- Home
- Entertainment
- `వార్ 2` తెలుగు రైట్స్ కోసం నిర్మాతలు పోటీ.. ఏకంగా రూ.110కోట్లు, దక్కేది ఎవరికి?
`వార్ 2` తెలుగు రైట్స్ కోసం నిర్మాతలు పోటీ.. ఏకంగా రూ.110కోట్లు, దక్కేది ఎవరికి?
`వార్ 2` టీజర్ సంచలనం సృష్టిస్తుంది. రికార్డు వ్యూస్‌తో దూసుకుపోతుంది. దీంతో ఈ మూవీకి భారీ డిమాండ్ ఏర్పడుతుంది. తాజాగా తెలుగు రైట్స్ లెక్కలు షాకిస్తున్నాయి.
`వార్ 2` పై అంచనాలు పెంచేసిన టీజర్
`వార్ 2` టీజర్ విడుదలైనప్పటి నుంచి సినిమాపై అంచనాలు ఆకాశాన్నంటుతున్నాయి. అభిమానుల్లోనూ అంచనాలు పెరిగాయి. సినిమా కోసం ఈగర్‌గా వెయిట్‌ చేస్తున్నారు.
`వార్ 2` తెలుగు రైట్స్ కోసం భారీ డిమాండ్
హృతిక్ రోషన్, జూనియర్ ఎన్టీఆర్‌ నటించిన ఈ స్పై థ్రిల్లర్, తెలుగు డిస్ట్రిబ్యూటర్ల మధ్య పోటీని పెంచింది. తెలుగు నుంచి భారీ ఆఫర్ వచ్చిందట. ఏకంగా రూ.110 కోట్ల వరకు అడుగుతున్నట్టు తెలుస్తుంది.
ఎన్టీఆర్‌ నటించడంతో తెలుగులో `వార్ 2`కి విపరీతమైన క్రేజ్‌
అయాన్ ముఖర్జీ దర్శకత్వం వహించిన స్పై థ్రిల్లర్ `వార్ 2` ఆగస్టు 14న విడుదల కాబోతుంది. ప్రస్తుతం ఈ మూవీ పోస్ట్ ప్రొడక్షన్‌ వర్క్ జరుపుకుంటుంది. ఇటీవల ఎన్టీఆర్‌ పుట్టిన రోజున విడుదలైన `వార్ 2` టీజర్ కి మంచి స్పందన రావడంతో తెలుగు డిస్ట్రిబ్యూటర్లు క్యూరియాసిటీతో ఉన్నారు. తెలుగు రైట్స్ కోసం పోటీపడుతున్నారు.
`వార్ 2` తెలుగు రైట్స్ కోసం పోటీ పడుతున్నది వీరే
తెలుస్తున్న సమాచారం మేరకు `వార్ 2` చిత్ర నిర్మాతలకు పలువురు డిస్ట్రిబ్యూటర్ల నుండి వాపసు లేని అడ్వాన్స్ (NRA) ప్రతిపాదనలు వచ్చాయట. మైత్రీ మూవీ మేకర్స్, శ్రీ వెంకటేశ్వర క్రియేషన్స్, సితార ఎంటర్టైన్మెంట్, ఏసియన్ సినిమా వంటి పలువురు డిస్ట్రిబ్యూటర్లు `వార్ 2` నిర్మాతలకు NRA ప్రతిపాదనలు ఇచ్చారట.
తెలుగు రైట్స్ కోసం 100 కోట్లు ఆఫర్ చేసిన ఏసియన్ సినిమా
దీంతో `వార్ 2` కి బిడ్డింగ్ ₹90 కోట్ల నుండి ₹110 కోట్లకు చేరి, అత్యంత డిమాండ్ ఉన్న చిత్రంగా నిలిచింది. YRF ప్రస్తుతం అత్యధిక బిడ్లను పరిశీలిస్తోంది. హిందీ, తెలుగు డబ్బింగ్ వెర్షన్ల కోసం తెలుగు రాష్ట్రాల్లో ₹100 కోట్లు ఆఫర్ చేసిన ఏసియన్ సినిమా ముందంజలో ఉందని తెలుస్తుంది.
ఎన్టీఆర్‌ వల్లే `వార్ 2` తెలుగు రైట్స్ కి హైప్‌
దిల్‌ రాజు, మైత్రీ నిర్మాతలు, నాగవంశీ వంటి నిర్మాతలు తెలుగు రైట్స్ కోసం పోటీ పడుతున్న నేపథ్యంలో మరి ఎవరికి `వార్ 2` రైట్స్ దక్కుతాయనేది ఆసక్తికరంగా మారింది. తెలుగులో తారక్‌కి బలమైన మార్కెట్ ఉంది. అందుకే వంద కోట్లు అయినా పెట్టేందుకు నిర్మాతలు వెనకాడటం లేదు. మరి ఫైనల్‌గా ఇది ఎంతకు తెగుతుందో, ఎవరికి ఈరైట్స్ దక్కుతాయో చూడాలి.
