్రాల్లో మారుమ్రోగుతుంది. ఆయన ఫ్యాన్స్ సంబరాలు చేసుకుంటుండగా, సోషల్ మీడియా వేదికగా బెస్ట్ విషెష్ తెలియజేస్తున్నారు. అదే సమయంలో సన్నీ కెరీర్ లో మరిన్ని విజయాలు అందుకోవాలని కోరుకుంటున్నారు. అయితే గత బిగ్ బాస్ టైటిల్ విన్నర్స్ కెరీర్ ఆధారంగా కొందరు మాత్రం పెదవి విరుస్తున్నారు. ఆ నలుగురు చేయలేనిది ప్రత్యేకంగా సన్నీ పొడిచేదేంటని సైటర్లు వేస్తున్నారు. 
 

నిజంగా గత నాలుగు సీజన్స్ లో టైటిల్స్ గెలుపొందిన కెరీర్ లో ఎదిగిన దాఖలాలు ఏమీ లేవు. బిగ్ బాస్ టైటిల్ వలన వచ్చిన ఫేమ్ తో కెరీర్ సక్సెస్ ఫుల్ గా సాగలేదు. 2017లో బిగ్ బాస్ షో తెలుగులో ప్రారంభమైంది. ఎన్టీఆర్ (NTR)హోస్ట్ గా ప్రారంభమైన బిగ్ బాస్ సీజన్ 1 మంచి టీఆర్పీ అందుకుంది. ఇక ఈ సీజన్ విన్నర్ గా శివబాలాజీ టైటిల్ అందుకున్నారు. శివ బాలాజీ కెరీర్ ఇంచు కూడా పుంజుకోలేదు. 
 

ఇక నాని (Nani)హోస్ట్ గా సీజన్ 2 ప్రారంభమైంది. ఈ సీజన్ లో యాక్టర్ కౌశల్ విన్నర్ గా నిలిచారు. ఫైనల్ లో సింగర్ గీతా మాధురి-కౌశల్ మధ్య పోటీ నెలకొంది. అత్యథిక ఓట్లు రాబట్టిన కౌశల్ విజేతగా నిలిచి టైటిల్ అందుకున్నారు. హౌస్ కి వెళ్ళక ముందు సినిమాలు, సీరియల్స్ లో నటిస్తూ బిజీగా ఉన్న కౌశల్ టైటిల్ గెలిచిన తర్వాత నెమ్మదించడం విశేషం. కౌశల్ కూడా టైటిల్ గెలవడం ద్వారా సాధించిందేమీ లేదు. 
 

ఎన్టీఆర్, నాని బిగ్ బాస్ షో నుండి తప్పుకోవడంతో సీజన్ 3లో నాగార్జున ఎంట్రీ ఇచ్చారు. మీలో ఎవరు కోటీశ్వరుడు షోని సక్సెస్ ఫుల్ గా నడిపిన అనుభవం ఉన్న నాగార్జున బిగ్ బాస్ హోస్ట్ గా తన మార్కు చూపించారు. మూడవ సీజన్లో టైటిల్ కోసం యాంకర్ శ్రీముఖి-సింగర్ రాహుల్ సిప్లిగంజ్ పోటీపడ్డారు. చివరికి రాహుల్ టైటిల్ దక్కించుకోవడం జరిగింది. బిగ్ బాస్ విన్నర్ గా రాహుల్ ఫేమ్ రాబట్టారు. అయితే ఆయనకు కూడా బిగ్ బాస్ టైటిల్ విన్నింగ్ ఫేమ్ ప్రత్యేకంగా చేకూర్చిన ప్రయోజనం ఏమీ లేదు. కాకపోతే సింగర్ గా తన ప్రొఫెషన్ లో బిజీ ఉన్నారు. 

కాగా బిగ్ బాస్ సీజన్ 4 టైటిల్ అభిజిత్ గెలుపొందారు. అభిజిత్ పరిస్థితి మరీ దారుణం. ఈయనను జనాలు రెండు మూడు నెలలకే మర్చిపోయారు. సినిమాలు, ఈవెంట్స్ తో దుమ్ము రేపుతాడు అనుకుంటే చడీ చప్పుడు లేకుండా కనుమరుగయ్యాడు. మిగతా బిగ్ బాస్ టైటిల్ విన్నర్స్ ఎంతో కొంత  ఆ ఫేమ్ తో కెరీర్ లో ప్రయోజనం పొందారు. ఈ విషయంలో అభిజీత్ జీరో. విన్నర్ గా పూర్తి ప్రైజ్ మనీ కూడా అభిజీత్ కి దక్కలేదు. సోహైల్ ఎత్తుకు పోగా మిగిలింది అభిజీత్ కి ఇచ్చారు. 

మరి సన్నీ కూడా ఆ నలుగురు కంటెస్టెంట్స్ మాదిరి ఎదుగూ బొదుగూ లేకుండా మిగిలిపోతాడా లేక ఈ ఇమేజ్ తో కెరీర్ కి బాటలు వేసుకుంటా అనేది చూడాలి. మరి ఆయన జర్నీ ఇప్పుడే మొదలైంది కాబట్టి, దీనిపై స్పష్టత రావడానికి కొంచెం సమయం పడుతుంది. 

Also read Trolling on Sunny: సన్నీపై షణ్ముఖ్ ఫ్యాన్స్ ట్రోలింగ్.. ఆ రెండిటి వల్లే గెలిచాడు అంటూ నిందలు

Also read BiggBoss Telugu5 grand finale:సన్నీని కోటీశ్వరుడిని చేసిన బిగ్ బాస్ షో.. విన్నర్ గా అతడికి దక్కింది ఎంతంటే!