అసలు 'తంగలాన్' అంటే ఏంటో తెలుసా ? అనుమానాలు దూరం చేసిన విక్రమ్

చియాన్ విక్రమ్ నటించిన భారీ బడ్జెట్ చిత్రం తంగలాన్ మరి కాసేపట్లో ఆడియన్స్ ముందుకు వచ్చేస్తోంది. ఆగష్టు 15న వరల్డ్ వైడ్ గా ఈ చిత్రం గ్రాండ్ రిలీజ్ అవుతోంది. పా రంజిత్ దర్శకత్వంలో ఈ చిత్రం తెరకెక్కింది. నటన కోసం ఎంత దూరం అయినా వెళ్లే విక్రమ్ ఈ చిత్రం కోసం కూడా ప్రాణం పెట్టేశాడు. 

అయితే తంగలాన్ చిత్రంపై ఆడియన్స్ లో కొన్ని అనుమానాలు ఉన్నాయి. ఈ చిత్రం ఏ వర్గాన్ని దృష్టిలో పెట్టుకుని తెరకెక్కించారు ? అసలు తంగలాన్ అంటే ఏంటి ? ఇలాంటి అనుమానాలు ఉన్నాయి. 

ఈ ప్రశ్నలకు విక్రమ్ క్లారిటీ ఇచ్చారు. తంగలాన్ అనేది ఒక తెగ పేరు అట. ఆ తెగకి విక్రమ్ నాయకుడిగా ఉంటాడు. అందుకే అదే పేరుని సినిమాకి కూడా పెట్టారు. బంగారం తవ్వకం చుట్టూ ఈ కథ ఉంటుంది కాబట్టి కెజిఎఫ్ తో పోల్చుతున్నారు. కానీ అది కరెక్ట్ కాదని విక్రమ్ తెలిపారు. 

ఈ కథ ఏ ఒక్క వర్గానికో సంబంధించినది కాదు. ప్రతి ఒక్కరికి ఈ కథ రిలేట్ అవుతుంది. అసమానతలకు సంబంధించినది ఈకథ. ప్రతి ఒక్కరూ తమ జీవితంలో ఏదో ఒక సమయంలోఅసమానతకి గురై ఉంటారు అని విక్రమ్ తెలిపారు.