‘పుష్ప 2’ఐటెం సాంగ్ లో తెలుగు హీరోయిన్ ? షాకింగ్ మేటర్
పుష్ప 2 లో స్పెషల్ సాంగ్ కోసం ఒక తెలుగు హీరోయిన్ ని ఎంచుకున్నారు, దీనికి రూ.2 కోట్ల రెమ్యునరేషన్ ఇచ్చినట్టు సమాచారం. ఈ పాటలో శ్రీలీల నటిస్తున్నట్లు వార్తలు వస్తున్నాయి.
Allu Arjun,Sukumar, Rashmika Mandanna, Pushpa 2
సుకుమార్ సినిమాలో ఓ ఐటెం సాంగ్ కు విపరీతమైన క్రేజ్ ఉంటుందనే సంగతి తెలిసిందే. పుష్పలోని 'ఊ అంటావా మావా సాంగ్' ఎంత హిట్ అయిందో చూశాం. ఇప్పుడు రాబోతున్న పుష్ప–2 లోను ఐటం సాంగ్ ను ప్లాన్ చేశాడు
సుక్కు. ఈ ఐటెం సాంగ్ కోసం మేకర్స్, తెలుగు హీరోయిన్ ని తీసుకున్నారని తెలుస్తోంది. ఈ సాంగ్ కోసం ఏకంగా రూ.2 కోట్ల రెమ్యునరేషన్ ఇచ్చినట్టు టాక్ నడుస్తుంది. ఇంతకీ ఎవరా హీరోయిన్ . వివరాల్లోకి వెళ్తే..
Allu Arjun,Sukumar, Rashmika Mandanna, Pushpa 2
అల్లు అర్జున్, క్రియేటివ్ జీనియస్ సుకుమార్ కాంబోలో తెరకెక్కుతున్న చిత్రం ‘పుష్ప-2’. ప్రస్తుతం మూవీ షూటింగ్ చివరి దశలో ఉన్న ఈ సినిమాకోసం ఓ స్పెషల్ సాంగ్ ని చిత్రీకరించాల్సి ఉంది.
కొంత మేర క్లైమాక్స్ షూట్ మినహా మిగతా షూటింగ్ పూర్తి చేసుకున్న ఈ సినిమా డిసెంబరు 5 న వరల్డ్ వైడ్ గా రిలీజ్ కానుంది. కాగా. తాజాగా ఈ సినిమాకు సంబంధించి ఓ ఇంట్రెస్టింగ్ న్యూస్ నెట్టింట హల చల్ చేస్తోంది.
'పుష్ప ది రూల్'లో స్పెషల్ సాంగ్లో ఎవరు కనిపించనున్నరన్న సస్పెన్స్ వీడినట్లే! ఈ పాటకోసం మూవీ మేకర్స్ టాలీవుడ్ బ్యాటీ శ్రీలీలని సంప్రదించారట. ఆమె నుంచి కూడా పాటిజివ్ రెస్పాన్స్ వచ్చినట్లు సమాచారం.
దీంతో స్పెషల్ సాంగ్లో బన్నితో కలిసి, శ్రీలీల చిందులేయడం దాదాపు ఖాయమైనట్లే! ఈ వారంలోనే ఈ పాట చిత్రీకరణ ఉంటుందని తెలిసింది. కానీ, ఇంకా అఫీషియల్ అనౌన్స్మెంట్ రావాల్సి ఉంది.
ఎర్రచందనం స్మగ్లింగ్‌ నేపథ్యంలో ‘పుష్ప’ తీర్చిదిద్దారు. కూలీగా తన ప్రయాణాన్ని మొదలుపెట్టిన పుష్పరాజ్‌.. ఎర్రచందనం సిండికేట్‌ను శాసించే స్థాయికి ఎలా వెళ్లాడనే ఆసక్తికర అంశాలతో ‘పుష్ప ది రైజ్‌’ చిత్రీకరించారు.
ఆ తర్వాత అతడికి ఎదురైన ఇబ్బందులు ఏమిటి? వాటిని ఎలా ఎదుర్కొన్నాడు? అనే అంశాలతో ‘పుష్ప ది రూల్’ సిద్ధమవుతోంది. ప్రస్తుతం ఇది షూటింగ్ దశలో ఉంది.
allu arjun movie Pushpa2 The Rule release on december 5th
ఇక ఈ సినిమాలోని స్పెషల్ సాంగ్ లో ఎవరు నటిస్తున్నారు?అనే విషయమై నిర్మాత గతంలో మాట్లాడుతూ.. ఎవరనేది ఇంకా ఖరారు కాలేదు. తుది దశ చిత్రీకరణలో ఆ పాటే మిగిలి ఉంది. నవంబరు 4 నుంచి షూట్ చేయాలనుకుంటున్నాం.
రెండు రోజుల్లో ఆ వివరాలు ప్రకటిస్తాం. అలాగే ‘పుష్ప 2’ ప్రీ రిలీజ్ బిజినెస్ రూ. 1000 కోట్లు క్రాస్‌ అయిందనే వార్తలొస్తున్నాయి. నిజమేనా? అంటే...థియేట్రికల్‌, నాన్ థియేట్రికల్‌ కలిపి అలా చెబుతున్నారు. అయితే, నాన్ థియేట్రికల్‌ విషయంలో ఇప్పటి వరకూ ఏ సినిమా చేయని బిజినెస్ చేసింది అని చెప్పుకొచ్చారు.
Allu Arjun,Sukumar, Rashmika Mandanna, Pushpa 2
ఈ చిత్రం నిమిత్తం అల్లు అర్జున్ కు భారీగానే రెమ్యునరేషన్ ముట్టనుంది. మీడియా వర్గాల నుంచి అందుతున్న సమాచారం మేరకు ఈ చిత్రం వెయ్యి కోట్ల దాకా ప్రీ రిలీజ్ చేసింది. నాన్ థియేటర్ బిజినెస్ తో మేకింగ్ కాస్ట్ మాగ్జిమం రికవరీ అయ్యిపోయింది. దాంతో భారీ లాభాలు వచ్చాయి.
ఇక ఈ చిత్రం నిమిత్తం సుకుమార్, అల్లు అర్జున్ పార్టనర్స్ గా రెమ్యునేషన్ తీసుకోవాలని మొదటే ఎగ్రిమెంట్ చేసుకున్నారు. దాంతో అల్లు అర్జున్ కు 300 కోట్లు దాకా రెమ్యునరేషన్ అందినట్లు తెలుస్తోంది. తెలుగు హీరోలు ఇది భారీ మొత్తం. ఇప్పటిదాకా ఏ హీరోకు ఈ స్దాయి రెమ్యునరేషన్ అందుకోలేదు.
